Diosnö ösödo̧ Job mikwo̧ usula emawina jawa 1:9 - Dios Iwene

⁹ Abebö a̧ja̧kwökwe, Awetjama atadinobe Isabenö Jo̧nö: —Yöka̧lajadanö ökwönö yebabinö ösödo̧ Jobma, jo̧kwaijayonö ja̧ ökwönö ösödi̧ma sule jo̧banö pjakatobetjö̧ ösödo̧.

Diosnö ösödo̧ Job mikwo̧ usula emawina jawa 1:9 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 1:10

Jau, isabenö nöinö Jobnö pjakatajabe, otiwanö tjöekwi̧danö Jobnö tjökeba̧lajabe, Jobnöbi, ömöledönöbi, ju'wi ujuna̧li̧bi suli̧ tjöwaedapji jö̧ba̧lö. Isabenö okobe jwiinö otidi̧tenia otiwanö pjakatajabe, ja̧danö jejenö pjakatökwe, nöinö junalo̧ baibajabe.

Diosnö ösödo̧ Job mikwo̧ usula emawina jawa 1:21

—Chojo'do ötjönö jemenama, chitea jwibo̧nö jemijatö, ja̧danö ö'wö batibenama, chitea jwibö chȩwa̧jakwo̧sa. Chujuna̧linama, Isabenö Jo̧ chujuna̧lobö iyinobe, ja̧danö babe Isabenö Jo̧ma chujuna̧lina 'döebajabe. Isabenö Jo̧nö dösödobö jobe, –Otiwo̧ja, –jö̧ba̧lö, —Diosnö ösödö yöa̧linobe Jobma.

Diosnö ösödo̧ Job mikwo̧ usula emawina jawa 2:10

Jobma ilekwonö atadinobe, —Sulabenö yöka̧la chilekwo. Jejenö yöba̧lö, ya̧dö wajwibadö yötja̧lidanö yöba̧lujuja chilekwo, baikwö yötawa: Dios ökwödönö otiwa jawa iyenama, demobö ösödadösa, otiwa jö̧ba̧lö, jö̧tö? Ja̧danö, Dios otiwa jawa iyi̧tjö demobö ji̧tjö̧ma, Dios suli̧ jawa iyi̧tjöbi demobö jwienaji̧? Isabenö Dios suli̧ jawa iyi̧tjöbi öpöjödökönö demobö jo̧be chilekwo, —jö̧ba̧lö atadinobe Jobma. Ja̧danö, okobe jwiinö ja̧ usula emawinö baledi̧ jawa baledonö, sulabenö yöa̧linokobe Jobma, ina jwaikwöda Diosnö ösödö ö̧jinobe.

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

1 Timoteo 4:8

Wanedö yötawa: Ju'wedö juluwadö batjibobö isakwadöma, kabatökönö ö'öba̧libadö, ja̧danö ju'wibi ja̧badö, tupakwö juluwadö batjibobö. Ja̧ ja̧tji̧ma ja'yubeda pjaatijayonö, nöinö pjaatokobe, sule böjȩnö ja̧nö tjiteba'o jawada tjujuluwachibobö pjaatobetjö̧. Jo̧kwaijayonö, Dios ösödi̧danö ja̧dobö isawama, ja̧danö Dios ösödi̧danö ja̧bö ja̧kwawama inesö pjaati̧ do̧'wo̧ luwo̧nö dujuluwachibanö. Ja̧danö, böjȩnö ja̧nöbi, mölejȩnö Dioskwö ja̧nöbi pjaatobetjö̧, do̧'wo̧ luwo̧ ösöwachibanö dö̧jakobe.

1 Timoteo 6:6

Timoteo, do̧'wo̧ ösöwanö ja̧nö Diosnö ösödadöma, isabenö nöinö juna̧ladösa, do̧'wo̧ luwo̧ jawama.

Apocalipsis 12:9

Ikenama nöbo̧ toba'dadanöso̧nöma mölejȩbetjö böjȩkwö labinö jabö lotjobe chedijatö. Jo̧bama damötjö, a̧ko'da ji̧na, Awetja mikwo̧, böjȩnö ju̧kwadönö okobe deinö omöna yöba̧lo̧, jö̧ba̧lö, ötjabökwe. Ja̧danö, iteda ömöayedö, sulabedö ángelesdönöbi labinö jabö lotjinawö̧, mölejȩbetjö böjȩkwö.