Diosnö ösödo̧ Job mikwo̧ usula emawina jawa 1:4 - Dios Iwene

⁴ Job itji̧mu ömadöma, o̧bakwena, bakwo̧nökwena ba'ali juniatjinobe idöda tjejunö, ja̧danö yöne tjö̧jawodö ömadönöbi, ya̧dönöbi a̧debiatjinobe, ichö jobadökwö ba'ali kwanöbi, owöbi tjujunobö.

Diosnö ösödo̧ Job mikwo̧ usula emawina jawa 1:4 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 1:3

Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Diosnö ösödo̧ Job mikwo̧ usula emawina jawa 1:5

Jejenö ja̧biatjinobe Job itji̧muma, ja̧danö ba̧kwelöjatebö ba'ali tjujuni̧ mölebiya 'dö̧ibajenama, ikena möle ina yeayi a̧la̧ibinobe Jobma, ja̧danö itji̧mu bakwo̧nökwena tjusula dichö lootö jö̧ba̧lö, iyawa bakwonökwena kwabö juwö, jwiinö ubinö iyawa baibanö iyinobe Diosnö. Jobma omukwatinobe itedada, —Chitji̧muma Dios öpöjödi̧nö sulabenö ja̧tja̧jena, ja̧danö tjomajadenö sulabenö Diosnö tjomukwatajena, —jö̧ba̧lö omukwatinobe, ja̧danö jejenö omukwatö, iyawa kwabö juwö iyiainobe Diosnö, —Chitji̧munö tjusula söbebö loköbobö atebakwö, —jö̧ba̧lö.

Hebreos 13:1

Chömöledö yötawaduwakwö. Babe kwö̧ja̧wo̧döduwinö ösödabikwawö kwö̧jaduwi̧danö jemi tupakwöbi jwaikwöda ösödabikwawö kwi̧'yaduwo.