Diosnö ösödo̧ Job mikwo̧ usula emawina jawa 1:10 - Dios Iwene

¹⁰ Jau, isabenö nöinö Jobnö pjakatajabe, otiwanö tjöekwi̧danö Jobnö tjökeba̧lajabe, Jobnöbi, ömöledönöbi, ju'wi ujuna̧li̧bi suli̧ tjöwaedapji jö̧ba̧lö. Isabenö okobe jwiinö otidi̧tenia otiwanö pjakatajabe, ja̧danö jejenö pjakatökwe, nöinö junalo̧ baibajabe.

Diosnö ösödo̧ Job mikwo̧ usula emawina jawa 1:10 ပူးပေါင်းရင်းမြစ်များ

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

Génesis 26:12

Ja̧danö, ja̧ o̧bama jobe ja̧nö Isaacma öbatjo ödebiya lödijetö. Ja̧ ödebiyatjö nöinö pokwijetö, Diosma Isaacnö dösölö̧jinö edö pjaatobetjö̧. Bakwade ödinatjö̧ cien jenanö ödebiyama baibijetö.

Génesis 30:30

Ajayinö chichinanöma kwa̧jwi̧muma du̧ju̧tajanöda tjö̧jinobe. Ikenama otiwanö chite'ada̧lobetjö̧ nöinö yebawö tjöba̧jekwachinobe. Isabenö Jo̧ Diosma ötjökwö ösödinö pjabatö ö̧jobetjö̧ ökwönö otiwanö ösödinö pjaatajinobe. Jokwaijayonö babema ötjöda chotidawa chotidobö chösöda, ökwö weköbi̧maö̧kö̧. Babeda ötjö chi̧lȩkwa̧munö, chi̧tji̧munö otiwanö chite'ada̧lobö jö̧ta̧la, otiwanö tjujuna̧lobö— jö̧ba̧lijetö Jacobma Labánnöma.

Génesis 30:43

Jejenö Jacobma jwiinö juna̧lo̧ babibijetö. Jo̧bama o̧bȩja̧dönö, chi̧wo̧dönö, ka̧mȩyu̧dönö, bu̧lu̧dönö, ömöayedö ömadönöbi , ya̧dönöbi ba̧jekwadönö ju̧na̧lijetö.

Génesis 39:5

Ja̧danö, Josénö la'aka jojo baibanö ujuninemi baikwöma Isabenö Jo̧ Diosma Josénö omukwatö jwiinö pjabatijetö Potifarnöma. Eju okwa otikwabi otiwanö baibanö, ja̧danö batjonö junawabi otiwanö pokwobö pjabatijetö Isabenö Jo̧ Diosma.

Génesis 49:25

Jau, Chuluwo̧ Diosma pjaatakobe jobadönö, ökwötjö tupadanö jojodönö. Jo̧ba, Jwiinö Juluwo̧ Diosma jobadönö dösölö̧jinö edö pjabatö mölejȩbetjö weakobe ojwiyo o̧bobö tjö̧jemi nijinö. Ja̧danö, niji okwatjö ojwese'do okwatinö weakobe, otiwanö tjö̧jakobetjö̧. Ja̧danö, tji̧tji̧munö ba̧jekwadönö 'yatjebobö pjaatakobe, ökwötjö tupadanö jojodönöma. Tja̧jwi̧mubi tjö̧ba̧jekwachobö pjaatakobe Diosma ökwötjö tupadanö jojodönöma. José ökwöma kwömöledö tjuluwo̧köbobetjö̧ Diosnö atebbobe ökwötjö tupdanö jojodönö ösödinö pjaatobö— yöbawijetö Jacobma itji̧ Josénöma.

Diosnö ösödo̧ Job mikwo̧ usula emawina jawa 1:3

Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Diosnö ösödo̧ Job mikwo̧ usula emawina jawa 29:2

—¡Ajayinö chö̧jinadanö yemidanö chö̧jowe! Ajayinöma, lekwe möle Diosma otiwanö iteada̧linobe ötjönö, ötjönö iteada̧lina baikwö wanedö yöta̧la:

Diosnö ösödo̧ Job mikwo̧ usula emawina jawa 29:6

Ja̧ möle otiwanö chujuna̧lijatö, wanedö yöta̧la, cha̧jwi̧mu otiwanö leche tjiyobetjö̧, inesö otiwi̧ lechema ojwedanö chöba a'o isuwinobedanö ichejekwa, ja̧danö inawiya jȩmi chöbatjo otiwanö wa̧jo̧betjö̧, olivo o̧tesödö jobetjö isuwinobedanö ichejekwa, isabenö otiwanö chujuna̧lijatö ja̧ mölema.

Diosnö ösödo̧ Job mikwo̧ usula emawina jawa 31:25

ja̧danö, –Ötjöda otiwanö otidö, nöinö juna̧lo̧ batibajabe, isabenö otiwanö juna̧lo̧sa, –jö̧ba̧lö, otiwo̧sa jö̧ba̧lö chomukwatitjö̧ma, isabenö Dios lȩebobö jȩna.

Diosnö ösödo̧ Job mikwo̧ usula emawina jawa 42:12

Isabenö otiwanö Jobnö iyinobe Isabenö Jo̧ma. Usula emawakwa abönö otiwanö iyinatjö bajalekwönönö, usula emawaja̧ o̧pe jwiinö otiwanö iyinobe. Jejenö otiwanö iyiökwe, obejadö catorce milbedönö ajikwinobe Jobma, ja̧danö camellodö seis milbedönö ajikwinobe, ja̧danö pakayadö dos milbedönö ajikwinobe, ja̧danö bu̧lu̧dö ya̧dönö, milbedönö ajikwinobe.

Proverbios 10:22

Ja̧danö, ju'wibi yötawa: Isabenö Jo̧ma otiwanö edö pjaatobe jojodötjö ju'wedönöma, balada tju̧juna̧lobö. Idöda nöinö tjotidi̧ma pjaatokobe tju̧juna̧lobö. Isabenö Jo̧da tju̧juna̧lobö pjabato̧ma.

Isaías 5:2

Batjo otiwanö otidö, niji sobö otidinobe, ja̧danö okobe jwiinö inawiya pjolatö loinobe, ubasa'ba otiwanö pokwakobetjö̧. Jejenö otidajo̧, inesö otiwa'ba ubasa'ba ujuninobe. Ju'wibi batjo ö'weje isaka eda̧lö teada̧lawkawaka otidinobe, batjo otiwanö iteada̧lakobetjö̧, ja̧danö inawanö ubasobu ja̧tö otikwemibi otidinobe, uba wajena, otiwanö ubasobu otidakobetjö̧. Ikenama, jejenö otidajo̧, lekwe möle iteada̧linobe, öbatjo otidajayuma uba waji̧ otiwi̧ wa̧jakobetjö̧, jokwaijayonö waekwinobe, sule tebo jawa uba waji̧da wa̧ji̧nobe, lei̧ uba waji̧da.

Isaías 5:5

—Ja̧danö, jobekwö suli̧ jawada pokwobetjö̧, baikwö yötawaduwakwö chöbatjo ja̧takwa̧ma: Chöbatjo ö'öbö tjöekwi̧, ja̧danö inawatjö otikwemi tjöekwemibi 'dobö lotocha, tebonö ju̧kwadö chöbatjo tebachö, ja̧tö lotjakobetjö̧.

Deuteronomio 33:11

Jobadö Levisaso jojodö tjotidi̧ pjakatobö atebakwö Isabenö Jo̧, ja̧danö jobadö otidö tjiyi̧ emö kwösödobö atebakwö. Ja̧danö tjöpöjojodökwö tjölakwabikwawenama, jwiinö tjöpöjojodönö söbebö loköbobö atebakwö, yemidanö tja̧la̧ibökenanö batjibanö jwiinö tjöpöjojodönö söbebö loköbobö atebakwö.

Deuteronomio 33:27

Ba̧kwelöjatebö jo̧ Diosma ökwödönö tjöbeba̧lö pjabato̧, jo̧bakwö wene jwiinö kwö̧jaduwobö, ja̧danö ökwödönö do̧ba̧lö ö̧jobe, meköbaduwapji jö̧ba̧lö. Kwiteboduwibe kwi̧'yaduwonö, kwöpöjojodöduwinö kwabönöduwitjö a'dewö loobe, ja̧danö ökwödönö weobe, –Bidönö söbebö lobaduwi, –jö̧ba̧lö.

Deuteronomio 7:13

Jau chömöledö, ökwödönö ile nibebö, otiwanö pjaatakobe. Kwö̧ba̧jȩkwachaduwinö, ba̧jȩkwadö kwitji̧muduwinö 'yakebaduwobö pjaatakobe. Ja̧danö kwöbatjiju otiwanö pokwobö pjaatakobe, nöinö kwakwawabi, ubasobubi, olivo o̧tesobubi kwujuna̧laduwakobetjö̧. Ja̧danö kwajwimu pakayadönöbi, obejadönöbi tjö̧ba̧jekwachobö pjaatakobe, ba̧jȩkwadönö kwajikwaduwakobetjö̧. Jau chömöledö, Diosma kwa'dödönö yöbawö ujunibe, niji ökwödönö iyakwa̧ wenema, ja̧danö wei̧ a̧ja̧kwö kwö̧jaduwitjö̧ma, jejenö otiwanö iyakwa̧ nijinö kwö̧jaduwobö pjaatakwo̧.

1 Pedro 1:5

Jau chömöledö, Dios yöawi̧ kwösödaduwiökwe, Diosma ökwödönö tjöbeba̧lönö ite'ada̧lobe, ja̧danö jejenö ite'ada̧lakwo̧, 'dö̧ibaji̧ möle kwö̧jibinaduwa wene i̧sebenanö kabatö. Jau chömöledö, ja̧ möle baibenama, ökwödö iteda i̧tji̧munö otiwa jawa iyakobe, ja̧danö jejenö iyö, kwö̧jibinaduwa wene öwaetjöda i̧sebakobe.

1 Samuel 25:16

Isabenö ökwödönö suli̧ waedökönö, ju'wedöbi ökwödönö sulabenö ja̧tjapji jö̧ba̧lö ökwödönö tjöbeba̧lö tjö̧jinobe. Wanedö yötawa, isabenö 'diinö tjöekwi̧danö tjöbeba̧lö tjö̧jinobe, mölebi yö̧tebi, okobe jwiinö jobadökwö ja̧nö obejadönö teada̧lö dö̧jinama jejenö ji̧nobe.