Efrainsaso jojodötjö 'dukwachawö̧ tjubutjawakadanö ji̧ma, Samaria comunidad, —Inesö otiwemi, —jö̧ba̧lö. Jau, jobadö nöinö ubasobu o̧wa̧lö, 'dukwachawö̧ babibajadö tjö̧jemi wabeko ö'öbö mösa'o otiwa'o wame öwawinö jo̧be Samaria comunidadma, ja̧danö mösa'o wa̧pekwa'o ja̧nö, butjawakadanö ichejekwobe. Jau, butjawaka otiwakadanö, o̧bubia jwiinö otiwo̧'o̧bu ji̧danö ichejekwobe Samaria comunidadma. Jo̧kwaijayonö, o̧bubiya damö jawa babibö, suli̧ waekwi̧danö baledakobe Samaria comunidadma, Samaria comunidadwe.
Isaías 9:8 - Dios Iwene8 Isabenö Jo̧ma iteda yöawi̧ weajabe Jacob itji̧mu tupadanö jojodönö, iteda lȩebakwa̧ wenema, ja̧danö yöawaja̧danö baledobe israel jojodönö. အခန်းကိုကြည့်ပါ။ |
Isaías 9:8
10 ပူးပေါင်းရင်းမြစ်များ
Isabenö inesö la'aka duluwo̧ ö̧jakwo̧ jo̧ba jitji̧ma, ajayitjö bajalekwönönö, ujulu nöamachibanö ba̧kwelöjatebö 'dö̧bibajökönö webö ö̧jakwo̧. Ja̧danö webö ö̧jobetjö̧ 'dö̧bibajökönö ba̧kwelöjatebö wene jwiinö dö̧jakwedösa. Jo̧bama Davidmine iteaka inesö la'aka luwo̧ ö̧binakanö öbamatakwo̧, jadanö David webö ö̧jinemi webö ö̧jakwo̧. Jau, David webö ö̧jinemima yemidanö ditebo baibanö 'diinö 'dö̧bibajökönö ujunakobe, la'akatjöda 'dö̧ibajökö ditebo baibanö, ja̧danö babe jamatö, ba̧kwelöjatebö 'dö̧ibajökönö baibanö, jweinö jwebebö, Dios wei̧danö webö ö̧jakwo̧. Jau, ökwö Okobe Jwiinö Juluwo̧ Isabenö Jo̧ Diosma jobekwö ö̧jobö kwösödobetjö̧, jobekwö baledakobe, jo̧kwajabetjö̧ kwömöledö israel jojodöma kwöba a'otjö tjo̧'wo ösöwachibanö tju̧ju̧kwobe, jö̧balö yöta̧la, tupakwö otiwanö tjö̧jakwa̧ jawama.
Ja̧danö, jobekwö balediawö̧ okobe deinö tjöwaisachibakwedö, Jobadönö baledi̧ma isabenö Dios lȩebi̧ usula emawadötö, jö̧ba̧lö. Isabenö sulabenö omukwatadö israel jojodöma, Dios lȩebi̧jayonö, sulabenö tjomukwati̧ balewachökönö, Samaria comunidadnö ju̧kwadöbi, ju'wedö israel jojodöbi tupakwönönö sulabenö omukwatö tjö̧jobe, —Ju'wedötjö bajalekwönönöbedösa, —jö̧ba̧lö. Jau, otiwadösa jö̧ba̧lö omukwatö, baikwö yöba̧ladö:
ကြော်ငြာတွေ