Isaías 7:8 - Dios Iwene

⁸ Jau, chöba a'otjö juluwöködö jobadö bö̧je luwedöma, baikwö yöta̧la: Siria nijitjö la'aka comunidadma, sule Damasco comunidadda, ja̧danö Damasco comunidad la'aka luwo̧ma, sule Rezin mikwo̧da. Ja̧danö israel niji baikwö yöta̧la, ja'yubeda lekwajabetjö̧ tjöpöjojodöma söbebö lotjakobe israel nijima, israelsaso ötjabawö̧ma deinö baibanö.

Isaías 7:8 ပူးပေါင်းရင်းမြစ်များ

Génesis 14:15

Jobe ichibö ömöayedönö wainökwena tji̧'yobö webijetö, la'aka luwedö tjuju̧kwobekwö, yö̧te. 'Ya̧jadöma juluwijadötö jobadö la'aka luwedönö, tjömöayedö guardia luwedönöbi, dötjibajinö. Ja̧danö döbibajadönö lubijadötö ödö, Hoba ichibanö, Damasco u'dakwö.

2 Samuel 8:6

Ikenama, juluwajo̧, Damasco comunidadtjö iteda ömöayedö ölakwabikwawa jojodö tju̧ju̧kwemi ujuninobe, siria jojodönö wetjobö. Jo̧kwajabetjö̧ jobadö siria jojodöbi David ömöayedö batjibinobe, o̧bakwena tjiteatjö Davidnö midadö batjibanö. Okobe jwiinö David ölakwabikwawö ö̧ji̧ma, Isabenö Jo̧ma Davidnö pjaatinobe, ja̧danö okobe deinö öpöjojodönö ujuluwobö weinobe.

Isaías 8:4

Jau Isaias, lekwökö ja̧ baledakwa̧ma, baikwö yötawa: kwitji̧ –Chabe'do, Chojo'do, –jö̧ba̧lö yöa̧lakwa̧ abönö, Asiria jojodötjö la'aka luwo̧ma kwöpöjojodönö ujuluwakobe, ja̧danö ida̧ökö juluwajo̧, Siria niji la'aka comunidad Damasconö ji̧ nöinö mikwawi̧ jawabi, israel niji la'aka comunidad Samarianö ji̧ jawabi 'döbebö e'ewakobe iteda itebobe, jo̧kwajabetjö̧ ja̧ baledakwa̧ wene i̧sȩbö jobekwö kwimido kwitji̧nö, —jö̧ba̧lö weinobe Diosma.

Isaías 9:11

Jobekwö sulabenö tjö̧jiökwe, Isabenö Jo̧ma tjöpöjojodönö weakobe, Siria niji la'aka luwo̧ Rezin mikwo̧ öpöjojodö Asiria jojodönö, ja̧danö ju'wedö israel jojodö tjöpöjojodönö weakobe, jobadöbi israel jojodönö metji̧bakobetjö̧.

Isaías 9:9

Ja̧danö, jobekwö balediawö̧ okobe deinö tjöwaisachibakwedö, Jobadönö baledi̧ma isabenö Dios lȩebi̧ usula emawadötö, jö̧ba̧lö. Isabenö sulabenö omukwatadö israel jojodöma, Dios lȩebi̧jayonö, sulabenö tjomukwati̧ balewachökönö, Samaria comunidadnö ju̧kwadöbi, ju'wedö israel jojodöbi tupakwönönö sulabenö omukwatö tjö̧jobe, —Ju'wedötjö bajalekwönönöbedösa, —jö̧ba̧lö. Jau, otiwadösa jö̧ba̧lö omukwatö, baikwö yöba̧ladö: