Isaías 7:23 - Dios Iwene

²³ —Ja̧danö, israel niji ba̧kwemeachibanö, batjo jinelötenia suli̧ waekwakobe, sȩötjebi, ju'wi sula'wo pokwi̧bi jȩna baibenanö. Jau, nöinö mikwawina batjo, mil ö'biya ubasa'ba jinayu, ajayinö mil plata ö̧piya mikwawinajayonö, batjo jwiemi, sula'woda pokwemi baibanö ji̧bakobe.

Isaías 7:23 ပူးပေါင်းရင်းမြစ်များ

Génesis 3:18

Ja̧danö, nijitjö sȩi̧bi sula'wobi pokwakobe kwujunemima. Ja̧danö, tebonö jo̧kwada pokwi̧ma kukwakwo̧ja— jö̧ba̧lijetö—.

Isaías 32:10

O̧ba bakwabada baledaja̧ ikena, juluwanö yebabinö tjö̧bawö kwö̧jaduwakwedöja. Jau, ja̧ möle uba waji̧ kwemaduwo jö̧ka̧laduwi̧ma, waekwakobe, ja̧danö ju'wi kwakwawa towi waji̧ kwemaduwo jö̧ka̧laduwi̧ma badekwachökakobe.

Isaías 5:10

Jau chömöledö, Dios lȩebenama, otiwanö wa̧jökakobe batjoma, baikwö yötawa: Batjo jwiinö jalayu, domulataja jawa möle baledibanö pakayadökwö sobö otikwayu uba batjoma, sule ja'yubeda uba opjiya wa̧jakobe, sule veinte litro ubasobu jenanö kwemaduwakwedöja. Ja̧danö cien kilo trigo ödebiya kwödaduwitjö̧ma, trigo waji̧ma sule diez kilo jenanö kwemaduwakwedöja.

Isaías 5:6

Jau, niji mikwawökemi baibanö söbebö lotocha chöbatjoma. Bemi tupakwö ubasa'ba bajale 'wibö chotidökakwo̧sa, ja̧danö niji sobö chotidökakwo̧sa, bakwainö tebo jawa sȩakada, ja̧danö ju'wi sula'woda chöbatjotjö pokwakobetjö. Ju'wibi ojwiyo o'wiju tjöteba̧lakwo̧sa, ja̧dano wetökakwo̧sa, chöbatjo ji̧nemi ojwiyo o̧boböma, —jö̧ba̧lö Dios ökwödönö abebö a̧ja̧kwi̧ yötawaduwakwö.

Isaías 7:24

Jo̧kwajabetjö̧ jojodö jobe batjo ajayinö jinemi tjichibenama, jwiinö labiawö̧ 'böpöbi, nayu̧nubi kwebatö tjichibakwedö, niji ba̧kwemeachibanö sȩi̧ jawada pokwobetjö̧.

Mateo 21:33

Tupakwö yöawinobe Jesúsma: —Ju'wi wanedö yöawakwawabi kwa̧ja̧kwaduwo, baikwö: Bakwo̧ niji otiwemi juna̧lo̧ma, uba batjo otidinobe, ja̧danö laju ubasobu ja̧takwö tjotidakwaju sobö ujuninobe, ja̧danö batjo ö'öbö tjöekwinö ujuninobe, ja̧danö batjo te'ada̧ladö otiwanö tjedobö möaka edawaka ujuninobe. Ikenama, ju'wedö batjo otidadönö mikwanö öbalewinobe öbatjoma jobadö tjotidobö, ja̧danö balewajo̧, jelobe ju'wedö tjitebobe kwebachö i̧'yinobe.

Hebreos 6:8

Jo̧kwaijayonö chömöledö, jayu batjoma abönö juwökönö, ja̧danö 'dawödö, sobö tjotidökötjö̧ma tjujunaja̧ma otiwanö pokwökena. Sȩi̧da ötjebiyada pokwena. Ja̧danö, Diosma jemi edö lȩebobe, Sula, sȩa'woda. Juwö lotocha, jö̧ba̧lö. Chömöledö jejenö yötawajökwe, jelobekwö omukwatö, Jesústjö 'da̧bachibö 'yo̧ ö̧ji̧ma. Jo̧ba ö̧ji̧tjö suli̧da laebobe, batjo sula'wo pokwayudanö. Ja̧danö Diosma, jo̧banö lȩbebö ö̧ji̧tjö suli̧ma juwö loakwo̧.