Isaías 7:11 - Dios Iwene

¹¹ —Acaz, isabenö ökwödönö pjatatakwa̧ wene chi̧sȩbakwo̧sa, jokwajabetjö̧ ötjö kwuluwo̧ Isabenö Jo̧ Diosnö akebo, isabenö pjatatakwa̧ i̧sȩkwa baibanö chi̧sȩbakobetjö̧. Jau Acaz, ökwöda kwedobö kwösödi̧danö akebo, isabenö waiyi̧ jawa jojodö edajitjökö jawa kwedobö jö̧ka̧litjö̧ma akebo, jadanö isabenö akebaja̧danö chi̧sȩbakwo̧sa, isabenö yötawaja̧danö pjatatakwo̧sa, —jö̧ba̧lö Isaias Dios weaja̧ yöawinobe Acaznö.

Isaías 7:11 ပူးပေါင်းရင်းမြစ်များ

1 Reyes 13:3

Ja̧danö, ja̧ möle ju'wibi jwöbeba̧lö yöawinobe Dios yöawi̧ yöbawo̧ma, —Baikwö i̧sȩbö yötawaduwakwö, yötawaja̧ma, Isabenö Jo̧ Dios yöawaja̧da yötawajabe jö̧ba̧lö kwöwaisachibaduwakobetjö̧: Böte iyawötema ö'wejenö 'daakobe, jadanö tjiyaja̧ ökwölaso̧pja̧ma, nijakwö mebö tjoduwakobe. Jobekwö baledakwa̧ edö kwöwaisachibaduwakwedöja, yötawaja̧ma, Isabenö Jo̧ yöawi̧da yötawajabe, —jö̧ba̧lö jwöeba̧linobe.

2 Reyes 19:29

—Ja̧danö baikwö baledakwa̧ yötawakwö Ezequias, edö, –Jweinö yöawajabe Isaiasma, —jö̧ba̧lö kwöwaisakobetjö̧. Biba o̧ba batjo jawa kwukwaduwakwa̧ma, a̧dekwanö pokwaja̧ wa̧ji̧ kwukwaduwakwedöja, ja̧danö babe ikenasababi a̧dekwanö pokwaja̧ wa̧ji̧ kwukwaduwakwedöja. Jo̧kwaijayonö jemi ikenasabama, batjo otidö, ödebiya kwödaduwakwedöja, ja̧danö kwödaduwina waji̧ kwemaduwakwedöja. Ja̧danö ubasa'ba junajadö, waji̧ kwukwaduwakwedöja.

Éxodo 7:9

—Faraónma ökwödönö aebakobe, juluwi̧ jawa i̧sebaduwi chöwaisachibobö, kwuluwo̧duwi Diosma isabenö ökwödönö weinajobö, jö̧ba̧lö. Ikenama Moisés, weköbo Aarónnö otokwa'o do̧batibö nijakwö jao faraón öbajale a'otjö, a̧ko'dada baibanö— webijetö Isabenö Jo̧ma.

Isaías 37:30

—Ja̧danö baikwö baledakwa̧ yötawakwö Ezequias, edö, –Jweinö yöawajabe Isaiasma, –jö̧ba̧lö kwöwaisakobetjö̧. Biba o̧ba batjo jawa kwukwaduwakwa̧ma, a̧dekwanö pokwaja̧ wa̧ji̧ kwukwaduwakwedöja, ja̧danö babe ikenasababi a̧dekwanö pokwaja̧ wa̧ji̧ kwukwaduwakwedöja. Jo̧kwaijayonö jemi ikenasabama, batjo otidö, ödebiya kwödaduwakwedöja, ja̧danö kwödaduwina waji̧ kwemaduwakwedöja. Ja̧danö ubasa'ba junajadö, waji̧ kwukwaduwakwedöja.

Isaías 38:22

Ja̧danö ö̧bibajakwa̧ yöawiökwe, abebö a̧ja̧kwinobe Ezequiasma, —Taji baledakwa̧ edö chöwaisakwa̧da, isabenö chö'wöchi̧tjö bi̧bajo̧, isabenö yemidanö Isabenö Jo̧ ejube chi̧'yakwo̧sa, —jö̧ba̧lö, ja̧danö abebö a̧ja̧kwiökwe, möle ja̧wo̧ ökömakwö kweachobö weinobe Diosma.

Isaías 55:13

Ja̧danö sȩi̧ ajayinö pokwinelö, otiwowi cipres towibiya pokwakobe, ja̧danö ju'wi sȩötje pokwinelö, otiwowi mirtos ötjabowibiya pokwakobe. Jobekwö pokwi̧ma, otiwanö ötjö Isabenö Jo̧ Dios chujulu i̧sȩkwakobe, jojodö jwiinö otiwanö ötjönö tjomukwatakobetjö̧. Jau, ja̧ towibiyama ba̧kwelöjatebö i̧sȩbi̧ baibanö ja̧kwa̧ owi, yöbawö chujuninadanö badekwachaja̧ ba̧kwelöjatebö tjomukwatibakobetjö̧, jö̧ba̧lö yöawobe Isabenö Jo̧ma.

Isaías 7:10

Ja̧danö, Isabenö Jo̧ma yemidanö iteda yöawi̧ weinobe Acaznö, baikwö:

Isaías 7:12

Weökwe, —Jobekwö atebökakwo̧sa, isabenö yöawaja̧danö pjaatakwojobö, pjaatökakwojobö jö̧ba̧lö i̧seboböma atebökö Isabenö Jo̧nö, —jö̧ba̧lö atadinobe Acazma.

Lucas 2:12

Ja̧danö, jo̧banö edö baikwö kwöwaisaduwakwedöja jo̧banö: Tjemu iya̧nö tjemawö̧nö jwaawa'wonö otiwanö jwabawo̧nö, pakaya tju̧kwa meje'yesapjo okwa ö̧bobe kwedaduwakwedöja— jö̧ba̧lö yöawinobe ángelma.