Isaías 65:12 - Dios Iwene

¹² Jo̧kwaijayonö, ötjödasa ökwödönö baledakwa̧ omudawö juno̧ma, jobadömaökö. Ja̧danö jobekwö sulabenö ja̧köbaduwi̧tjö̧, ökwödönö baledakwa̧ma baikwö yötawaduwakwö: Ökwödönö jwötenama, atadökönö ji̧nadöja, ja̧danö ökwödönö yötawenama, a̧ja̧kwinöködöja. Weti̧ öpöjödö, chöba a'otjö sulabenö ja̧binadöja, jwaikwöda inesö chöpöjödi̧ jawada ja̧köbaduwobö omudawö juninadöja. Jo̧kwajabetjö̧, ökwödönö baledakwa̧ baikwö omudawö chujunajabe, ökwödönö dȩdȩbö lotjakwa̧ omudawö chujunajabe, ja̧danö dȩdȩbö lotjajawö̧ meköbaduwakwedöja.

Isaías 65:12 ပူးပေါင်းရင်းမြစ်များ

Isaías 1:16

—Isabenö ötjönö kwösödaduwobö jö̧ka̧laduwitjö̧ma, kwidichawaduwo, chöba a'otjö sulabe jwibadö kwö̧jaduwakobetjö̧. Chöba a'otjö sulabenö ja̧köbaduwi̧ kakatibaduwo.

Isaías 1:20

Jo̧kwaijayonö, a̧ja̧kwökönö, weti̧ öpöjödö kwö̧jaduwitjö̧ma, isabenö ju'wedö dȩdȩbö lotjakwawö̧ja. Jau chömöledö, ötjö Isabenö Joma jobekwö yötawajabe, ja̧danö isabenö yötawaja̧danö baledakobe, —jö̧balö laebobe Isabenö Jo̧ yöawi̧ma.

Isaías 10:4

Isabenö ji̧ikwa jwiköbaduwakwedöja, sule dötölataja jawada kwöbaledaduwobö ja̧kobe, tjujuluwajawö̧, jelobekwö ökwödönö töbö ötjibawö̧ kwi̧'yaduwoböö̧kö̧, kwabö lotjawö̧ debö kwi̧'yaduwoböö̧kö̧, isabenö ji̧ikwa jwiakobe ökwödönö. Ja̧danö jobekwö ökwödönö lȩebijayonö, ina iteda ömamu kabebö i̧sȩba̧lö ö̧jakwo̧ Diosma, tupakwönönö ökwödönö kwaakobetjö̧, ¡ökwödöwe!

Isaías 27:1

Ja̧danö, ja̧ möle Isabenö Jo̧ma Leviatan ötjabökwe jwaibalawanö jo̧nö lȩebakobe. Inesö nöbo̧ a̧ko'da Leviatanma, Dios öba a'otjö döibajakobe, öwali'bo wi̧su̧inö ja̧bö döibajakwo̧ Leviatanma, jo̧kwaijayonö Diosma iteda itea kwölöte'o, inesö nöa'o juluwa'onö kwabö loakobe jwaibalawanö jo̧ Leviatannö.

Isaías 3:25

Ja̧danö Jerusalen comunidad ömadöma debö tji̧'yakwedö, jobadötjö inesö juluwadöbi ölakwabikwawö debö tji̧'yakwedö.

Isaías 34:2

Isabenö Jo̧ma ödameakwobe tjitebotenia jojodönö, jwiinö dameakwo̧ tjitebokwena ölakwabikwawa jojodönö, ja̧danö dameakwö jobadönö söbebö loakobe, ö'wö batjibanö lȩbebö loakwo̧.

Isaías 34:5

Jau, baikwö wanedö yöa̧lobe Diosma: —Chitea kwölöte'oma, mölejenö lö̧jadönö söbebö lobö, nöinö tjökwösobu ida̧ökö owa̧lajabe ichejekwa, 'dukwacha'o baibanö. Ja̧danö babema chitea kwölöte'oma, mölejȩbetjö nijakwö jwiachakobe, Edom jojodönöbi lȩtebakobetjö̧. Jobadönö lȩbebö yötawajabe, bakobe jobadönö söbebö lotobö jo̧be, jö̧ba̧lö, ja̧danö babe jobadönö lȩtebakwo̧sa, —jö̧ba̧lö yöa̧lobe.

Isaías 34:6

Jau chömöledö, wanedö yöta̧la: Isabenö Jo̧ma kwölöte'o juna̧lo̧, ja̧danö tjökwösobuma kwölöte'otjö to̧obe, ja̧danö kwabö loajawö̧ tjo̧tema jöte kwölöte'onö lö̧jibobe. Jau, obejadö tjökwösobubi, chivodö tjökwösobubi to̧obe kwölöte'oma, ja̧danö obejadö ömadö tjibiepja̧ ö'öbö tjo̧tema, kwölöte'onö lö̧jibobe. Jobekwö jo̧be chömöledö, Isabenö Jo̧ma jo̧banö iyawa Bosra comunidadtjö ujunajobetjö̧, ja̧danö Edom niji ba̧kwemeachibanö inesö dȩdȩbö loawa baibobetjö̧.

Isaías 41:28

Jobekwö yöbawo̧sa chömöledö, jo̧kwaijayonö ju'wedö kwösödaduwawö̧ o̧'wo jawa chedemi, jobadötjö bakwo̧bi deobe waisanö yöbawo̧ma, abebö cha̧ja̧kwena otiwanö atado̧ma.

Isaías 50:2

Ja̧danö ökwödönö pjatatotö jö̧ba̧lö chichenama, tajawedö deköbinaduwada? Ökwödönö jwötenama, tajawedö bakwo̧bi atadinököda? Kwö̧jibaduwinö pjatatobö chujuluwokobetjö̧, pjatato jö̧ta̧linama waekwinaji̧? Ja̧maökö chömöledö, isabenö juluwo̧sa. Yöba̧löda jwaibalawa webö, —Kököbachibi, —jö̧ba̧lö wetitjö̧ma, juluwanö kököachibawa. Ja̧danö ojwebiya lamatemi kököachibobö wetitjö̧ma, juluwanö kököemi baibanö balewachobe, ja̧danö okwa lö̧ji̧nadö ba̧i̧ma, juluwanö ö'wö babibö woinö 'dö̧ekwobe.

Isaías 59:15

Ökwödö dö̧jelöma, isabenö yöa̧lakwawama 'dö̧ibajabe, ja̧danö bakwo̧ sulabenö ja̧awa kaatibobö jö̧ba̧lo̧ma, ju'wedö suli̧ tjöwaedobö jö̧tja̧lökwe babibo̧. Jobekwö dö̧ji̧ edö, öpöjödinobe Isabenö Jo̧ma, —Israel jojodö ja̧bö tjö̧ji̧ma chöpöjöda, ja'yubebi lȩekwa jweinö yöbawöködötö, —jö̧ba̧lö.

Isaías 63:6

Jwiinö dameakwö ja̧nö, chömöledö tjöpöjojodö tjitebotenia jojodönö ja̧tö lotijatö. Jau, inesö chödameakwi̧ ji̧ owawa chojwebijatö jobadönö, ja̧tjö jwiinö 'dukwachawö̧ batjibanö, ja̧danö tjökwösobuma, nijinö tobebö lotijatö, jö̧ba̧lö wanedö atadobe Diosma.

Isaías 65:3

Isabenö chödameakwinö ja̧tjotö jö̧ba̧lö, jwaikwöda chöba a'otjö sulabenö ja̧bö ju̧kwadö. Batjotjö sulabenö o̧'wo jawa ösödö, kwabö juwö iyadö, bloquetjö otikwemi iyawemitjö̧, ju'wedö tjösödawö̧nö kwabö juwö iyadö.

Isaías 66:16

Jau chömöledö, bö̧jȩ ba̧kwemeachibanö ju̧kwadönö lȩebakobe Isabenö Jo̧ma, ökwölanöbi, iteda itea kwölöte'onöbi labinö lȩebakobe, isabenö ba̧jȩkwadönö lȩbebö loakobe Isabenö Jo̧ma.

Mateo 22:3

Iteda ömöayedönö weinobe, ajayinö a̧debinawö̧nö yötjawobö, Tjo̧wi̧ pjiesta dujunobö jo̧be, ichaduwi, jö̧ba̧lö. Jo̧kwaijayonö tjichoböma tjöpöjödinobe.

Mateo 22:7

Jejenö ja̧tjiökwe, la'aka luwo̧ma ödameakwinobe, ja̧danö iteda ömöayedö guardia jojodönö weinobe, jobadö iteda ömöayedönö kwabö lobajadönö kwabö lotjobö, ja̧danö tjö̧jinemi comunidad juwö lotjobö.

Juan 1:11

Jo̧bama itebonöda ichibö, iteda ömöledönö yöawijayonö jobadöma tjöpöjödinobe jo̧banöbi, jo̧ba yöawi̧bi.

Deuteronomio 32:25

Tjejutjö labebö mananö ju̧kwadöma, kwölöte'otjö debö tji̧'yakwedö, ja̧danö o̧do okwa ju̧kwadöma, jwiinö yebabinö tjö̧bawö tjö̧jakwedö, juluwadö ömadöbi, ya̧döbi, ina o̧do'bi owadöbi, damöbi.