Isaías 64:5 - Dios Iwene

⁵ Jau chuluwo̧, tjo̧'wo ösöwanö ökwö weköbi̧ a̧ja̧kwö ju̧kwadönö, otiwanö ja̧bö ju̧kwadönö otiwanö pjabatö jo̧ja. Jobekwö ji̧nöködösa chuluwo̧, ja̧danö sulabenö ja̧bö dö̧jiökwe, ökwödönö dameakwö ji̧naja chuluwo̧. Jo̧kwaijayonö, kwödameakwijayonö, yayonö jwaikwöda sulabenö ja̧bö dö̧jijatö, ida̧ökö lekwe möle sulabenö ja̧bö dö̧jajabe chuluwo̧, ¿dakwö dö̧jibakwajö?

Isaías 64:5 ပူးပေါင်းရင်းမြစ်များ

Éxodo 20:24

Ja̧danö, ju'wi jawabi wetaduwakwö: Niji yudö kwotidaduwo juwö iyawemima. Jelöda juwö kwiyaduwo o̧bȩja̧dönöbi pa̧ka̧yö̧nöbi okobe jwiinö juwö. Ja̧danö, ju'wibi jelö iyawemi wa̧nö kwiyaduwobö jo̧be, o̧bȩja̧dönöbi pa̧ka̧yö̧nöbi, okobe jwiinö juwökönö. Ja̧ kwiyaduwi̧ma wanekwachobe, kwömöledökwö wene kwujuna̧laduwi̧tjö tjo̧wi̧ wene jwiinö kwö̧jaduwobe, jö̧ba̧lö. Ja̧danö ötjönö kwösödaduwobö jelobe 'ya̧jadö, jelobe 'ya̧jadö wetenama, Isabenö Jo̧nö dösöda, jö̧ba̧lö kwösödaduwotjö. Jejenö ötjönö kwösödaduwitjö̧ma ichö dösölö̧jinö edö pjatatocha otiwanö kwö̧jaduwobö— yöba̧lijetö Isabenö Jo̧ma Moisésnö, Israel jojodönö yöawobö.

Éxodo 25:22

Moisés, jobeda, ökwönö yöba̧lö chichocha, ö̧tjö weti̧ wȩyukwa öbiya a̧ja̧pjo muchekwapi wamenö. Ja̧pi wamenö ja̧dö, queribines mikwadö tjö'da̧denö chichocha. Jobetjöda ökwönö yötawocha kwö̧jaduwobö weti̧ma, Israel jojodönö yökawobö— webijetö Isabenö Jo̧ma Moisésnö.

Éxodo 30:6

Japjoma tjujuno chö̧jakweju okwa abönö teachakwawȩko̧nö, la'akasȩko̧nö, inesö la'akasȩko̧ tjöekwado̧ badeibö. Jȩko̧ inesö la'akasȩko̧ okwa jelepjo ja̧kobe, ötjö weti̧ wȩyukwa döbölataja inabiya a̧ja̧pjoma. Jobema, ja̧pjo muchekwapi wame ökwödökwö chö̧jobö chichakwo̧sa.

Isaías 1:30

Jau, isabenö tabakwö kwö̧jaduwakwedöja, baikwö wanedö yötawa: Inesö otiwowi öjiya tjoduwenama, ja̧danö towibiya jȩmi kököachibenama, towibiyama öjiya jwiowi tabakwö ji̧danö jo̧be, jö̧tö? Jobekwö baledakwawö̧ja, ökwödö o̧'wo jawa ösödadönöma.

Isaías 12:1

Ja̧danö, ja̧ möle Dios jwiinö otiwanö pjaatiawö̧, baikwö yöka̧laduwakwedöja: —Duluwo̧ Isabenö Jo̧, otiwanö pjabato̧ja jö̧ba̧lö yöda̧lakwö. Jau Duluwo̧, ajayinö ökwödönö kwödameakwijatö, jo̧kwaijayonö ajayinö kwödameakwinajayonö, kwödameakwi̧ma kakatibajabe, ja̧danö do̧'wo ösöwachibanö pjakatajabe.

Isaías 26:13

Isabenö Jo̧, ökwödö Juda niji jojodö dösödökwe Dios, ju'wedö duluwedöbi ajayinö ökwödönö webö tjö̧jinobe, jo̧kwaijayonö jobadönö omukwatöködösa, ökwönöda domukwatibakwedösa, —Isabenö Jo̧ma isabenö duluwo̧ ökwödönö pjabato̧, —jö̧ba̧lö.

Isaías 27:8

Ökwödönö lȩebinama, baikwö yöta̧la: Döwaisachibo jö̧ba̧lö, ditebotjö labebö jelobe dö̧jobö weinobe, jawo̧ laebobekwötjö ichi̧ jwa̧lȩ'epjo labinö jwa̧lȩ'ewi̧danö, labinö pjuinobedanö ichejekwa, ditebotjö a'dewö loakobetjö̧.

Isaías 63:10

Jo̧kwaijayonö, jobekwö otiwanö pjaatinajayonö, jo̧banö katjatibinobe, ja̧danö Dios O̧'wo Luwo̧ o̧'wo tjo̧ekwobö sulabenö ja̧tjinobe. Jobekwö sulabenö ja̧tjiökwe, tjöpöjojo baibinobe Diosma, ja̧danö jo̧bada da'dödönö ölakwabikwawö ö̧jinobe.

Isaías 63:7

Isabenö Jo̧ jwaikwöda iteda ömöledönö ile nibebö ösödina jawa yötawocha, jo̧banö ösödö yöta̧locha. Jau, Isabenö Jo̧ma isabenö otiwanö iyinawö̧sa, isabenö jwiinö otiwanö pjaatinobe israel jojodönö. Jo̧bama inesö lȩlöjinö edo̧obetjö̧, ja̧danö jwaikwöda ile nibebö ösödo̧obetjö̧, jobekwö otiwanö pjaatinobe.

Daniel 9:5

Chuluwo̧ Dios, ökwöma isabenö otiwanö ja̧köbijayonö, ökwödö Israel jojodöma sulabenö ja̧dajabe. Isabenö jwiinö suli̧ jawa ja̧bö, ökwö weköbi̧ kadatibajabe, ökwö ja̧bö dö̧jobö weköbi̧ma a̧ja̧kwökönö.

Hechos 10:35

Bakwo̧, jelobe jo̧bi jelobe jo̧bi, Diosnö yebabinö omukwato̧nö Diosma otiwanö edobe—yöbawijetö—.

Hebreos 4:16

Jo̧kwaobetjö̧ Jesúsma, Diostjö jojodötjö ö'weje la'aka pjabato̧ baibanö jo̧obetjö̧ Diosnö yöbawö, abebö yebabökönö dichibaduwo chömöledö. Isabenö, Diosma ökwödönö lȩlö̧jino edobetjö̧, ökwödönö pjabato̧ do̧'wo̧ tjo̧bekwö dö̧jenama. Chömöledö, Dios, lȩlö̧jino edö pjabato̧nö do̧'wo̧ luwo̧ okwanö dichibenama, jo̧bakwö ö'wachö döbamatobe.