Lekwe möle wi̧inö ja̧nö chiteada̧lajabe, lȩtebobö ji̧najayonö, juluwanö lȩbebökönö chiteada̧lijatö. Jo̧kwaijayonö, babe ida̧ökö lȩtebakwa̧ möle badekwachajabe, baikwö wanedö yöta̧la: Metu'wo ju̧juma, lekwe metu'wo jö̧jaja̧ ikena, jitji̧nö jemobö badekwachenama, jwöbeba̧luju, ja̧danö juluwanö, labinö jo̧'wo emuju, jö̧tö? Ötjöbi ja̧danö, bajalianö lȩbebö latebakwa̧ möle badekwachajabe.
Isaías 64:12 - Dios Iwene12 Ja̧ jawa edö, ina pjabatökönö kwö̧jakwa̧ji̧ chuluwo̧ Isabenö Jo̧? Ina wi̧inö ja̧nö, tupakwönönö usula dewawobö weköbakwa̧ji̧? jö̧ba̧lö Diosnö atebobe. အခန်းကိုကြည့်ပါ။ |
Isaías 64:12
12 ပူးပေါင်းရင်းမြစ်များ
Chuluwo̧ Dios, mölejebe kwö̧jelö kwedo, inesö otiwobe, suli̧ jwiobe kwö̧jelö dö̧jobekwö kwedo ökwödö kwömöledö israel jojodönö. Chuluwo̧, ajayinö kwujulu i̧sȩbö, ökwödönö pjakatobö jö̧ba̧linaja, yemidanö ökwödönö pjakatökenaji̧? Ajayinö ökwödönö ile nibebö, ökwödönö lȩlöjinö kwedinajayonö, babe ökwödönö lȩlöjinö kwedökiji̧?
Jobekwö sulabenö ja̧bö tjö̧ji̧ wajwitenaji̧? Isabenö waiso̧sa, ja̧bö tjö̧ji̧ wȩyukwa'yema chöba a'o juna̧lo̧sa chömöledö, ja̧danö baikwö yötawaduwakwö, jobekwö sulabenö ja̧bö tjö̧ji̧tjö, wi̧inö chö̧jökakwo̧sa. Ja̧bö tjö̧ji̧ mikwa baibanö, isabenö balekwa mikwa lȩtebocha, ba̧jȩkwachenanö baibanö isabenö lȩtebakwo̧sa.
Ja̧danö, jobadö öwawöködöma labinö Diosnö atjeba̧li̧ cha̧ja̧kwijatö, baikwö: —Duluwo̧ Dios, ökwöma okobe jwiinö webo̧ja, suli̧ jwibo̧ja, jweinö yöba̧lo̧ja. ¿Dokwa lekwe kwite'ada̧lakwa̧da ökwödönö kwabö lobinadönö lȩkeboböma? ¿Dokwa lekwe kwite'ada̧lakwa̧da balekwa mikwa lȩbebö weköbakwa̧ma?—budekwabinö atjeba̧li̧ cha̧ja̧kwijatö.
ကြော်ငြာတွေ