Isaías 63:6 - Dios Iwene

⁶ Jwiinö dameakwö ja̧nö, chömöledö tjöpöjojodö tjitebotenia jojodönö ja̧tö lotijatö. Jau, inesö chödameakwi̧ ji̧ owawa chojwebijatö jobadönö, ja̧tjö jwiinö 'dukwachawö̧ batjibanö, ja̧danö tjökwösobuma, nijinö tobebö lotijatö, jö̧ba̧lö wanedö atadobe Diosma.

Isaías 63:6 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 21:20

Jau, idödabi tjöbajalenö, Dios jobadönö söbebö lobö lȩebi̧ jawa tjedobö jo̧be, idödabi Okobe Jwiinö Juluwo̧ Dios dameakwö lȩebi̧tjö tjemawobö jo̧be, tji̧tji̧mudamaökö.

Isaías 22:5

—Jau, isabenö jobekwö baledakobe, inesö la'aka luwo̧, Isabenö Jo̧ Okobe Jwiinö Juluwo̧ Diosma ja̧ baledakwa̧ omukwatö ujuninobetjö̧. Jau, –Dakwö ja̧dakwajö, –jö̧ba̧lö o̧'wo tjo̧achö ja̧tjakwedö, jadanö tjöpöjojodö kwetjachobe labinö ökwöi̧ tja̧ja̧kwakwedö, ja̧danö tjöpöjojodö tjujuluwajawö̧ tjö̧jakwedö. Ja̧ möle Jerusalen tjöekwemi 'dobö lotjakwedö, ja̧danö Jerusalennö ju̧kwadöma yebabinö jwötjeba̧lakwedö, jwötjeba̧li̧ma mösa'ijutjö tjaja̧kwenanö baibanö.

Isaías 29:9

Chömöledö, isabenö baledakwa̧ edö, kwöbajaleduwi jalaka baibanö kwö̧jaduwakwedöja, tajijö jö̧ba̧lö. Yötawi̧ kwa̧jakwaduwobö kwöpöjödaduwobetjö̧, ökwödöda kwöbajaleduwi tjewawadö bakibaduwanö jabadöja, ja̧danö tjewawadödanö kwö̧jaduwakwedöja. Ökwödö Jerusalen comunidad jojodöma 'dukwachawö̧ tjö̧jidanö ja̧döja, jo̧kwaijayonö ubasobu o̧wa̧lajadö 'dukwachawö̧ babiböködöja. Ja̧danö 'dukwachawö̧ kwebachadö tjö̧ji̧danö ja̧döja, jo̧kwaijayonö nio ojwiyo owa̧lajadö 'dukwachawö̧ kwebachöködöja.

Isaías 34:2

Isabenö Jo̧ma ödameakwobe tjitebotenia jojodönö, jwiinö dameakwo̧ tjitebokwena ölakwabikwawa jojodönö, ja̧danö dameakwö jobadönö söbebö loakobe, ö'wö batjibanö lȩbebö loakwo̧.

Isaías 34:7

Ja̧danö obejadönöbi, chivodönöbi kwabö loidanö, tebonö ju̧kwadö pakayadönöbi, pakayadö tji̧tji̧munöbi, ödöbaedö pakayadö ömadönöbi kwabö loakwo̧. Jwiinö kwabö loobetjö̧, nijima tjökwösobutjö 'dukwibakobe, ja̧danö tjo̧tema nijinö ba̧kobe.

Isaías 49:26

Jau chömöledö, baikwö wanedö yötawa kwöpöjojodöduwinö chölakwabikwawakwa̧ma: Kwöpöjojodönö idöda tjiteba'o tjukwobö chiyakwo̧sa, ja̧danö ubasobu tjowi̧danö, idöda tjökwösobu owö 'dukwachawö̧ batjibobö chiyakwo̧sa, jö̧ba̧lö. Jau chömöledö, otiwanö ökwödönö pjabatö chölakwabikwawakwo̧sa, ja̧danö okobe deinö bö̧jȩnö ju̧kwadöma edö tjöwaisachibakwedö ötjönö, —Isabenö Jo̧ Diosda, Jacob ömöledö tjösödökwe juluwo̧ma, Diosda israel jojodönö tjö̧ji̧binö pjabato̧ma, jo̧bada tjöbeba̧lö pjabato̧ma, —jö̧ba̧lö edö tjöwaisachibakwedö, jö̧ba̧lö yöawobe Diosma.

Isaías 51:17

Ökwödö 'dukwachawö̧danöbedö Jerusalen jojodöma, wilubaduwi, wilubö a̧la̧ibaduwi. Wanedö yöta̧laduwakwö, Isabenö Jo̧ma iteda ödameakwi̧ a̧ja̧'do̧ deja'do̧tjö kwowaduwobö iyinobe, ja̧danö iyajawö̧, okobe jwiinö kwowaduwajabe, ja'yubebi ji̧bökönö kwowaduwajabe, inesö yeabikwawa jawa deja'do̧ a̧ji̧ma.

Isaías 65:12

Jo̧kwaijayonö, ötjödasa ökwödönö baledakwa̧ omudawö juno̧ma, jobadömaökö. Ja̧danö jobekwö sulabenö ja̧köbaduwi̧tjö̧, ökwödönö baledakwa̧ma baikwö yötawaduwakwö: Ökwödönö jwötenama, atadökönö ji̧nadöja, ja̧danö ökwödönö yötawenama, a̧ja̧kwinöködöja. Weti̧ öpöjödö, chöba a'otjö sulabenö ja̧binadöja, jwaikwöda inesö chöpöjödi̧ jawada ja̧köbaduwobö omudawö juninadöja. Jo̧kwajabetjö̧, ökwödönö baledakwa̧ baikwö omudawö chujunajabe, ökwödönö dȩdȩbö lotjakwa̧ omudawö chujunajabe, ja̧danö dȩdȩbö lotjajawö̧ meköbaduwakwedöja.

Apocalipsis 16:19

Ja̧danö, jobema, Babilonia mikwemi, inesö la'akasemima, okobe jwiinö lileibobe chedijatö. Ja̧danö, wa̧po'okwa jenanö baibanö baledobe chedijatö jemima, Babiloniama. Ja̧danö, jelobebi jelobe comunidadesbi jejenö pjolachakwawibanö baledobe chedijatö. Jejenö Diosma Babilonianö ju̧kwadönöma lȩebobe chedijatö, jo̧banö sulabenö omukwatö tjö̧jobetjö̧. Ja̧danö, jobadöma ojwiyo tjowi̧danö Dios ölabi̧sobutjö owadö. Ja̧ isobuma, Dios ölabi̧sobuma wanekwachobe Diosma Babilonia ju̧kwadönö iteda ujulunö i̧sebö lȩebi̧ma.

Apocalipsis 16:6

Bidö lȩkebawö̧ma, ökwö kwömöledö babibinadönö kwabö lobinadö. Ja̧danö, ökwö yökawi̧ yöbawinadönö kwabö lobinadö. Yelösöda, bidö lȩkebawö̧ma, ökwö kwömöledönö tjökwösobu ebawinö kwabö lobinadö. Jo̧kwaobetjö̧, ökwöma otiwanö balekwa mikwa ja̧köbajabe jobadönöma, tjökwösobuda tjowobö— ángel Diosnö yöa̧lobe cha̧ja̧kwijatö.

Apocalipsis 18:21

Ikenama chedemi, bakwo̧ ángelma, jwiinö juluwo̧ma, inawa nöawa, jwiinö ömökawa kabebö, labinö ojwe nöödö okwa jaobe chedijatö. Ja̧danö, jabö yöa̧lobe cha̧ja̧kwijatö: Biwa labinö kabebö jati̧danö Babilonia comunidad, inesö comunidadma labinö söbebö loakwemi, yemidanö jö̧könö.