Isaías 63:12 - Dios Iwene

¹² Iteda inesö ujulunö, Moises inesö juluwi̧ ji̧ jawa i̧sebobö pjabatinama daida? Jobama da'dödö tjöba a'otjö, ojwiyo 'da̧batö ujuninobe, jwaibalawa ö'wejenö otiwanö tjöbaledobö, ba̧kwelöjatebö jo̧banö otiwanö tjomukwatakobetjö̧,

Isaías 63:12 ပူးပေါင်းရင်းမြစ်များ

1 Reyes 8:42

–Israel jojodö tjösödökwe Diosma otiwo̧, isabenö juluwi̧ ji̧ jawa otidobö juluwo̧, –jö̧ba̧lö a̧ja̧kwajadö, bejutjö ökwönö atjebobö tjichakwedö.

Éxodo 15:13

Ja̧danö, Isabenö Jo̧, ökwödönö kwösödi̧ma balewachökönö ökibajabe ökwödönö, döpöjojodötjö dö̧jibinö pjakatajawö̧nöma. Ja̧danö, ökwödönö kwujulunö öbibö kwi̧'yobe ökwö wainö kwujuninemi niji jobekwö.

Éxodo 15:16

¡Ayö! jö̧ba̧lö, okobe deinö Canaán nijinö ju̧kwadöma yebabidöda tjuju̧kwobe, kwujulu kwisȩbaja̧ yötjawi̧ tja̧ja̧kwajabetjö̧, jwiinö juluwo̧, jö̧ba̧lö. Jejenö, yebabinö tjuju̧kwobetjö̧ jobadö tjuju̧kwemi döbaledena wi̧inö tjö̧jobe, inawa wi̧achawa ji̧danö. Isabenö Jo̧, ökwödö, ökwö kwömöledö, Egiptotjö dö̧jibinö pjabatö lakebinawö̧ma jobadö tjuju̧kwemi döbaledenanö kabatö jejenö, wi̧inö tjö̧jobe.

Éxodo 15:6

Isabenö Jo̧ kwömamu kwöwaisachamuma jwiinö juluwamu. Jamu jwiinö juluwamunö pjebebö loköbajabe kwöpöjöjödönö.

Éxodo 6:6

Jo̧kwaobetjö̧ baikwö yökawo Israel jojodönö, ötjö yöta̧li̧ma jobadönöma: Ötjöma Isabenö Jo̧sa. Egipto jojodö ökwödönö juluwanö kwotidaduwobö wetji̧tjö lakebaduwobö pjatatakwo̧sa, jobadö wetji̧tjö kwȩjachajaduwinö. Ja̧danö, ötjöma jwiinö chujulu i̧sebö, Egipto jojodönö jwiinö lȩbebö ökwödönö kwö̧jibaduwinö pjatatakwo̧sa.

Isaías 11:15

Ja̧danö Isabenö Jo̧ma jwiinö söbebö loakobe Egipto niji jwaibalawa bajalema, ja̧danö iteda ujulunö, jwa̧le'epjo inesö tubapjo weakobe, inesö jalödö Eufrates ojwema ja'yuwödöda baibakobetjö̧. Jobekwö weobetjö̧, inesö jalödöma ja'yuwödöbiya baibanö 'da̧achibakobe, da̧kwöködö jelemutjö dödölataja ojwebiya baibanö. Ja̧danö Diosma jojodönö öibakobe wene jwiinö kwebachöda jalödö ji̧nemi petjibakobetjö̧.

Isaías 43:16

Ötjö Isabenö Jo̧ma baikwö yöta̧laduwakwö: Ötjöma jwaibalawanö ö'wejenö, labinö buluwawa ö'wejenö mana lamatinö webinasa.

Isaías 44:27

Ja̧danö ju'wibi, ötjöda jwaibalawa webo̧sa, —Kököachibi, —jö̧ba̧lö, ja̧danö —Ojwebiya kököachibobö wetakwo̧sa, —jö̧ba̧lö yöbawajo̧, badekwachinö webo̧sa.

Isaías 51:10

Jau chuluwo̧, ökwöda damötjö jwaibalawa köködö lobinaja, inesö da̧kwawa köködö lobinaja, ökwöda kwömöledö israel jojodö, tjö̧jibinö pjakatajawö̧ma otiwanö tjöbaledakobetjö, jö̧tö? Yemidanö jobekwö pjakatobö adebakwö.

Isaías 55:13

Ja̧danö sȩi̧ ajayinö pokwinelö, otiwowi cipres towibiya pokwakobe, ja̧danö ju'wi sȩötje pokwinelö, otiwowi mirtos ötjabowibiya pokwakobe. Jobekwö pokwi̧ma, otiwanö ötjö Isabenö Jo̧ Dios chujulu i̧sȩkwakobe, jojodö jwiinö otiwanö ötjönö tjomukwatakobetjö̧. Jau, ja̧ towibiyama ba̧kwelöjatebö i̧sȩbi̧ baibanö ja̧kwa̧ owi, yöbawö chujuninadanö badekwachaja̧ ba̧kwelöjatebö tjomukwatibakobetjö̧, jö̧ba̧lö yöawobe Isabenö Jo̧ma.

Romanos 9:17

Jau chömöledö, isabenö Dios omukwati̧da mikwawi̧ma, baikwö yötawa: Dios iwene, Dios Egipto jojodö tjuluwo̧nö, faraón mikwo̧nö yöawinama baikwö laebobe: Ökwönö kabebö chujunijatö Egipto jojodö tjuluwo̧ bakibanö, ötjö chujulu chi̧sebobe kwedaduwobö. Ja̧danö, okobe deinö böjȩnö ju̧kwadö jojodöma chujulu tja̧ja̧kwo jö̧ba̧lö, ökwönö kabebö chujunijatö, jö̧ba̧lö laebobe Dios faraónnö yöawinama.

Josué 3:16

ojwema isuwö kaatibinobe. Ja̧danö, ojwiyo isuwo jö̧a̧lajobuma, ödö, u'da Saretan yöne comunidad Adan mikwobe ö'öbö okwatinobe, a̧li̧kwö kököachibenanö. A̧li̧kwö jwaibalawa Arabanö ja̧wa, Mar Muerto ötjabawabe isuwo jö̧a̧lijayonö, Adan comunidad ö'öbö lamatö, jobetjöda okwatibinobe. Jo̧kwajabetjö̧, jejenö kököachibiawö̧, israel jojodöma jobe Jerico yöneawinö tjöbaledinobe.