Isaías 62:8 - Dios Iwene

⁸ Isabenö Jo̧ma, iteda inesö ujulunö baikwö yöbawö ujunajabe: Ötjö inesö chujulunö baikwö yöbawö chujunaduwakwö: Bemi tupakwö la'akatjöda ökwödö kwöbatjoduwi wa̧ji̧ma, iyö lotökakwo̧sa kwöpöjojodöduwi tju̧kwa baibanöma. Ja̧danö ökwödö ubasobu o̧'do̧bu kwotidaduwajobuma, ju'wedö tjitebo jojodöma la'akatjöda 'döbebö tjowökakwedö.

Isaías 62:8 ပူးပေါင်းရင်းမြစ်များ

Isaías 1:7

—Kwiteboduwibi ja̧danö chömöledö. Jwiinö suli̧ tjöwaedajabe kwiteboduwima, ja̧danö kwiteboduwi comunidadbiyama, ökwölanö juwö lotjajabe. Ja̧danö kwöbajaleduwi a'otjö, kwöbatjoduwi suli̧ tjöwaedajabe, kwöpöjododöduwi jelobetjö ichajadöma. Jau chömöledö, jelobetjö ichajadö suli̧ waedö tjichajobetjö̧, jwiinö suli̧ waekwajabe kwiteboduwi israel nijima.

Isaías 45:23

Isabenö wene yötawaduwakwö, ja̧danö ötjöda chiminö yöbawö chujunaduwakwö, isabenö baledakwa̧, la'akatjöda balewachökakwa̧ wenema: Isabenö yadakwö okobe deinö chöba a'o bȩbachibö tjö̧jakwedö, ja̧danö okobe deinö chöba a'o yöbawö tjujunakwedö: —Isabenö Jo̧ Diosda bakwainö otiwanö ja̧bö jo̧ma, jo̧bada inesö juluwo̧ma, —jö̧ba̧lö okobe deinö bö̧jȩnö ju̧kwadöma bȩbachibö yöbawö tjujunakwedö, jö̧ba̧lö yöawobe Diosma. Jau chömöledö, okobe deinö Diosnö öpöjödö, jo̧banö dameakwö ölakwabikwawö ji̧nadöma, tabakwö ja̧nö Dios öba a'o yebabinö tjö̧bawö tjö̧jakwedö.

Isaías 54:9

Tupakwö Jerusalen comunidad jawa wanedö yöawinobe Diosma, jojosujunö yöa̧li̧danö: Ökwönö lȩbebö katatibinama, sule bakwötanöda lȩekwa jawa Jerusalen, Noe ö̧jinena lȩtebinadanö. Ja̧ möle bö̧jȩnö ju̧kwadönö lȩbebajo̧, yöbawö chujunijatö Noenö, —La'akatjöda wetökakwo̧sa, ojwema bö̧jȩ ba̧kwemeachibanö okwatiboböma, —jö̧ba̧lö. Ja̧danö jo̧banö yöbawö chujuninadanö yöbawö chujunakwö: Bemi tupakwö la'akatjöda ökwönö chödameakwökakwo̧sa, ja̧danö la'akatjöda dameakwö lȩtebökakwo̧sa.

Isaías 55:2

Chömöledö, tajawedö omöna jawa pan emö, kwiteaduwi balada iyö loköbaduwobeda? Ja̧danö kwotidaduwaja̧ mikwa baladanö, tajawedö kwomeawachibaduwö̧kö jawa kwemaduwobeda? Ötjö yötawi̧ teada̧lönö a̧ja̧kwö, otiwi̧ kwakwawa kwukwaduwo, inesö söi̧ kwakwawama.

Isaías 59:16

Ökwödönö edö, —Tajawedö jojodö sulabenö ja̧tjawö̧nö pjabato̧ deobejö? Tajawedö bakwo̧bi tjö̧'da̧de jamatö, sulabenö ja̧tji̧ katjatibobö weokobejö? Bakobe sulabedö israel jojodöma, —jö̧ba̧lö öpöjödö edajabe. Jo̧kwajabetjö̧ jelo̧ pjabato̧ deiökwe, Diosda dö̧jibinö pjaatakwo̧. Bakwainö otiwanö ja̧bö jo̧ ö̧jobetjö̧, iteda ujulu i̧sȩbö dö̧jibinö pjaatakwo̧.

Deuteronomio 28:30

—Ju'wibi Dios ökwödönö suli̧ öwaedobetjö̧, baikwö baledakobe: Ökwödötjö bakwo̧ tupakwö emakwujunö yöbawö ujunakobe, –Bisunö chilekwo bajibanö chemakwuju, –jö̧ba̧lö, jo̧kwaijayonö emakwa̧ abönö öpöjojoma emakwujunö do̧batö, 'da̧'da̧akobe. Ja̧danö ju'wibi kwejuduwi kwotidaduwijayonö, kwotidaja̧duwejunö kwö̧jaduwökakwedöda. Ja̧danö ju'wibi, uba batjo kwotidaduwijayonö, uba waji̧ 'dököbaduwökakwedöja.

Deuteronomio 28:31

Ja̧danö ju'wibi kweda̧laduwonö, kwajwimuduwi pa̧ka̧yadönö kwabajadö 'da'dabö 'wi'witjakobe, jo̧kwaijayonö itebiatjö kwukwaduwökakwedöja. Ja̧danö kwajwimuduwi bu̧lu̧dönö kwöba a'oduwitjö kweda̧laduwonö tjönaukwakobe, ja̧danö tjönaukwajawö̧nö tjetjatökakwedö. Ja̧danö ju'wibi kwajwimuduwi obejadönö 'döbebö, kwöpöjojodöduwinö tjiyakobe, ja̧danö bakwo̧bi ökwödönö pjaatakwo̧ma deakobe.

Deuteronomio 28:33

Ja̧danö ju'wibi, jelobetjö ichajadö wajwiköbaduwawö̧ma ichö, kwöbatjoduwi waji̧ jawa 'döbebö tjukwakwedö, ja̧danö okobe jwiinö ju'wi kwotidaduwaja̧ jawabi tjemakwedö, ja̧danö kabatökönö ökwödönö sulabenö ja̧tja̧kwedö, jwiinö usula kwemawaduwinö.

Deuteronomio 32:40

Ötjöma isabenö ba̧kwȩlöjatebö jo̧ Diossa, ja̧ ba̧kwelöjatebö jo̧ chö̧ji̧ wenema, isabenö ji̧ wene, ja̧danö ja̧ wene isabenö ji̧danö, ju'wibi isabenö yöbawö chujunobe, Bakwo̧bi lȩtebi̧tjö tjö̧jibanö pjabato̧ma deobe, jö̧ba̧lö.