Isaías 62:6 - Dios Iwene

⁶ Chitebo comunidad Jerusalen, eda̧lö tjöbeba̧la̧dönö chujunajabe, tjöekwemi ja̧nö, Diosnö atjebakobetjö̧. Jau Jerusalen, mölebi, yö̧tebi baledibanö, wi̧inö jö̧könö, kabatökönö Diosnö abebö tjö̧jakwedö. Isabenö Jo̧ma Jerusalennö ju̧kwadönö pjaatakwa̧ jawa yöbawö ujunajabe, jo̧kwajabetjö̧ ökwödö jo̧banö abebadöma, ö'wachökönö, jwaikwöda yöbawö ujunina jawa omukwatibobö akebaduwo.

Isaías 62:6 ပူးပေါင်းရင်းမြစ်များ

Génesis 32:12

Dios, ötjönö jö̧ka̧lina omukwati̧, Kwi̧'yobema pjatatakwo̧sa, jö̧ba̧lö, jö̧ka̧linama. Ja̧danö, jö̧ka̧linama omukwati, ökwötjö tupadanö jojodöma so̧bi̧ya̧pu̧ i̧so̧pja̧danö tjöba̧jekwachinö pjatatakwo̧sa, jö̧ba̧lö. Jejenö ötjönö kwiwene yöbawö junö jö̧ka̧linobetjö̧ atebakwö: ¡Pjabatitjö!— abebijetö Jacobma Diosnöma.

Génesis 32:26

Ikenama öwawachajo̧ma jö̧ba̧lijetö Jacobnö: —Kabatitjö tjo̧wi̧ dewachiba— jö̧a̧lökwe: —Katatökökwö, ötjönö otiwanö yöka̧lenanö kabatö, dösölö̧jinö edö pjatatakwo̧sa, jö̧ba̧lö— jö̧ba̧lijetö Jacobma. Ikenama öwawachajo̧ma abebö a̧ja̧kwijetö Jacobnö:

Isaías 43:26

tajawedö ötjönö kwöpöjödaduwobeda? Kwedaduwemi ökwödönö sulabenö ja̧tinaji̧? Jobekwö kwomukwataduwitjö̧ma, bakobe yöda̧lakwawo, isabenö kwomukwataduwi̧danö, ökwödönö sulabenö ja̧tinojobö, jö̧ba̧lö. Isabenö sulabenö ja̧tinatjö̧ma, yöbawö kwi̧sȩbaduwotjö, —Aaa, jweinö omukwatadö Israel jojodöma, —jö̧ba̧lö chöwaisachibakobetjö̧. Jobekwö kwi̧sȩbaduwobö jo̧beji̧?

Isaías 49:16

Jau chömöledö, ötjöma kwimiduwi 'dȩbö wȩyudö chödinobe ötjöda chömamijunö, ja̧danö ba̧kwelöjatebö kwiteboduwi Jerusalen tjöekwemi edö jo̧sa, la'akatjöda ökwödönö cho̧'wo jwitiboböma jwibo̧sa.

Isaías 52:8

A̧ja̧kwaduwi comunidad tjöbeba̧lö eda̧ladö jwötjeba̧li̧ma. Idöda tjöbajalenö tjedobe, Isabenö Jo̧ Sion mösa'obe tjeachajobema, ja̧danö edö tjo̧'wo ösöwachibanö jwöbeba̧ladö, ja̧danö lo̧awa lo̧badö.

Isaías 56:10

Jau, wene jwiinö kwujuluwaduwobö jo̧be, israel jojojodötjö eda̧lö tjöbeba̧ladöma tjöbajale tjewawadö tjö̧jobetjö̧, ja̧danö bakobe wajwibadö tjö̧jobetjö̧. Jau, jobadöma awi̧li̧dö wi̧ibedö, luböködödanö ichejekwadö, labidö tjichiawö lutjo jö̧tja̧lijayonö, luböködö. Jau, eda̧lö tjöbeba̧lökönö, bakobe bamatö, abibö tji̧'wi̧dikwobö ösödadö.

Isaías 62:1

Isabenö cho̧'wo tjo̧ekwobe Sion mösa'o ju̧kwadönö, chitebo comunidad Jerusalen omukwatö, cho̧'wo tjo̧ekwobe, jo̧kwajabetjö̧ wi̧inö chö̧jökakwo̧sa. Jau, jwaikwöda yöbawö chö̧jakwo̧sa, Jerusalen comunidad jojodö Dios wei̧ tja̧ja̧kwenanö baibanö. Jau, baikwö wanedö yöta̧la, ja̧ möle tjö̧jibinö Dios pjaatakwa̧ma, dȩju̧wa'yudanö öwawakobe, ja̧danö Dios wei̧ a̧ja̧kwö tjö̧ji̧ma, möle dewachi̧danö salöinö dewakobe.

Lucas 18:39

Jejenö jwöeba̧liawö̧, ö̧bemi badeibö ja̧döma jo̧banö wetjinobe: —Jwöbökönö 'wi̧inö babibi— jö̧ba̧lö. Jo̧kwaijayonö 'wi̧inö babibökönö ajayitjö bajalekwönönö labinö jwöeba̧linobe: —David itji̧ tupadanö jojo, lȩlö̧jinö edö pjabatitjö— jö̧ba̧lö.

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Hechos 10:4

Ja̧danö, Cornelioma jo̧banö edö jwiinö yebaibijetö. Atadijetö: —¿Tajida Chuluwo̧?— jejenö atadökwe ángelma jö̧ba̧lijetö: —Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

1 Corintios 12:28

Ja̧danö, okobe deinö iteda ömöledö, Cristo iteba'obedönö otidö ujuninobe Diosma, baikwö yötawa: Abönö Jesús webawedönö ujuninobe, ikenama Dios yöawi̧ yöbawadönö ujuninobe, ikenama Jesúsnö ösödadönö ba̧ja̧dadönö ujuninobe, ikenama jojodö edajitjökö jawa ja̧badönö ujuninobe. Ikenama jojodö tjö'wöchi̧ otidö lobadönöbi, ja̧danö jojodönö pjabatadönöbi, ja̧danö luwedö baibanö otidadönöbi, ja̧danö ju'wedö tjiwenenö yöba̧ladönöbi ujuninobe.

1 Tesalonicenses 5:17

kabatökönö Diosnö akebaduwo,

Hebreos 13:17

Ju'wi jawabi chömöledö. Dios iwene yöawakwawa jojodönö yötjawi̧ a̧ja̧kwö kwuju̧kwaduwo, Bidöma waisanö te'ada̧ladö do̧'wo̧ luwo̧nö da̧peachö di̧'yobö, jö̧ba̧lö. Chömöledö, bajaleapo möle baibena Diosma jobadönö yöawakobe, tjite'ada̧linawö̧nö otiwanö tjite'ada̧linojobö, otiwanö tjite'ada̧linokojobö, jö̧ba̧lö. Jo̧kwaobetjö̧ ökwödönö otiwanö te'ada̧lö pjatjatobö jö̧tja̧lobe. Jo̧kwaijayonö yötjawi̧ öpöjödö kwa̧ja̧kwaduwökötjö̧ma jobadö ökwödönö otiwanö pjatjatobö, kwöda̧peachaduwobö pjatjatoböma jwiena chömöledö. Jo̧kwaobetjö̧ jobadö yötjawi̧ a̧ja̧kwö kwuju̧kwaduwo chömöledö.

Apocalipsis 6:10

Ja̧danö, jobadö öwawöködöma labinö Diosnö atjeba̧li̧ cha̧ja̧kwijatö, baikwö: —Duluwo̧ Dios, ökwöma okobe jwiinö webo̧ja, suli̧ jwibo̧ja, jweinö yöba̧lo̧ja. ¿Dokwa lekwe kwite'ada̧lakwa̧da ökwödönö kwabö lobinadönö lȩkeboböma? ¿Dokwa lekwe kwite'ada̧lakwa̧da balekwa mikwa lȩbebö weköbakwa̧ma?—budekwabinö atjeba̧li̧ cha̧ja̧kwijatö.