Isaías 60:2 - Dios Iwene

² Jau chömöledö, bö̧jȩ ba̧kwemeachibanö yȩa'wo la̧kobe, tjitebo tenia jojodöma inesö yȩa'wonö tjö̧jakwedö. Jo̧kwaijayonö Isabenö Jo̧ma iteda dejatinö ujulu ökwödönö idejatakobe, ja̧danö Diosda ujulu kwi̧sȩkwaduwakwedöja.

Isaías 60:2 ပူးပေါင်းရင်းမြစ်များ

1 Reyes 8:11

Jejenö baledenama, Isabenö Jo̧ inesö dejatinö ujuluma, jobetjö jwiinö salöinobe, jadanö jejenö dewinö salöiawö̧, Diostjö jojodötjö ö'weje pjabatadöma, jobe Dios öba a'o ja̧nö tjotidobö jwiinobe o̧do okwama.

Isaías 2:5

Jobekwö ja̧kobe chömöledö Jacob itji̧mu tupadanö jojodö, jo̧kwajabetjö̧ baikwö yöta̧laduwakwö, —Ichaduwi, Isabenö Jo̧ idejatama mananö otiwanö kwebachö dö̧jaduwo, —jö̧ba̧lö.

Isaías 4:5

Jemi ikenama Isabenö Jo̧ma iteda ujulu i̧sȩbakobe Jerusalen comunidadtjö. Ja̧ möle, mölekwena okobe jwiinö Jerusalen comunidad ja̧'o Sion mösa'obi, jobe ju̧kwadönöbi umuchebakobe Isabenö Jo̧ma ojwiyo'wonö, ja̧danö yö̧tekwena ökwöla dejatinö ubola dejatakobe, ja̧danö imiyu'wo umuchebakobe. Jau, Isabenö Jo̧ dejatinö ujulu jobe i̧sȩbakobe Jerusalen comunidadtjö, ja̧danö ojwiyo'wobi, imuyu'wobi comunidad wame tjöeba̧lakobe.

Isaías 58:10

ja̧danö a̧wi̧chi̧ tjöbadönö pjabatö kwotidaduwitjö̧ma, ja̧danö usula emawadö jwitji̧ iyö pjakataduwitjö̧ma, wanedö yöta̧la: Yȩa'wo okwa kwö̧jaduwelö otiwanö kwidejataduwakwedöja, ja̧danö yö̧te kwö̧jaduwi̧ma, möle ja'ö dewi̧danö otiwanö kwö̧jaduwakwedöja.

Isaías 58:8

Jobekwö ja̧bö kwö̧jaduwitjö̧ma, baikwö wanedö yöta̧la chömöledö: Ökwödö otiwanö kwidejataduwi̧ma, yeayi dewachi̧danö otiwanö kwidejataduwakwedöja, ja̧danö 'dö̧kachaduwi̧tjö juluwanö kwö̧bibajaduwakwedöja. Ja̧danö weti̧ a̧ja̧kwö kwö̧jaduwi̧ma, kwabönöduwi tjöekwakadanö ja̧kobe, ja̧danö ötjö Isabenö Jo̧ dejatinö chujuluma, kwökömaduwikwöchobe tjöekwakadanö ja̧kobe, jö̧ba̧lö yöta̧laduwakwö.

Isaías 62:1

Isabenö cho̧'wo tjo̧ekwobe Sion mösa'o ju̧kwadönö, chitebo comunidad Jerusalen omukwatö, cho̧'wo tjo̧ekwobe, jo̧kwajabetjö̧ wi̧inö chö̧jökakwo̧sa. Jau, jwaikwöda yöbawö chö̧jakwo̧sa, Jerusalen comunidad jojodö Dios wei̧ tja̧ja̧kwenanö baibanö. Jau, baikwö wanedö yöta̧la, ja̧ möle tjö̧jibinö Dios pjaatakwa̧ma, dȩju̧wa'yudanö öwawakobe, ja̧danö Dios wei̧ a̧ja̧kwö tjö̧ji̧ma, möle dewachi̧danö salöinö dewakobe.

Isaías 66:11

Wanedö yötawa ökwödö Jerusalennö ju̧kwadö ötiwanö kwö̧jaduwakwa̧ma: Ökwödöma kwojo'doduwi Jerusalen jo̧do̧'bi̧tjö kwowaduwakwedöja, kwomeawaduwachibanö, nöinö jojwi̧tjö, kwo̧'woduwi ösöwanö otiwanö kwowaduwakwedöja, jö̧ba̧lö wanedö yötawa, ökwödö Jerusalennö ju̧kwadö otiwanö kwujuna̧laduwakwa̧ma.

Isaías 8:22

Ja̧danö ö'öbötenia bö̧je baledi̧ edö, bakwainö wene baledi̧da, tjo̧'wo tjo̧bekwö ji̧ jawada tjedakwedö. Ja̧danö Dios yöawi̧ tjöpöjödobetjö̧, jwaikwöda jwiinö yȩa'wo okwa, jwiinö yeabikwawa ja̧'wo yȩa'wo okwa tjö̧jobö ikwö lotjakwawö̧.

Mateo 23:19

¡Isabenö kwöbajaleduwi tjewawadöja! ¿Diya̧da bajalekwönönö mikwawi̧ma, Diosnö iyawaena, Diosnö iyawa baibanö ja̧pjo Diosnö iyawapjoena?

Mateo 23:24

jo̧kwaijayonö ökwödö kwöbajaleduwi tjewawadö jojodönö öbibadöma, Dios weina jawatjö ju'wi jaye otiwanö ja̧köbaduwijayonö, inesö mikwawi̧ weawa junibadöja. Ja̧bö kwö̧jaduwi̧ma baikwö wanedö yötawa: Kwowaduwakwa̧ abönö ojwiyoma te'ada̧lönö pjebatadöja, 'do̧jwiyanö kwö̧kataduwapji jö̧ba̧lö, jo̧kwaijayonö 'do̧jwiyanö kwö̧ka̧taduwököjayonö, omukwatökönö nöbo̧nö kameyunö ö̧katadöja ichejekwa, inesö mikwawi̧ Dios weina jawa ja̧bö kwö̧jaduwokobetjö̧— jö̧ba̧lö yöawinobe Jesúsma.

Juan 1:1

Ajayima, Dios ina böjȩ otidajapjii, ida̧ökö Dios Iwene Jo̧, jö̧ba̧lö, ötjabökwema ji̧jetö. Ja̧danö, Dios Iwene Jo̧, jö̧ba̧lö, ötjabökwema Dioskwö ji̧na, ajayinöma. Ja̧danö, Dios Iwene Jo̧, jö̧ba̧lö, ötjabökwema Diosbina.

Juan 1:14

Ja̧danö, Dios Iwene Jo̧, jö̧ba̧lö, ötjabökwema jojo baibanö jeminökwe. Ja̧danö, jojo baibanö jeminökwema böjȩnö ökwödökwö ö̧jinobe. Ökwödöma jo̧banö edö, Jwiinö otiwo̧, jö̧ba̧lö, dösödijatö. Yelösöda, jo̧bama Dios Itji̧, iteakwo̧daobetjö̧ jwiinö otiwo̧. Ja̧danö, jo̧bama jwiinö lȩlö̧jino edöda pjabato̧. Ja̧danö, jweinöda yöba̧lo̧.

Juan 1:18

Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.

Juan 8:55

Ökwödöma, Dabe'do Diosnö dösöda, jö̧ba̧lö, yöka̧laduwijayonö wajwiköbaduwobe jo̧banöma. Jo̧kwaijayonö ötjöma isabenö waiso̧sa Dabe'do Diosnö, ötjö Chabe'donöma. Yöta̧lökö, Dabe'do Diosnö ötjöma wajwitökwe, jö̧ba̧lö. Jejenö yöta̧litjö̧ma omönada yöta̧lena, ökwödö omöna yöka̧laduwi̧danö. Jejenöma yöta̧lokobe. Jo̧banö, ötjö Chabe'donö chöwaisökwe. Ja̧danö, jo̧ba yöawi̧ a̧ja̧kwo̧sa.

Hechos 14:16

Ina yöbawijetö: —A̧ja̧kwaduwitjö. Damötjöma Diosma junibijetö israel jojodöböködönöma, jobadö sulabenö tjösödi̧da wainö ja̧bö tjuju̧kwobö.

Hechos 17:23

Bemi kwiteboduwi kwebachö chedijatö kwo̧'wo̧ kwöwana̧laduwi̧ juwö iyajiköbaduwemima. Ja̧danö, bakwemi chedijatö, Bemima wajwidökwenö do̧'wo̧ döwana̧lemi, jö̧ba̧lö, wȩyukwobe. Babema yötawa ökwödönöma. Jo̧banöda, ökwödö wajwiköbaduwonö kwo̧'wo̧ kwöwana̧laduwökwenöda yötawa.

Hechos 26:18

Jobadöma tjöbajale tjewawadödanö tjuju̧kwobe, tjo̧'wo̧ luwo̧ jawama. Jobadönö, yȩa'wo okwa ju̧kwadönö yökawobö wetokwöcha, jobadöma yȩa'wo okwatjö labebö dewinö ju̧kwadö batjibobö. Jobadöma, Awetja ösödi̧ ja̧bö tjuju̧kwi̧tjö kabatibö Dios ösödi̧da ja̧bö tjuju̧kwobö wetokwöcha. Ja̧danö ötjönö tjösöditjö̧ma tjusuli̧ söbebö loakobe Diosma. Ja̧danö jobadöma suli̧ jwibadö batjibinö Dios ja̧inawö̧danö jobadöbi batjibakobe, suli̧ jwibadö batjibakwedöma. Jejenö jö̧ba̧lö iwene jwöi̧ma cha̧ja̧kwijatö, chuluwo̧—jö̧ba̧lijetö Pabloma la'aka luwo̧ Agripanöma.

2 Corintios 3:18

Jo̧kwaijayonö okobe deinö ökwödö Jesúsnö ösödadöma tjöekwado̧ jwibadösa chömöledö, öwaetjöda Dios dejatinö ujulu edadösa. Jau chömöledö, Duluwo̧ salöinö ujulu edadösa, ja̧danö tjöbadekwawöte öwawinö i̧sebi̧danö ja̧ ujulu i̧sebadösa ju'wedönö, jobadöbi tjedakobetjö̧. Ja̧danö ju'wibi chömöledö, Duluwo̧ salöinö ujulu dedenama, Duluwo̧ Dios O̧'wo̧ Luwo̧ma, Duluwo̧danö ichejekwadö badibanö otido̧, jo̧ba salöinö dejatinö juluwo̧danö bakwainö dichejekwakobetjö̧. Jejenö jo̧be chömöledö, jo̧kwajabetjö̧ yödawi̧ wene 'yayi̧ wenema inesö mikwawi̧ jö̧ba̧lö, ja'yubebi salöi̧ dotojoböma omukwatöködösa. Jau chömöledö, jojodö ja̧ salöi̧ öwawinö tjedakobetjö̧, inesö mikwawi̧ wene 'yayi̧ wenema yöbawadösa.

Colosenses 1:13

Jo̧ba Diosma yȩa'wotjö, Awetja ujulutjö dö̧jibanö ja̧inobe, ja̧danö iteda ösödökwe Itji̧ la'aka luwo̧ ö̧jobe dichibanö ja̧inobe.

1 Pedro 2:9

Jo̧kwaijayonö jobadö Jesúsnö öpöjödö töbö metjijayonö, töböma meböködöja chömöledö, Dios omudawö ujuninawö̧ja, ja̧danö La'aka Duluwo̧ wei̧ otidadöja, ja̧danö mölejȩ jojodöja, ja̧danö Diosda ömöledöja chömöledö. Jau chömöledö, isabenö Dios wei̧ otidadö kwö̧jaduwobe. Diosma ökwödönöda 'da̧batö ujuninobe, jo̧ba inesö otiwanö pjaati̧ wene jojodönö yökawaduwobö. Jau chömöledö, Diosma isabenö otiwanö ökwödönö pjaatinobe, ökwödönö yȩa'wo okwatjö labeibö, iteda inesö idejatobekwö tekachaduwobö jwöinobe Diosma, ja̧danö jo̧ba inesö otiwanö pjaati̧ wene yökawaduwo jö̧ba̧lö, ökwödönö omudawö ujuninobe.