Isaías 59:9 - Dios Iwene

⁹ Jobekwö sulabenö ja̧bö ju̧kwadösa ökwödö israel jojodöma chömöledö, jo̧kwajabetjö̧ ökwödönö pjabatö̧kö Diosma. Diosnö omukwatadösa, —Diosma dö̧jibinö pjaatakwo̧, iteda ujulu i̧sȩbö pjaatakwo̧, —jö̧ba̧lö. Jo̧kwaijayonö, —Juluwanö dewachakobe, —jö̧ba̧lö teada̧lö dö̧jijayonö, yȩa'woda lo̧be. Dewobe kwedachakwa̧ diteada̧lijayonö, bakobe dewokobe, yȩobe kwebachadösa.

Isaías 59:9 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 19:8

Diosma chi̧'yakwa̧ mana tjöeba̧lajabe, chöbaledapji jö̧ba̧lö, ja̧danö okobe jwiinö kwetachi̧tenia yȩa'wonö kwetachobö weajabe.

Diosnö ösödo̧ Job mikwo̧ usula emawina jawa 30:26

—Jo̧kwaijayonö pjabatö̧kö̧ja jejenöma ötjönö chuluwo. Ökwönö usula emawö chubudekwiökwe, pjabatö̧köja chuluwo̧. Isabenö pjaatakwo̧ jö̧ta̧linajayonö, tupakwönönö suli̧da ichinobe, jadanö dewi̧ ichakwa̧ chiteada̧lijayonö, yȩa'woda ichinobe.

Proverbios 4:19

Ja̧danö, jobekwö 'yö̧kö̧dö sulabenö omukwatadöma. Jobadöma yȩa'wo okwa kwetjachi̧danö kwebachadö, edökönö. Ja̧danö, mebabinöda kwebachadö, tjöbajale tjewawadödanö.

Isaías 5:30

Tjichibakwa̧ mölema, isabenö labinö tjichakwedö, jwaibalawa labinö ökwöinö söbebö loi̧danö, labinö ökwöinö söbebö lobö tjichakwedö. Ja̧ möle jojodö israel niji tjedenama, yȩa'wo jo̧be, nöinö wene jo̧be tjedakwedö. Jau, ja̧ möle isabenö nöinö wene jo̧betjö̧, dewi̧bi dewokobedanö ichejekwakobe, jwiinö yȩa'wo ojwiyo o'wiju lo̧betjö̧.

Isaías 59:11

Bakobe usula emawö ja̧dösa. Ojwe yawi tului̧ ökwöi̧danö, a̧wi̧chi̧ lö̧jawö dukwa'wotjö kwololo ökwöobe, ja̧danö yunuku jwöi̧ ökwöi̧danö, budekwadösa. Dios pjaatakwa̧ teada̧lö ja̧dösa, —Dios juluwanö iteda ujulu i̧sȩbö pjaatowe, —jö̧ba̧lö, jo̧kwaijayonö dö̧jibinö pjabato̧ma dö̧jelö ödö jo̧, ja̧danö bakobe usula emawadösa.

Isaías 59:14

Ja̧danö ditebotjö lȩekwa luwedö yötjawenama, lȩekwama jweinö yöbawöködö, Dios wei̧ a̧ja̧kwö ja̧kwawama, ditebotjö ödöobe ichejekwa. Jau, jojodö tjo̧ko̧kokwelö ja'yubebi jwei̧ wene yöba̧lökönö, omönada yöba̧ladösa, ja̧danö dö̧'dadetjö, otiwanö ja̧bö ja̧kwawama jwiobe.

Isaías 59:8

Ökwödöma wene jwiinö jojodökwö dösölö̧jinö ja̧kwawa wajwibadöja chömöledö, okobe jwiinö ja̧bö kwö̧jaduwi̧ma Dios wei̧ a̧ja̧kwökönö ja̧döja. Isabenö suli̧ waedadöja ökwödö israel jojodöma, baikwö wanedö yöta̧la: Mana kwotidaduwenama, jweinö otidökönö, wi̧su̧amada otidadöja, ja̧danö okobe deinö kwotidaduwaja̧ mananö kwebachadöma, la'akatjöda wene jwiinö otiwanö tjö̧jö̧kakwedö.

Isaías 8:21

Jobadöma tjo̧'wo tjo̧bekwö, ja̧danö a̧wi̧chi̧ tjöbö israel niji ö'wejenö kwebachö tjö̧jakwedö, ja̧danö a̧wi̧chi̧ lö̧jawö̧ tjö̧dameakwakwedö, ja̧danö tjome suli̧nö sulabenö yötja̧lakwedö. Jau, dameakwö ja̧nö, möakwö edö sulabenö yötja̧lakwedö tjuluwo Diosnöbi, tjuluwo̧ bö̧jȩ jojo la'aka luwo̧nöbi.

Isaías 8:22

Ja̧danö ö'öbötenia bö̧je baledi̧ edö, bakwainö wene baledi̧da, tjo̧'wo tjo̧bekwö ji̧ jawada tjedakwedö. Ja̧danö Dios yöawi̧ tjöpöjödobetjö̧, jwaikwöda jwiinö yȩa'wo okwa, jwiinö yeabikwawa ja̧'wo yȩa'wo okwa tjö̧jobö ikwö lotjakwawö̧.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.