Isaías 56:6 - Dios Iwene6 Israel jojodöböködötjö ötjö Isabenö Jo̧nö ösödadöbi ja̧danö. Ötjökwö dötewanö tjö̧jotö jö̧ba̧lö, weti̧ a̧ja̧kwö ja̧nö, ötjönö ile nibebö ösödadönö otiwanö pjatatocha. Jau, otikwökö möle jawa weti̧ a̧ja̧kwö, otiwanö ötidökönö tjö̧jobetjö̧, ja̧danö ju'wi chömöledö israel jojodönö weti̧bi otiwanö a̧ja̧kwö tjö̧jobetjö̧, jobadönö ösödö pjatatakwo̧sa, baikwö yötawa: အခန်းကိုကြည့်ပါ။ |
Isaías 56:6
24 ပူးပေါင်းရင်းမြစ်များ
Jobekwö baledakobe, Isabenö Jo̧ma Jacob itji̧mu tupadanö jojodönö lȩlöjinö edakobetjö̧, jadanö yemidanö israel jojodönö omudawö ujunakobe idöda tjitebo nijinö tjö̧jakobetjö̧. Ja̧danö, jobekwö tjitebonö tjö̧jenama, jelobetjö ichajadö israel jojodö tjitebonö ju̧kwadöma, bakobe dötewinö tjö̧jakwedö Jacob itji̧mu tupadanö jojodö israel jojodökwö.
Ja̧danö otiwanö pjatatiawö̧, jobadötjö bakwo̧ yöa̧lena, —Isabenö Jo̧ ömöledöso̧sa, —jö̧ba̧lö, ja̧danö jelo̧, —Jacob itji̧ tupadanö jojosa, —jö̧ba̧lö yöa̧lakobe. Ja̧danö jelo̧ iteda ömamunö i̧wȩyudakwo̧, —Isabenö Jo̧ Ömöledöso̧, —jö̧ba̧lö, ja̧danö imi yöa̧lakwo̧, —Israel jojosa, —jö̧ba̧lö, jwiinö kwitjimuduwi israel jojodönö otiwanö pjatatobetjö̧.
Jau chömöledö, otikwökö möle jawa weti̧ otiwanö a̧ja̧kwö, otidökönö ja̧nö, ökwödöda kwösödaduwi̧ ja̧bökönö kwö̧jaduwo, baikwö yöta̧la: Otikwökö möle kwösödaduwo, —Isabenö Jo̧ Dios 'da̧batö ujuninemi möle otiwa, ja̧ möle otiwanö omukwatö, dösödi̧da ja̧bö dö̧joko. Ja̧ möle ökwödöda dösödi̧ jawa omukwatökönö, ökwödöda yöda̧lakwawi̧ jawa omukwatökönö, jweinö Dios da̧batö ujunina möle omukwatö dö̧jo, —jö̧ba̧lö.
Ja̧ möle ju'wedö tjitebo jojodöma ichibö, kwiteboduwi comunidadbiya tjöbebö tjotidakwedö, otiwanö 'diinö tjöekwemi conmunidadnö kwö̧jaduwakobetjö̧. Ja̧danö tjitebotenia inesö la'aka luwedöma, ökwödö kwömöayedöduwi ja̧nö, weköbaduwi̧ otidö tjö̧jakwedö. Jau chömöledö, ajayinö dameakwö ja̧nö, ökwödönö lȩtebijatö, jö̧tö? Jo̧kwaijayonö lȩbebajo̧, lȩlöjinö edö pjatatakwo̧sa, ökwödönö chösödobetjö̧.
Ja̧danö ökwödö israel jojodönö, Isabenö Jo̧ Diostjö jojodötjö ö'weje pjabatadö ötjabikwawö̧ja. Ökwödö kwotidaduwakwa̧ma, dösödökwe Dios wei̧ otidadö kwö̧jaduwakwedöja. Tjitebotenia jojodö tjitea nöinö mikwawi̧ma, ökwödöda kwemaduwakwedöja. Jobadö ajayinö, —Otiwanö juna̧ladösa, —jö̧ba̧lö ösödö yötja̧lina jawama, ökwödöda kwo̧'woduwi ösöwanö kwujuna̧laduwakwedöja.
Ja̧danö, jo̧ba Bernabéma otiwanö omukwatö, Diosnö jwiinö ösödö ji̧abijetö. Dios O̧'wo̧ Luwo̧ iteda o̧'wo̧ luwo̧ okwanö öba̧ja̧di̧ ösödö ji̧abijetö jo̧ba, Bernabéma. Ja̧danö, jo̧bama Antioquíabe wetjajökwe 'ya̧jo̧ edö ösödijetö. Bidö judío jojodöböködönöma Diosma lȩlö̧jino edö pjaatinobe, jö̧ba̧lö, ösödijetö. Ikenama Bernabéma Jesúsnö ösödadönö tjo̧'wo̧ ösöwachibanö tjomukwatobö yöba̧lijetö, Jesúsnö kabatibökönö kwo̧'wo̧ kwöwana̧laduwo, jö̧ba̧lö. Ja̧danö, Bernabéma Antioquíanö ja̧nö Jesús ö̧jina yöawiawö̧ ba̧jekwadö ju'wedö Antioquíanö ju̧kwadöbi, Jesúsma dö̧jibinö pjabato̧, jö̧ba̧lö, ösödijadötö Jesúsnöma.
Jau chömöledö, Diosma isabenö ökwödönö pjabato̧. Jo̧bada ökwödönö jwöinobe, iteda ömöledö badibobö. Ja̧danö, jemi tupakwöbi iteda jwöinawö̧nö pjabato̧ chömöledö. Ina böjȩnö ja̧nö, döpöjödi̧ jawa baledobe, ¿jö̧tö? Ja̧danö, sulabe jawa baledobe ökwödönöma, usula demawinö, ¿jö̧tö? Jo̧kwaijayonö, döpöjödi̧ jawa baledijayonö, ja̧danö sulabe jawa ökwödönö baledijayonö, okobe jwiinö ja̧ jawa balewö lobo̧ Diosma, ökwödönö pjaati̧ jawa baibanö. Jau chömöledö, ökwödö Diosnö ösödadöma, jo̧bada jwöinawö̧sa, iteda ömöledö badibobö. Ja̧danö, iteda ösödi̧danöda jwöinobe ökwödönöma chömöledö.
Ajayinöma, ökwödöma domukwatijatö, Aaa, Macedonia jojodöbi ja'yubenö pjatjatena jö̧ba̧lö, jo̧kwaijayonö domukwatinatjö bajalekwönönö nöinö tjiyinobe chömöledö. Jau chömöledö, jobadöma Duluwo̧nö tjiyawinobe, Duluwo̧ ösödi̧danö ja̧tjakwedö batjibanö, ja̧danö Dios ösödi̧danö, ökwödönöbi tjiyawinobedanö ichejekwa, yödawi̧danö ja̧bö. Jo̧kwajabetjö̧ jejenö tjiyinobe Jerusalénnö ju̧kwadö Jesúsnö ösödadönö pjabatö chömöledö.
Jau chömöledö, Cristo Jesúskwö dötewadö ja̧nö, Dios edemi dötade bajalesado̧ 'wibekwadö dö̧ji̧bi, 'wibekwöködö dö̧ji̧bi mikwawokobe chömöledö, ju'wida mikwawi̧ma. Jau chömöledö, Dios edemi jo̧ba yöawi̧ dösödi̧da mikwawi̧ma, ja̧danö dömöledö Jesúsnö ösödadönö ösödabikwawö ja̧nö di̧sebobe Dios yöawi̧ dösödi̧ma.
Chö̧ja̧wo̧dö, wene baledena tjo̧'wo̧ 'dibachibö, jwaikwöda, Diosnö tjo̧'wo̧ wana̧lö 'ya̧döma, Dios pjaatawö̧. Ja̧danö, jwaikwöda tji̧'yi̧ma tji̧sekwobe, Diosnöda do̧'wo̧ wana̧lö ja̧dösa, jö̧ba̧lö. Ja̧danö chö̧ja̧wo̧dö, jobadöma Dios yöbawö ujunina tjemakwedö, ba̧kwȩlö̧jatebö ja̧kwawama. Jau chö̧ja̧wo̧dö, Diosma yöbawö ujuninobe, Ötjönö ösödadönö ba̧kwȩlöjatebo ja̧kwawa chiyakwo̧sa, jö̧ba̧lö.
Chö̧ja̧wo̧dö chösödawö̧, a̧ja̧kwaduwitjö. Böjȩnö ju̧kwadöma usulasedönö edö, Bidöma mikwawöködö, jö̧ba̧lö, tjomukwatobe. Jo̧kwaijayonö Diosma jobadönö edö, Jwiinö mikwawadö, jö̧ba̧lö, edobe. Diosma jobadö jwibadönö omudawö ujuninobe jwiinö juna̧ladöda batjibobö, tjo̧'wo̧ luwo̧ jawa, Jesucristonö tjo̧'wo̧ tjöwana̧lobetjö̧. Ja̧danö, Diosma jobadönö omudawö ujuninobe ju'wi möle jo̧bakwö webö tjö̧jobö, iteda La'aka Luwo̧ webö ö̧jobe ja̧nö. Jau chö̧ja̧wo̧dö, usulasedönöbi jejenö tjö̧jobö omudawö ujuninobe Diosma okobe deinö jo̧banö ösödadö tjö̧jakwa̧ma.
ကြော်ငြာတွေ