Isaías 56:2 - Dios Iwene

² Jobekwö, —Dios wei̧ a̧ja̧kwö dö̧jo, —jö̧ba̧lö 'diinö ja̧nö, weti̧ a̧ja̧kwö ju̧kwadönöma, isabenö otiwanö pjatatakwawö̧. Jau chömöledö, —Otikwökö möle kwotidaduwoko, —jö̧ba̧lö weti̧ a̧ja̧kwö, otikwökö möle otiwanö otidöködö, ja̧danö sulabenö ja̧tjapji jö̧ba̧lö teada̧lönö ju̧kwadöma, isabenö otiwanö pjatatakwawö̧.

Isaías 56:2 ပူးပေါင်းရင်းမြစ်များ

Éxodo 20:10

Jo̧kwaijayonö jelemutjö dötölataja mölȩ, sábado mölȩ baibenama kwö'wachaduwo, ötjö Isabenö Jo̧nö, ökwödö Kwösödaduwökwe Diosnö omukwatö kwö̧jaduwobö. Ökwödö otidökönö kwö̧jaduwobö jo̧be, ja̧ mölȩma. Ja̧danö, kwi̧tji̧muduwi ömadöbi ya̧döbi otidökönö tjö̧jobö jo̧be. Ja̧danö kwömöayedöduwi ömadöbi ya̧döbi otidökönö tjö̧jobö jo̧be. Ja̧danö kwa̧jwi̧mutjö otidadöbi otidökönö tjö̧jobö jo̧be, kwa̧jwi̧mu̧bi tjö'wachakobetjö̧. Ja̧danö ju'wedö jelobetjö ichinadö kwiteboduwinö ju̧kwadönöma tjotidobö weköbaduwoko.

Éxodo 20:8

Ja̧danö, ju'wibi wetaduwakwö: Jojodö otikwö̧kö̧ mölȩ, wainö kwujunaduwi̧ mölȩ, inesö mölȩma kakatibaduwoko. Ja̧ mölȩ wainö kwujunaduwo, inesö mölȩ, jö̧ba̧lö, ötjönö kwömukwataduwobö.

Proverbios 14:16

Ja̧danö, ju'wibi yötawa: Jweinö omukwato̧ma, ö'wiyawakwawönö omukwatö suli̧ jawatjö, lö̧jibapji jö̧ba̧lö ödökwönönö jo̧. Jobekwö ö̧jokobe jweinö omukwatö̧kö̧ma. Jweinö omukwatö̧kö̧ma omukwatökönö, sulökena, jö̧ba̧lö jo̧kwada labebö 'yo̧, suli̧ jawa baledobekwö.

Proverbios 16:17

Ja̧danö, ju'wibi yötawa: Otiwanö omukwatö jo̧ma jwaikwöda 'yo̧, sulabenö baledi̧tjö jelobekwö 'ya̧nö. Jo̧bama jwaikwöda 'ya̧nö, suli̧ jawatjö ö̧jibinö 'yo̧.

Proverbios 16:6

Ju'wibi yötawa: Bakwo̧, Isabenö Jo̧nö ba̧kwȩlö̧jatebö ösödö, ja̧danö, jo̧ba wei̧ ba̧kwȩlö̧jatebö a̧ja̧kwö jo̧nöma sulabenö ja̧aja̧ma 'do̧beba̧lö loakwo̧ Isabenö Jo̧ma. Ja̧danö, ju'wibi yötawa: Isabenö Jo̧nö yebabinö omukwato̧ma, jobekwö yebabinö omukwatö ö̧jobetjö̧ ö̧jobetjö̧ suli̧ jawatjö ödökwönönö kwebachö jo̧, suli̧ jawa ja̧tapji jö̧ba̧lö.

Proverbios 4:13

Ja̧danö, yemidanö yötawakwö chitji̧: Ötjö jwebebö yötawi̧ma a̧ja̧kwö kwö̧jo. Ja̧ yötawi̧ma, 'diinö do̧tja̧li̧danö do̧ka̧lo, kabatibökönö. Kwo̧'wo̧ jwibibökönö ba̧kwȩlö̧jatebö kwomukato ja̧ yötawi̧ma, otiwanö kwö̧jobö öbibö yötawobetjö̧.

Proverbios 4:27

Chitji̧, pjeakwö, kwöwaisobekwöbi wajwiköbobekwöbi kwi̧'yoböma kwomukwatoko, jweinöda kwi̧'yo. Jobekwö jö̧ba̧lö, baikwö wanekwachobe: Otiwanöda, jweinöda omukwatö kwö̧jo, jelobekwö, sulabe ja̧tjobekwö edökönö.

Isaías 56:4

Jobadö tjöla'yapi 'wibebö lotjinawö̧, weti̧danö otikwökö möle otiwanö otidökönö, chösödi̧ jawa ja̧tjobö omudawö junö, —Dios wei̧ da̧ja̧kwobö jö̧ba̧ladösa, —jö̧ba̧lö israel jojodönö weti̧ a̧ja̧kwö ju̧kwadöma,

Isaías 56:6

Israel jojodöböködötjö ötjö Isabenö Jo̧nö ösödadöbi ja̧danö. Ötjökwö dötewanö tjö̧jotö jö̧ba̧lö, weti̧ a̧ja̧kwö ja̧nö, ötjönö ile nibebö ösödadönö otiwanö pjatatocha. Jau, otikwökö möle jawa weti̧ a̧ja̧kwö, otiwanö ötidökönö tjö̧jobetjö̧, ja̧danö ju'wi chömöledö israel jojodönö weti̧bi otiwanö a̧ja̧kwö tjö̧jobetjö̧, jobadönö ösödö pjatatakwo̧sa, baikwö yötawa:

Isaías 58:13

Jau chömöledö, otikwökö möle jawa weti̧ otiwanö a̧ja̧kwö, otidökönö ja̧nö, ökwödöda kwösödaduwi̧ ja̧bökönö kwö̧jaduwo, baikwö yöta̧la: Otikwökö möle kwösödaduwo, —Isabenö Jo̧ Dios 'da̧batö ujuninemi möle otiwa, ja̧ möle otiwanö omukwatö, dösödi̧da ja̧bö dö̧joko. Ja̧ möle ökwödöda dösödi̧ jawa omukwatökönö, ökwödöda yöda̧lakwawi̧ jawa omukwatökönö, jweinö Dios da̧batö ujunina möle omukwatö dö̧jo, —jö̧ba̧lö.

Lucas 11:28

Yöja̧liökwe, Jesúsma atadinobe: —Isabenö Dios otiwanö pjaatoko chojo'donöma, ötjönö jemobö iyinobetjö̧, jo̧kwaijayonö ja̧tjö bajalekwönönö isabenö nöinö pjabato̧ Diosma, Dios iwene a̧ja̧kwö laebachi̧danö ja̧bö ju̧kwadönöda chömöledö— jö̧ba̧lö.

Lucas 12:43

Ja̧danö, la'aka luwo̧ ȩwa̧jenama, jo̧ba ömöayo̧ma weinadanö ja̧bö ö̧jitjö̧ma, isabenö o̧'wo̧ ösöwanö ö̧jakwo̧ jo̧ba ömöayo̧ma, ¿jö̧tö?

Juan 13:17

Ina yöawinobe: —Ötjö, ökwödö kwuluwo̧duwima, kwömasapaduwibiya chidicha̧laja̧ma kwomukwataduwobö chidicha̧latö, Ökwödöbi jejenö pjakataduwobö jo̧be, jö̧ba̧lö. Babema kwöwaisaduwobe pjakataduwobö ji̧ma. Jo̧kwaobetjö̧ jejenö pjakataduwitjö̧ma kwo̧'wo̧duwi ösöwanö kwö̧jaduwena—yöawinobe Jesúsma—.

Romanos 12:9

Ju'wedönö isabenö kwösödaduwo, wamedama kwösödaduwoko, okwanö kwösödaduwo. Jau chömöledö, sulabe jawa Dios öpöjödi̧ jawama kwöpöjödaduwo. Ja̧danö wanedö yötawa: Otiwa jawa 'diinö do̧ka̧laduwo, ja̧da kwösödaduwo.

Apocalipsis 22:14

Ina jö̧a̧lijatö: —Ötjö chömöledö, tjökamisi dichadöma, suli̧ jwibadödanö babibö, otiwanö tjo̧'wo̧ ösöwanö tjö̧jakwedö. Jobadöma 'yayi̧ Jerusalén comunidad apjude po̧bebö tetjachakwedö, ba̧kwȩlö̧jatebö ja̧kwawa towi wa̧ji̧tjö tjukwobö.