Isaías 55:9 - Dios Iwene

⁹ Ötjö chomukwati̧ma, ökwödö kwomukwataduwi̧tjö bajalekwönönö otiwobe, baikwö wanedö yöta̧la: Mölȩjȩma, bö̧jȩtjö bajalekwönönö jwiinö mööjȩ, jö̧tö? Ja̧danö ötjö ja̧bö chö̧ji̧ma, ökwödö ja̧bö kwö̧jaduwi̧tjö̧ jwiinö bajalekwönönö otiwobe chömöledö, ja̧danö chomukwati̧ma, jwiinö ökwödö kwomukwataduwi̧tjö bajalekwönönö otiwobe.

Isaías 55:9 ပူးပေါင်းရင်းမြစ်များ

2 Samuel 7:19

Jo̧kwaijayonö, ida̧ökö nöinö pjakatajayonö, –Ja'yubeda pjatatajabe, –jö̧ba̧lö, tupakwö nöinö pjakatakwa̧ wene yökawajabe. Jau Chuluwo̧ Isabenö Jo̧ Dios, ötjönö pjakataja̧tjö̧ bajalekwönönö, ina tupakwö lekwe möle ötjö kwömöayo̧ chi̧tji̧mu tupadanö jojodönöbi pjakatakwa̧ wene yökawajabe Chuluwo̧. Isabenö otiwanö pjabato̧ja chuluwo̧, bi̧ya̧ pjakati̧ wene a̧ja̧kwö, ökwödö bö̧jȩ jojodö döwaisachibobö jo̧be, Duluwo̧ Isabenö Jo̧ma isabenö jwiinö otiwanö pjabato̧ jö̧ba̧lö.

Isaías 14:24

Baikwö yöbawö ujunajabe Isabenö Jo̧, Okobe Jwiinö Juluwo̧ Diosma: —Ötjöma omudawö chujunajabe Asiria jojodönö lȩtebakwa̧ma, jadanö omudawö chujunaja̧danö isabenö baledakobe. Baikwö omudawö chujunajabe, Asiria jojodönö lȩtebakwa̧ma:

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.