Isaías 55:1 - Dios Iwene

¹ Baikwö yöa̧lobe Diosma: A̧ja̧kwaduwi, okobe deinö o̧ti̧ tjöbadöma, chö̧jobekwö kwichaduwo, ojwiyo jȩmibe. Ja̧danö ökwödö balada jwibadöma, ichö kwakwawa emö kwukwaduwo. Ichaduwi, ubasobu o̧'do̧bubi, lechebi kwemaduwo, balada midökönö, mikwa jwiinö ichö kwemaduwo.

Isaías 55:1 ပူးပေါင်းရင်းမြစ်များ

Proverbios 8:4

Baikwö yöbawuju, jweinö omukwatö ja̧kwawanö wanekwachujuma: — Okobe deinö böjȩnö ju̧kwadönö yöbawö jwöbujusa ¡a̧ja̧kwaduwi!

Proverbios 9:1

Baikwö laebobe Salomón wanedö yöawina jawa, jweinö omukwatö ja̧kwawa wanekwachujunö wanedö: Jweinö omukwatö ja̧kwawa wanekwachujuma o̧do otiduju, isuda jejuma. Ja̧danö, okwi'iju, jelemutjö̧ do'olataja o'iju jujunobö löbuju, mö yöeba̧li̧ okwi'iju.

Proverbios 9:5

Duluwuju jweinö omukwatö ja̧kwawa jujuma ökwödönö ja̧debobe, Ötjö sötaja̧ kwakwawa kukwaduwo tebachaduwi, ja̧danö ubasobu o̧'do̧bu, söi̧ so̧pja̧ pjabatö chotidajobuma kwowaduwo tebachaduwi, jö̧ba̧lö.

Isaías 1:19

Jau chömöledö, isabenö otiwanö omukwatö, –Dios wei̧ a̧ja̧kwö dö̧jo, –jö̧ba̧lö weti̧ a̧ja̧kwö kwö̧jaduwitjö̧ma, isabenö otiwanö pjatatakwo̧sa, jadanö yemidanö kwiteboduwi batjo jawa otiwanö kwukwaduwakwedöja.

Isaías 44:3

Jau chömöledö, kwiteboduwi niji kököijayonö, ojwiyo sa̧takwo̧sa, ja̧danö niji kököelö ö'wejenö ojwebiya lamatobö wetakwo̧sa. Ja̧danö ötjöda cho̧'wo luwo̧nö wetakwo̧sa, ökwödö kwitji̧mu tupadanö jojodönö pjaatakwo̧ baibanö, ja̧danö jwiinö otiwanö pjatatakwo̧sa kwitji̧muduwi tupadanö jojodönö.

Isaías 52:3

Isabenö kwö̧jibakwa̧ möle badekwachajabe, baikwö yöa̧lobe Isabenö Jo̧ma: Kwitebotjö a'dewö lobö, ju'wedö tjitebobe öbibö tjemobö iyö lotenama, midökönö mikwa jwiinö tjeminokoja, ja̧danö babema balada midökönö, tjujulutjö kwö̧jibanö kwitebobe tjetatakwo̧sa, jö̧ba̧lö yöa̧lobe.

Mateo 10:8

Ja̧danö, ö'wöchadönö otidö lobaduwi, ja̧danö ö'wö babibajadönö tjetjachajinö ja̧baduwi, ja̧danö tji̧sȩdo̧ sulabedönö otidö lobaduwi, ja̧danö tjo̧'wo̧ luwo̧nö sulabedönö a'dewö lobaduwi. Ja̧ jawa ja̧köbaduwo jö̧ba̧lö mikwa jwiinö chiyajabe ökwödönö, jo̧kwajabetjö̧ ökwödöbi mikwa jwiinö jojodönö pjabataduwi— jö̧ba̧lö weinobe Jesúsma, iteda öba̧ja̧di̧ waisachadönö.

Mateo 13:44

Tupakwö wanedö yöawinobe Jesúsma: —Baikwö wanedö yötawa mölejȩbe jo̧ la'aka luwo̧ ö̧jena jawama: Jojoma ka̧putjö inesö mikwawi̧ jawa öbadekwajinobe, ju'wedö ajayinö tojö tjujunina jawama. Jejenö badekwajo̧, yemidanö tojö, o̧'wo̧ ösöwachibanö okobe jwiinö ujuna̧li̧ mikwanö iyö lobajo̧, ja̧ ka̧pu midö eminobe, öbadekwajina jawa, inesö mikwawi̧ jawa ujuna̧lakobetjö̧.

Mateo 26:29

Isabenö yötawaduwakwö chömöledö, babe ökwödökwö chowi̧danöma yemidanö bobu ubasobu o̧'do̧bu chowökakobe, Chabe'do la'aka luwo̧ ö̧jena ja̧nö, 'yayobu ökwödökwö chowenanö kabatö— jö̧ba̧lö yöawinobe.

Mateo 5:6

Jwaikwöda sulabe jwii̧ Dios ösödi̧ jawa isakwadöma, isabenö tjo̧'wo̧ ösöwanö tjö̧jakwedö, Dios öba a'otjö sulabe jwibadö tjö̧jakobetjö̧.

Hechos 8:20

Jo̧kwaijayonö jejenö aebiökwe Pedroma jö̧ba̧lijetö: —Sulabenö kwomukwatajabetjö̧ kwu̧kwa baladakwö ökwöla ubobekwö 'ya̧wi. Diosma ujulu mikwa jwiinö iyijayonö ökwöma sulabenö omukwatö jö̧ka̧lajabe, Baladanö midö chemocha, jö̧ba̧lö.

Romanos 3:24

Jau chömöledö, ökwödö böjȩ jojodö okobe deinö sulabenö ja̧dijayonö, Cristo Jesúsda dö̧jibinö pjaatinobe. Ja̧danö, Cristo Jesúsda midawö woinobetjö̧, Diosma, mikwa jwiinö otiwa jawa iyö, ökwödönö suli̧ jwibadö badibanö ja̧obe.

1 Corintios 3:2

Ja̧danö, wanedö yötawa kwo̧'wo̧ luwo̧duwi jawama: Ina damö tjukwi̧ kwakwawa kwö̧kataduwokobetjö̧, damö tjukwi̧ kwakwawa iyökönö, sule o̧do̧'bi̧sobu ojwöda yötawijatö ökwödönöma. Jau chömöledö, damö tjukwi̧ kwakwawa kwö̧kataduwoböma jwiköbaduwijatö, ja̧danö babebi ja̧ damö tjukwi̧ kwakwawa kwö̧kataduwoböma jwibadöja,

1 Pedro 2:2

Jau chömöledö, ja̧ jawa kabatibö, balekwa̧da kwösödaduwo chömöledö. Wanedö yötawa, tjemu iya̧nö tjeminawö̧danö, kwo̧'wo̧ luwo̧ jawa lechedanö ji̧ma kwösödaduwo chömöledö, otiwanö kwöda̧peachaduwobö.

Apocalipsis 21:6

Tjo̧wi̧ta, okobe jwiinö 'dö̧ibajabe. Ötjödasa la'akatjöda ji̧nama. Ja̧danö, ötjödasa 'dö̧bibajö̧kö̧ma. Ötjöma ojwiyo o̧ti̧lö̧jökwenöma ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoda.

Apocalipsis 22:1

Ikenama ángelma ötjönö ojwe i̧sebijatö. Jödötjö ojwiyoma, ba̧kwȩlö̧jatebö ja̧kwawa ojwiyo. Chedemi jödöma Dios ö̧belö, Obeja Itji̧danö Jo̧ ö̧belö labebö isuwödö. Yelösöda salödö, isa̧yu̧ jwiinö salöayu̧danö.

Apocalipsis 22:17

Ikenama Dios O̧'wo̧ Luwo̧ma, Obeja Itji̧danö Jo̧ ilekwo baibanö emakwujukwö Jesúsnö jwötjobe cha̧ja̧kwijatö, Baikwö ichi, jö̧ba̧lö. Ja̧danö, jojodönöbi jwöobe cha̧ja̧kwijatö, Ökwödöbi bi'ye yöawi̧ a̧ja̧kwadöma, Jesúsnö jwöbaduwi, Ichi, jö̧ba̧lö. Jejenö cha̧ja̧kwijatö. Ja̧danö, Dios O̧'wo̧ Luwo̧ma yöawijatö: —Bakwo̧ ojwiyo o̧tinö jo̧nö ojwiyo iyo̧sa, mikwa jwiinö, ba̧kwȩlö̧jatebö ja̧kwawa ojwiyoma— yöawijatö, Dios O̧'wo̧ Luwo̧ma.

Apocalipsis 3:18

Chömöledö, jejenö usulasedödanö kwö̧jaduwobetjö̧ ökwödönö pjabatö yötawaduwakwö, wanedö yöbawö. Ötjötjö orotjö kwemaduwo juna̧ladödanö bakibaduwakobetjö̧. Ja̧ oro, ökwölatjö laebaja̧ bakwai̧ oro, jwiinö mikwawi̧ oroma. Ja̧danö, ja̧ oro, ötjötjö kwemaduwi̧ oroma, Dios isabenö mikwawi̧ iyi̧ jawa wanekwachobe. Ja̧danö, kamisi̧ dewi̧ o̧di̧juma ötjötjö emibö 'dukawaduwo, otiwanö taba jwiinö kwekachaduwakobetjö̧. Ja̧danö, jowobu'be ötjötjö emö, kwöbajalebiyaduwi kwa̧bekwaduwo yemidanö otiwanö kwedaduwakobetjö̧.