Isaías 53:1 - Dios Iwene

¹ Jau, Dios ömöayo̧nö yödawinajayonö, o̧bukwedöda yödawi̧ tjösödajabe, —Isabenö wene, —jö̧ba̧lö. Ja̧danö o̧bukwedöda Isabenö Jo̧ Dios inesö ujulu i̧sȩbobe tjedajabe.

Isaías 53:1 ပူးပေါင်းရင်းမြစ်များ

Isaías 40:5

Jemi ikenama Isabenö Jo̧ dejatinö ujulu öwawachakobe, ja̧danö okobe deinö bö̧jȩnö ju̧kwadöma bakobe ujulu dedakwedösa. Jobekwö yöawajabe Isabenö Jo̧ma, isabenö baledakobe, —jö̧ba̧lö jwöeba̧li̧ ökwöobe.

Isaías 51:9

Duluwo̧ Isabenö Jo̧, baikwö adebakwö, A̧la̧ibi, juluwanö a̧la̧ibi, inesö kwujulu kwi̧sȩbakobetjö̧. Damötjö kwujulu kwi̧sȩbinadanö, yemidanö a̧la̧ibö ökwödönö pjakatobö atebakwö. Jau duluwo̧ Dios, ökwöda damötjö Rahab ötjabökwe, inesö jwaibalawanö ji̧na labo̧nö dȩdȩbö loköbijatö, ja̧danö dȩdebö lobajo̧, pjei̧kwena kwubulabinobe, jö̧tö? Jobekwö yemidanö kwujulu kwi̧sȩbobö atebakwö.

Isaías 52:10

Tjitebotenia jojodö tjö̧ba a'otjö iteda ujulu öwaetjöda öwawinö i̧sȩbajabe, ja̧danö bö̧jȩ ba̧kwemeachibanö ju̧kwadöma edö tjöwaisakwedö, —Duluwo̧ Diosma iteda ömöledönö tjö̧jibinö pjaatajabe, —jö̧ba̧lö.

Isaías 59:16

Ökwödönö edö, —Tajawedö jojodö sulabenö ja̧tjawö̧nö pjabato̧ deobejö? Tajawedö bakwo̧bi tjö̧'da̧de jamatö, sulabenö ja̧tji̧ katjatibobö weokobejö? Bakobe sulabedö israel jojodöma, —jö̧ba̧lö öpöjödö edajabe. Jo̧kwajabetjö̧ jelo̧ pjabato̧ deiökwe, Diosda dö̧jibinö pjaatakwo̧. Bakwainö otiwanö ja̧bö jo̧ ö̧jobetjö̧, iteda ujulu i̧sȩbö dö̧jibinö pjaatakwo̧.

Isaías 62:8

Isabenö Jo̧ma, iteda inesö ujulunö baikwö yöbawö ujunajabe: Ötjö inesö chujulunö baikwö yöbawö chujunaduwakwö: Bemi tupakwö la'akatjöda ökwödö kwöbatjoduwi wa̧ji̧ma, iyö lotökakwo̧sa kwöpöjojodöduwi tju̧kwa baibanöma. Ja̧danö ökwödö ubasobu o̧'do̧bu kwotidaduwajobuma, ju'wedö tjitebo jojodöma la'akatjöda 'döbebö tjowökakwedö.

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Mateo 16:17

Jejenö yöa̧lökwe Jesúsma Pedronö yöa̧linobe: —Isabenö kwo̧'wo̧ ösöwanö jo̧ja ökwö Jonás itji̧ Simón, Diosda ja̧ ökwönö öba̧ja̧dinobetjö̧. Jau chömöledöso̧, jojodödama ja̧ tjöba̧ja̧dinokobe ökwönö. Diosda ja̧ öba̧ja̧dinobe ökwönöma.

Lucas 18:31

Jesúsma iteda webawedö a̧li̧nösamutjö du̧ju̧tajabedökwö jojodötjö 'da̧bachibö i̧'yinobe, ja̧danö jobadönö yöawinobe: —Chömöledö, Jerusalénbe di̧'yobe babema, ja̧danö jobe dichibaja̧ ikena, ötjönö sulabenö ja̧tjakobe Dios yöawi̧ yöbawinadö damötjö tjiwȩyudinadanö. Jau chömöledö, Dios iwene yöbawinadöma damötjö tjiwȩyudinobe ötjö jojo baibanö jeminökwenö sulabenö ja̧tjakwa̧ma,

Juan 1:12

Jo̧kwaijayonö jojodötjö ju'wedöma jo̧banö ösödö do̧batö tjeminobe, Biteda, jö̧ba̧lö. Ösödö do̧batö tjemobetjö̧, Bidöma Dios i̧tji̧mu, jö̧ba̧lö, yöawinobe dewinö jo̧ma.

Juan 1:7

Jo̧ba Juannö weinobe jojodönö yöawobö dewinö jo̧nö, jojodö tjöwaisachibanö dewinö jo̧nöma. Ja̧danö jojodöma, Juan yöawi̧ a̧ja̧kwö, Jweinö yöbawo̧, dewinö jo̧nö dösödo, jö̧ba̧lö, tjöwaisachibobö weinobe Diosma, Juannöma.

Juan 12:38

Jejenö, jojodö tjöpöjödi̧ma damötjö Dios yöawi̧ yöbawo̧ Isaíasma yöbawö iwȩyudinobe. Baikwö laebobe Dios iwenetjö: Duluwo̧, jojodöma ¿tajawedö tjöpöjöda ökwödö yödawi̧ma? Ökwödö dujulu di̧sebi̧ tjedijayonö ina tjöwaisachibokobe, jö̧ba̧lö laebobe Isaías iwȩyudinama.

1 Corintios 1:18

Jau chömöledö, Dios lȩebi̧tjö tjemakwedöma, Cristo towisa'onö woina wenema tjöpöjödobe, waisakwawa jwii̧ wene jö̧ba̧lö. Jo̧kwaijayonö ökwödö Dios lȩebi̧tjö ji̧badöma Cristo towisa'onö midawö woina wene dösöda, Dios ujulu ji̧ wene jö̧ba̧lö.

1 Corintios 1:24

Jo̧kwaijayonö, Dios jwöinawö̧ma, judío jojodötjöbi, judío jojodöböködötjöbi Dios jwöinawö̧ma, döpöjödokobe ja̧ wenema. Ökwödönö ja̧ Cristo jawa wenema Dios ujulu i̧sebobe, ja̧danö Dios waisanö omukwati̧ i̧sebobe.