Isaías 52:14 - Dios Iwene

¹⁴ Jo̧kwaijayonö ajayinö jo̧banö tjedenama, tajijö jö̧ba̧lö, tjöbajale jalaka baibanö tjedinökwe. Jau, nöinö kwakwatjökwe, öbama jojo öbadanö ichejekwinokobe, ja̧danö jwiinö usula emawo̧ ö̧ji̧ edö, jo̧banö wajwitjo jö̧tja̧linena, —Bitema jojoso̧, —jö̧ba̧lö.

Isaías 52:14 ပူးပေါင်းရင်းမြစ်များ

Isaías 50:6

Ja̧danö öpöjödadö ötjönö kwakwatjenema, yayonö katatibijökötö, jwaikwöda Dios wei̧ a̧ja̧kwö ja̧nö, wainö chibeka kwakwatjobö chi̧sȩbijatö. Ja̧danö cha̧jȩsa'ye 'yetjobö jö̧tja̧lenama, öpöjödökönö cha̧jȩ chi̧sebijatö, wainö 'yetakobetjö̧. Ötjönö otjenabi, ötjönö sutjenabi, yayonö tabatjö chöbama ju̧kwawö̧kö̧sa.

Mateo 26:67

Ikenama Jesús öbanö sutjinobe, ja̧danö jo̧banö kwakwatjinobe, ja̧danö jobadötjö ju'wedö jo̧banö öbanö 'bȩbö yötja̧linobe:

Mateo 27:14

Jo̧kwaijayonö Jesúsma jobadö wanedö yötja̧li̧ ja'yubebi atadinokobe, ja̧danö jejenö atadiökökwe, gobernadorma öbajale jalaka baibanö ö̧jinobe, ¿tajawedö ö'wiakwawöma atadö̧kö̧jö? jö̧ba̧lö.

Mateo 7:28

Ja̧ jawa Jesús yöbawö kaatenama, jo̧banö a̧ja̧kwö ko̧ko̧kwadöma tjöbajale jalaka baibanö tjomukwatinobe, Ayö, bitema ¿dakwö yöbawo̧jö? jö̧ba̧lö.

Marcos 10:26

Jejenö jö̧a̧liawö̧ jobadöma, yemidanö, tupakwö 'ya̧nö Jesúsnö jö̧ba̧lijadötö: —¡Ayö! Balada juna̧lo̧ma Dioskwö ichiböbö jwiitjö̧ma ¿dakwö ja̧bö tjichibobö tjö̧jibo jö̧ba̧löma, jo̧kwadabedöma?— jö̧ba̧lijadötö.

Marcos 10:32

Ikenama, Jesúsma, iteda öba̧ja̧di̧ waisachadökwö Jerusalénbe 'ya̧kwawamanö 'yi̧jetö. Jo̧bama abönö 'yi̧jetö. Ökömanö öba̧ja̧di̧ waisachadöma 'ya̧nö tjöbajale jalaka babibijadötö, ¡Ayö! Labobe di̧'ya. ¿Tajawedö i̧'yobeda jobema? jö̧ba̧lö. Ja̧danö, jobadö tjökömanö ju'wedö 'ya̧jadöma yebabinö 'yi̧jadötö. Jesúsma ja'ö 'ya̧nö iteda öba̧ja̧di̧ waisachadönö jo̧dawa'ye batjibanö ko̧ko̧dijetö. Ko̧ko̧dibö junö itenöda baledakwa̧ yöbawijetö Jesúsma,

Marcos 5:42

Jejenö jö̧a̧loko jobujuma, a̧li̧nösamutjö dötölataja o̧biya juna̧lujuma, omönanö a̧laibö jamatö kwebachijotö. Jojodöma jejenö otidaja̧ edö: —¡Ayö! ¿Dakwö otidaja̧jö?— jö̧ba̧lö eda̧lijadötö.

Marcos 6:51

Ikenama Jesúsma isowinö a̧jibijetö jobadökwö. A̧jibemi jwa̧lȩ'epjo jwa̧lȩ'ewaja̧ma jwa̧lȩ'ewijökötö. Jejenö baibiawö̧ öba̧ja̧di̧ waisachadöma: —¡Ayö! ¿Dakwö baibajö?—jö̧ba̧lö, omukwatijadötö.

Marcos 7:37

Ja̧danö, ju'wedöma ja̧ yötja̧li̧ a̧ja̧kwö: —¡Ayö! Jo̧ba okobe jwiinö otidi̧ma otiwanö otido̧. A̧ja̧kwöködönöbi tja̧ja̧kwinö otidö lobo̧. Yöba̧löködönöbi yötja̧linö otidö lobo̧— jö̧ba̧lijadötö.

Lucas 2:47

Jesús waisanö yöa̧liawö̧, okobe deinö jobe edajadöma tjöbajale jalaka baibanö tjomukwatinobe, Bite tjemuma ¿dakwö waisanö omukwato̧jö? ¿Dakwö waisanö atado̧jö? jö̧ba̧lö.

Lucas 22:64

Kamijido̧nö Jesús öba di̧batajadö, Jesúsnö kwatjinobe, ja̧danö Jesúsnö 'bȩbö obö yötja̧linobe: —Isabenö Dios yöawi̧ yöbawo̧köbitjö̧ma, yöbawi, ti ökwönö 'bȩaja̧da— jö̧ba̧lö Jesúsnö otjinobe.

Lucas 4:36

Jejenö balediawö̧, jojodöma tjöbajale jalaka baibanö yötja̧lakwawinobe: —Ayö, bite Jesúsma ¿dakwö jejenö yöbawo̧jö? Bite Jesúsma luwo̧ wei̧danö ujulunö tjo̧'wo̧ luwo̧nö sulabe ja̧dönöma webo̧, ja̧danö wei̧danö labebadö— jö̧ba̧lö yötja̧lakwawinobe.

Lucas 5:26

Jejenö a̧laibiawö̧, tjöbajale jalaka baibanö tjedinobe jojodöma, ja̧danö Diosnö tjösödinobe, Isabenö edajidökö jawa otiwa jawa dedajabe babe mölema, jö̧ba̧lö.