Isaías 51:17 - Dios Iwene

¹⁷ Ökwödö 'dukwachawö̧danöbedö Jerusalen jojodöma, wilubaduwi, wilubö a̧la̧ibaduwi. Wanedö yöta̧laduwakwö, Isabenö Jo̧ma iteda ödameakwi̧ a̧ja̧'do̧ deja'do̧tjö kwowaduwobö iyinobe, ja̧danö iyajawö̧, okobe jwiinö kwowaduwajabe, ja'yubebi ji̧bökönö kwowaduwajabe, inesö yeabikwawa jawa deja'do̧ a̧ji̧ma.

Isaías 51:17 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 21:20

Jau, idödabi tjöbajalenö, Dios jobadönö söbebö lobö lȩebi̧ jawa tjedobö jo̧be, idödabi Okobe Jwiinö Juluwo̧ Dios dameakwö lȩebi̧tjö tjemawobö jo̧be, tji̧tji̧mudamaökö.

Isaías 29:9

Chömöledö, isabenö baledakwa̧ edö, kwöbajaleduwi jalaka baibanö kwö̧jaduwakwedöja, tajijö jö̧ba̧lö. Yötawi̧ kwa̧jakwaduwobö kwöpöjödaduwobetjö̧, ökwödöda kwöbajaleduwi tjewawadö bakibaduwanö jabadöja, ja̧danö tjewawadödanö kwö̧jaduwakwedöja. Ökwödö Jerusalen comunidad jojodöma 'dukwachawö̧ tjö̧jidanö ja̧döja, jo̧kwaijayonö ubasobu o̧wa̧lajadö 'dukwachawö̧ babiböködöja. Ja̧danö 'dukwachawö̧ kwebachadö tjö̧ji̧danö ja̧döja, jo̧kwaijayonö nio ojwiyo owa̧lajadö 'dukwachawö̧ kwebachöködöja.

Isaías 40:2

Dösölö̧jinö yöka̧lo chömöledö Jerusalennö ju̧kwadönö, jobadönö jwöbö yökawo: —Ölakwabikwawö kwö̧jaduwi̧ma ida̧ökö 'dö̧ibajabe. Ja̧danö sulabenö ja̧bö kwö̧jinaduwijayonö, Isabenö Jo̧ma ida̧ökö dötölatajanö ökwödönö lȩebajabe, ja̧danö kwusuladuwima söbebö loajabe, jö̧ba̧lö yöawobe.

Isaías 51:21

Jo̧kwaijayonö babe bi̧ya yöta̧lakwa̧ kwaja̧kwaduwo, ökwödö nio ojwiyo kwo̧wa̧laduwököjayonö 'dukwachawö̧danö ichejekwadöma.

Isaías 51:22

Baikwö yöawobe kwuluwo̧duwi Isabenö Jo̧ Diosma ökwödönö: Chömöledö, babe kwömamuduwitjö 'dötebajabe inesö dameakwö lȩtebi̧ a̧ja̧'do̧ deja'do, 'dukwachawö̧danö bakibaduwanö suli̧ waeda'do̧ma. Bemi tupakwö ja̧'do̧tjö kwowaduwökakwedöja chömöledö,

Isaías 51:9

Duluwo̧ Isabenö Jo̧, baikwö adebakwö, A̧la̧ibi, juluwanö a̧la̧ibi, inesö kwujulu kwi̧sȩbakobetjö̧. Damötjö kwujulu kwi̧sȩbinadanö, yemidanö a̧la̧ibö ökwödönö pjakatobö atebakwö. Jau duluwo̧ Dios, ökwöda damötjö Rahab ötjabökwe, inesö jwaibalawanö ji̧na labo̧nö dȩdȩbö loköbijatö, ja̧danö dȩdebö lobajo̧, pjei̧kwena kwubulabinobe, jö̧tö? Jobekwö yemidanö kwujulu kwi̧sȩbobö atebakwö.

Isaías 52:1

Wilubi, wilubö a̧la̧ibi Sion mösa'o, yemidanö juluwachibi. Ökwö Dios itebo comunidad baibanö 'da̧batö ujuninemi Jerusalenma, otiwa̧do̧ 'dubawi, yȩbekwadöbi, Diosnö öpöjödadöbi kwitea apjude okwa tetjachökakwedö bemi tupakwöma.

Isaías 63:6

Jwiinö dameakwö ja̧nö, chömöledö tjöpöjojodö tjitebotenia jojodönö ja̧tö lotijatö. Jau, inesö chödameakwi̧ ji̧ owawa chojwebijatö jobadönö, ja̧tjö jwiinö 'dukwachawö̧ batjibanö, ja̧danö tjökwösobuma, nijinö tobebö lotijatö, jö̧ba̧lö wanedö atadobe Diosma.

Mateo 20:22

Jejenö ajebökwe, Jesúsma ji̧tji̧munö yöawinobe: —Akebaduwi̧ma wajwibadöja chömöledö. Ötjöma isabenö nöinö usula chemawakwo̧sa chömöledö, ja̧danö chipjeanö tjöbamatakwedöbi bakwayinö usula tjemawakwedö. Ökwödöma ötjö usula chemawi̧danö ¿usula emawö kwöbaledaduwobö kwujuluwaduwobeji̧?— jö̧ba̧lö. Aebawö̧: —Jau, usula kwemawi̧danö ökwödöbi usula emawö döbaledobö juluwadösa— jö̧ba̧lö tjatadinobe.

1 Corintios 15:34

Sulabenö ja̧köbaduwi̧ kabatibö, tjekachajaduwo chömöledö, yemidanö jweinö kwomukwataduwo jö̧ba̧lö. Isabenö yötawaduwakwö chömöledö, ökwödötjö ju'wedöma Diosnö wajwibadöja chömöledö, ja̧danö jo̧banö wajwiköbaduwobetjö̧, kwötabakwaduwobö jo̧be.

Efesios 5:14

Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.

Deuteronomio 28:28

Ja̧danö, ju'wibi tjo̧'wo jwibadö tjö̧ji̧danö bakibaduwobö weakobe Isabenö Jo̧ma, ja̧danö kwöbajaleduwi tjewawadö bakibaduwobö weakobe, ja̧danö wajwibö kwö̧jaduwobö weakobe, –Tajijö, dakwö ja̧takwajö? –jö̧ba̧lö kwö̧jaduwenanö kabatö.

Deuteronomio 28:34

Okobe jwiinö ja̧jaye inesö sulabenö baledakwa̧ kwedaduwakwedöja, ja̧ kwedaduwaja̧tjö kwo̧'woduwi jwibadö bakibaduwenanö baibanö.

Apocalipsis 16:19

Ja̧danö, jobema, Babilonia mikwemi, inesö la'akasemima, okobe jwiinö lileibobe chedijatö. Ja̧danö, wa̧po'okwa jenanö baibanö baledobe chedijatö jemima, Babiloniama. Ja̧danö, jelobebi jelobe comunidadesbi jejenö pjolachakwawibanö baledobe chedijatö. Jejenö Diosma Babilonianö ju̧kwadönöma lȩebobe chedijatö, jo̧banö sulabenö omukwatö tjö̧jobetjö̧. Ja̧danö, jobadöma ojwiyo tjowi̧danö Dios ölabi̧sobutjö owadö. Ja̧ isobuma, Dios ölabi̧sobuma wanekwachobe Diosma Babilonia ju̧kwadönö iteda ujulunö i̧sebö lȩebi̧ma.

Apocalipsis 18:6

Jobadö, Babilonia jojodöma, inia tjötjinö yelösöda ja̧badö jojodönöma. Ja̧danö, jobadönö balekwa mikwa baledobö webo̧sa, Babilonia comunidad jojodönöma. Jobadö jojodönö inia tjötjinö ja̧tjemitjö bajalekwönönö inia tjötjinö ja̧tjobö webo̧sa Babilonia jojodönöma. Wanedö yötawa: Bakwötanöda jojodönö kwatjitjö̧ma, jobadö Babilonia jojodönö dötölatajanö kwakwatjobö webo̧sa. Jobadönö inia tjötjinö ja̧tjobö webo̧sa, jobadö sulabenö ja̧tjemitjö bajalekwönönö, jö̧ba̧lö, Dios iwene yöa̧lobe cha̧ja̧kwijatö. Ina yöa̧lobe:

Jueces 5:12

—¡Wilubi Debora wilubi! ¡Wilubaju lo̧awa lo̧bi! ¡A̧la̧ibi Barac, kwujuluwajawö̧nö juluwajo̧ jelobe öbibi, ökwö Abinoan itji̧ Barac! —jö̧ba̧lö jwötjeabinobe.