Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 49:22 - Dios Iwene

22 Baikwö yöa̧lobe Isabenö Jo̧ Diosma, ökwödö israel jojodönö pjaatakwa̧ma: Baikwö yötawaduwakwö chömöledö, ötjöma chömamu kabebö, tjitebotenia jojodönö weti̧ chi̧sȩbocha, ja̧danö chi̧sȩbiawö̧, kwitji̧muduwinö tjebatö, baikwö tjichejebakwedö. Jau, kwitji̧mu ömadönö apjö̧a̧lö tjichakwedö, ja̧danö tjöböbe'onö kwitji̧mu ya̧dönö e'ewö tjichejebakwedö.

အခန်းကိုကြည့်ပါ။ ကော်ပီ




Isaías 49:22
20 ပူးပေါင်းရင်းမြစ်များ  

Dios israel jojodönö pjaatobetjö̧, tjitebokwena jojodöma israel jojödönö öbibö tjetjatajakobe, yemidanö israel nijinö tjö̧jobö, ja̧danö jobadö tjitebokwena jojodöma, israel jojodö tjömöayedö batjibakwedö, ömadöbi, ya̧döbi. Jau, ajayinö israel jojodönö juluwinadönö balekwa mikwa tjujuluwakwedö israel jojodöma, ja̧danö ajayinö jobadönö usula tjemawobö webinadönö webö tjö̧jakwedö, israel jojodöda.


Okobe deinö ökwödö bö̧jȩnö ju̧kwadö, bö̧jȩ ba̧kwemeachibanö jojodöma, mösa'otjö banderasa̧do̧ kabebö tjö̧ni̧ kwedaduwakwedöja, ja̧danö trompeta pjutji̧ kwa̧ja̧kwaduwakwedöja, —Döpöjojodöma ichibö mebadötö, —jö̧balö.


U'dakwö ju̧kwadönöbi, a̧li̧kwö ju̧kwadönöbi ja̧danö. U'da wetocha, –Chömöledö israel jojodönö iyitjö, –jö̧ba̧lö, ja̧danö a̧li̧ wetocha, –Chömöledö tjȩwa̧japji jö̧ba̧lö tjöbeba̧lökönui, –jö̧ba̧lö. Jobekwö bö̧jȩ bakwachö̧jetjöbi chitji̧mu ömadönöbi, ya̧dönöbi tjebatajö ödötjö chichejebakwo̧sa.


Ja̧danö pjatatiawö̧, ödötjö tjichakobe chömöledöma, u'dakwötjöbi, jawo̧ meajobekwötjöbi, Asuan nijitjöbi otiwanö tjebachajö tjichakwedö, chömöledö israel jojodöma.


Comunidad apjudebenö lakebaduwo chömöledö, Jerusalenbe ichibakwama mana otiwanö kwotidaduwo. Jalama otiwama baibanö kwotidaduwo, ja̧danö inawiya manatjö pjolatö loköbaduwo, Jerusalenbe tjichakwedö otiwanö kwetjachakobetjö̧. Ja̧danö mana i̧sȩba̧do̧, banderasa̧do̧ kabebö kwönaduwo, tjiteboteniatjö ichadöma mana otiwanö tjedakobetjö̧.


I̧sȩkwa jawa baibanö, labinö lȩtebakwo̧sa jobadönö. Ja̧danö lȩtebaja̧tjö ji̧badönö wetocha, tjitebotenia jojodönö yötjawobö, Tarsis nijibebi, Fut nijibebi, 'böawa waisadö tjitebo Lud nijibebi, Tubal nijibebi, Javan nijibebi yöbawö tji̧'yobö. Ja̧danö ötjönö a̧ja̧kwajiböködö, ja̧danö dejatinö chujulu edajiböködö tjitebo jwaibalawa ö'öbö nijibebi tji̧'yobö wetocha, ja̧danö tjitebotenia jojodönö chujulu yötjawakwedö, —Isabenö Jo̧ Diosma isabenö dejatinö juluwo̧, —jö̧ba̧lö.


Chujulu jawa yötjawiawö̧, tjiteboteniatjö kwömöledöduwi israel jojodönö tjichejebakwedö, batjo waji̧ iyawa tjichejebi̧danö, tjö̧'da̧de ju̧kwadö chömöledö israel jojodönö otiwanö iyö tjichejebakwedö, —Isabenö Jo̧, bidö kwömöledönö ichejebö diyakwö, —jö̧ba̧lö. Jau, kabayudö tjoma'anöbi, kolukiyanöbi, tjöböbe'onö wanawa ökiyanöbi, cameyodö tjoma'anöbi tjichejebakwedö. Wanedö yötawa, ökwödö israel jojodö otiwanö tjidichajapa̧ dȩja̧panö, batjo jawa kwiyaduwakwa̧ chejube e'ewö kwi̧'yaduwidanö, kwömöledö israel jojodönö tjitebotjö tjichejebakwedö. Ja̧danö jobadötjö ju'wedönö 'da̧batö chujunocha, ötjötjö jojodötjö ö'weje pjabatadö batjibanö, ja̧danö ju'wedönö weti̧ otidadö Levita jojodö batjibanö chujunocha, jö̧ba̧lö yöawobe Isabenö Jo̧ma.


Ja̧danö, ökwödö okwa tekachaduwököjayonö, jawo̧ laebobekwötjöbi, ichobekwötjöbi, a̧li̧tjöbi, u'datjöbi ba̧jekwadö Israel jojodöböködöma ichö Dios la'aka luwo̧ ö̧jena mesasötenö bamatö tjukwakobe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ