Isaías 48:16 - Dios Iwene

¹⁶ Chö̧jobekwö yöne ichibö, yötawi̧ kwa̧ja̧kwaduwo chömöledö. Ötjöma la'akatjöda tja̧ja̧kwokonö yöbawö̧kö̧sa, öwawinö baledakwa̧ yöbawo̧sa, ja̧danö ba̧kewelöjatebö yötawaja̧danö badekwachinö otidö lobo̧sa, jö̧ba̧lö yöawobe Diosma, Juda jojodönö. Ja̧danö chömöledö, babema Isabenö Jo̧ Diosma ötjönö weajabe, Dios O̧'wo Luwo̧ma ötjönö weajabe, iteda yöawi̧ ökwödönö yötawobö.

Isaías 48:16 ပူးပေါင်းရင်းမြစ်များ

Isaías 34:1

Ökwödö tjitebokwena jojodöma, yöne ichibö kwa̧ja̧kwaduwo, tjitebotenia jojodö otiwanö kwa̧ja̧kwaduwo. Bö̧jebi, okobe jwiinö bö̧jȩnö ji̧bi a̧ja̧kwobö jo̧be, okobe deinö bö̧jȩnö ju̧kwadö yötawi̧ tja̧jakwobö jo̧be.

Isaías 41:1

Baikwö laebobe Dios yöa̧li̧ma: Ökwödö jwaibalawa ö'öbö niji ju̧kwadönö, wi̧inö ja̧nö kwa̧ja̧kwaduwo, ökwödönö abebö cha̧ja̧kwonö, ikenama atebiawö̧, kwujuluwaduwachibanö kwatadaduwo. Jau, bakobe yöda̧lakwawaduwo, ökwödötjö ti jweinö omukwatojobö jö̧ba̧lö öwawakobetjö̧.

Isaías 43:13

Jau, ötjödasa ba̧kwelöjatebö ji̧na Diosma, ja̧danö ba̧kwelöjatebö 'dö̧jibajökönö ö̧jakwo̧ Diosma ötjödasa. Ötjö chotidobö jö̧ta̧lenama, bakwo̧bi tjöbeba̧lo̧ma deobe, ja̧danö ötjö chotidaja̧ma, bakwo̧bi chotidajokobedanö balewö loobö jwiobe, ötjödasa Diosbo̧chobetjö̧, jö̧ba̧lö yöa̧lobe Diosma.

Isaías 45:19

Ötjöma jweinö yötawajabe, yötawi̧ tojata̧lökönö wajuwanö yötawajabe. Yȩa'wo jȩmi nijitjö, tja̧ja̧kwokonö yötawijökötö, ja̧danö Jacob itji̧mu tupadanö jojodönö yötawijökötö, —Ötjönö isakwö kwö̧jaduwi̧ma, mikwawökakobe, —jö̧ba̧löma. Jobekwö yöbawinö̧kö̧sa chömöledö, ötjöma Isabenö Jo̧sa, otiwanö yötawo jö̧ta̧li̧danö yöba̧lo̧sa, omöna yöba̧lökönö, isabenö weneda yöba̧lo̧sa.

Isaías 57:3

Jo̧kwaijayonö, jobekwö wene jwiböködöja, ökwödö Dios wei̧ a̧ja̧kwöködöma. Ökwödöma sulabedö mea bobadö tjitji̧mudanöbedöja, ja̧danö bakwo̧ ilekwobökujutjö itji̧kwinawö̧danöbedöja, ja̧danö jilekweböködökwö 'da̧'da̧bakwawö ju̧ju̧ jeminawö̧danöbedöja. Ökwödö Dios wei̧ a̧ja̧kwöködöma, yöne ichibö kwa̧ja̧kwaduwo.

Lucas 4:18

Duluwo̧ O̧'wo̧ Luwo̧ma ötjökwö jo̧, jo̧bada ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, ka̧lena ba̧jadönö ka̧lenatjö tjö̧jibakwa̧ wene yötawobö, ja̧danö tjöbajale tjewawadönö edadö batjibakwa̧ wene yötawobö, ja̧danö tjujuluwajawönö tjuluwedötjö tjö̧jibakwa̧ wene yötawobö.

Juan 18:20

Jejenö aeba̧liökwe: —Ötjöma ba̧kwȩlö̧jatebö jojodö tjeda̧lonö yöbawiachijatö. Judío jojodö ba̧nö tja̧ja̧kwa̧leju okwa ja̧nö yötawijatö. Dios eju okwatjöbi ba̧kwȩlö̧jatebö yöbawiachijatö jojodö tjeda̧lonö. Ju̧kwawibö ja̧nöma yötawijökötö.

Juan 3:34

Ja̧danö, Dios weinökwema Dios iweneda yöbawo̧. Ja̧danö, Diosma iyijetö weinökwenö iteda O̧'wo̧ Luwo̧nöma, jo̧ba ujulu okobe jwiinö iyö.