Isaías 47:14 - Dios Iwene

¹⁴ Jo̧kwaijayonö juluwöködö, meje'ye kököa'yedanö ichejekwawö̧, ökwönö yöbawadöma. Jau, ökwöla ubenama, idödabi ökwölatjö tjö̧jibanö ja̧tjoböma juluwöködö. Baikwö wanedö yötawa, labi̧ jawa juluwanö baledakwa̧ma, tjejutjö 'yötjakwobö tjujuwoladanö ichejekwokola, ja̧danö ökwöla öbö̧'adanö ichejekwokola, ökwönö baledakwa̧ma, inesö labinö uboladanö ichejekwakwola, ökwönö baledakwa̧ma.

Isaías 47:14 ပူးပေါင်းရင်းမြစ်များ

Éxodo 5:12

Jo̧kwaobetjö̧ Israel jojodöma okobe jwiinö Egiptonö isakwö isa'ye jwiinö woina'yeda e'dijadötö. Belö tjiyina'ye balewö jwiinö woina'yeda e'dö e'ewö ȩwa̧jijadötö, blokekwö pjabatö tjotidakwa̧'yema.

Isaías 10:17

Jau, ötjö Israel jojodönö inesö dejato̧ma, ökwöladanö batibakwo̧sa, Ötjö inesö Suli̧tjö 'Da̧bachibö Jo̧ma ökwöla ubi̧danö batibakwo̧sa, ja̧danö ökwöla ubi̧danö jwiinö söbebö lotocha jo̧banö. Wanedö yöta̧la, bakwöta möle towibiya otiwemi tebobi, batjo otiwanö pokwemibi, sȩötjebiyabi, ju'wi sȩi̧ jawabi juwö lotocha, jwiinö jo̧banö söbebö lotakobetjö̧. Jojo jwiinö 'dö̧bacho̧ 'dalökachibö ö'wö baibi̧danö baibakobe jo̧banö.

Isaías 30:14

ja̧danö jobekwö baledenama, lete'otjö dado̧ ödadaja̧yu i̧sa̧yu labinö nijakwö ikwö loobedanö ichejekwobe, ja̧ tjöekwemi ji̧nama. Jau, bakwo̧ lete'otjö ödadaja̧yu 'dainö nijakwö ikwö loitjö̧ma, ajayinö otidaja̧yuma bakwainö mikwa jwiayu baibena, ökwöla ubö̧'abi ökwölatjö emoböma mikwawököyu, ja̧danö ojwese'dotjö ojwiyo waoböbi mikwawökuyu, jö̧tö? Jobekwö baledakobe ökwödö kwo̧'woduwi̧ kwö̧wa̧na̧laduwi̧ma, —jö̧ba̧lö laebobe Dios chi̧wȩyudobö weinama.

Isaías 33:14

Jerusalennö ju̧kwadö sulabenö ja̧bö ju̧kwadöma, chujulu chi̧sȩbiawö̧ jwiinö yebabidö, –Ayö, Dioskwö dakwö dö̧joböjö? Jo̧bama ökwöla jwiinö ubola kwebato̧, tiibokola kwebato̧, ökwödötjö ditejö, jo̧bakwö ö̧jobö mikwawo̧ma? –jö̧ba̧lö.

Isaías 40:24

Dios öba a'otjö, pokwi̧ juluwökö ji̧danö juluwöködö. Wanedö yötawa, batjo ödebiya tjödaja̧ ikena, niji ina 'diinö do̧alokonö, i̧ya̧nö pokwö laebenama, ja'yubebi juluwökö'ye, jö̧tö? Ja̧ isa'yedanö Dios öba a'otjö juluwöködö bö̧je jojodöma, ja̧danö wanedö yöta̧la, jobadönö pjuitjö̧ma, juluwanö kököbachibö suli̧ waekwadö, ja̧danö sula'wo tjö̧ji̧danö, jwa̧lȩ'epjo juluwanö jelobekwö e'ewawö̧.

Isaías 41:2

Baikwö abebö cha̧ja̧kwaduwakwö: Jawo̧ laebobekwötjö icho̧ la'aka luwo̧ juluwo̧ma, ti weökwe baikwö ichobeda? Ja̧danö tjitebotenia jojodönö ujuluwobö webo̧ma, tida? Tida tjitebokwena la'aka luwedönö ja̧tö loobö webo̧ma? Jawo̧ laebobekwötjö icho̧ma, inesö la'aka luwedönö jwiinö dȩdȩbö lobo̧, jwiinö söbebö lobo̧, nijiso̧pjadanö batjibenanö, ja̧danö öpöjojodönö 'böbö, jwa̧le'epjo e'ewa'ye meje'yedanö tjipjelekwachinö a'dewo lobo̧, jö̧tö? Tida weökwe jobekwö ujuluwobeda?

Isaías 44:16

Jau chömöledö, jo̧bajayo̧ otidi̧ baikwö yöta̧la: Towi ja'ö ökwölanö juwo̧, ja̧danö ja̧ ökwölanö, ukwakwa̧ söbo̧, ja̧danö söbajo̧, omeawachibanö kwo̧. Ju'wibi ökwöla yöne 'yöbakwo̧, ja̧danö ökwöla edö, —Otiwa, ökwöla edö, otiwanö 'yöbakwö jo̧sa, —jö̧ba̧lö.

Isaías 5:24

Okobe deinö jobadö yöta̧lajawö̧ma, Okobe Jwiinö Juluwo̧ Isabenö Jo̧ Dios weina a̧ja̧kwökönö öpöjödadö, —Israel jojodö tjösödökwe Sulabe Jwibo̧ Dios wei̧ma mikwawökö ji̧, —jö̧ba̧lö sulabenö öpöjödadö, jo̧kwajabetjö̧ isabenö usula tjemawakwedö. 'Witjaja̧ isa'ye juluwanö ubi̧danö, ja̧danö ökwöla öba a'otjö meje'ye kököa'ye juluwanö bȩbachibö ubi̧danö baledakwawö̧. Jau, wanedö yötawa, tjö̧ji̧ bö'diyadanö ji̧ma 'dolowakobe, ja̧danö tjö̧ji̧ o̧bubiyadanö ji̧ma kököbachibö jwiakobe, tjöpöjödiökwe Dios isabenö lȩebobetjö̧.

Mateo 10:28

Jojodönö yekabiduwa chömöledö, jobadöma sule tjiteba'oda kwabö lobadö, tjo̧'wo̧ luwo̧nö kwabö lotjoböma juluwöködö. Jau chömöledö, Diosnöda yekabiduwobö jo̧be, jo̧bama isabenö jojodönö lȩebobö juluwo̧obetjö̧, jo̧bada ökwöla nöolatjö jojodö tjiteba'obi, tjo̧'wo̧ luwo̧bi söbebö loakwo̧.

Mateo 16:26

Jau chömöledö, bakwo̧ okobe jwiinö böjȩ jawa juna̧lo̧ woitjö̧ma, ¿okobe jwiinö böjȩ jawa ujuna̧li̧ma jo̧banö pjaatenaji̧? Pjaatokobe, ¿jö̧tö? Jau chömöledö, okobe jwiinö ujuna̧li̧ iyitjö̧böbi, yemidanö ja̧kwawa emobö jwiena.

Apocalipsis 18:21

Ikenama chedemi, bakwo̧ ángelma, jwiinö juluwo̧ma, inawa nöawa, jwiinö ömökawa kabebö, labinö ojwe nöödö okwa jaobe chedijatö. Ja̧danö, jabö yöa̧lobe cha̧ja̧kwijatö: Biwa labinö kabebö jati̧danö Babilonia comunidad, inesö comunidadma labinö söbebö loakwemi, yemidanö jö̧könö.