Isaías 46:5 - Dios Iwene

⁵ Isabenö juluwo̧sa chömöledö, ju'wedö tjösödawö̧tjö, diteda ötjödajayo̧ma? Tinö wanedö, —Isabenö Jo̧ Diosma bitedanö bakwaibo̧, —jö̧ba̧lö yöka̧laduwakwa̧da? Bakwo̧nö, —Diosdanöbo̧, —jö̧ba̧lö kwomukwataduwitjö̧ma, badedö dedo, isabenö bakwaibedö dö̧jojobö jö̧ba̧lö.

Isaías 46:5 ပူးပေါင်းရင်းမြစ်များ

Éxodo 15:11

Isabenö Jo̧, ju'wedö tjo̧'wo jawa tjösödawö̧tjö ökwödajayo̧ma deobe. Ökwödajayo̧ma ¿tida? Deobe, bakwo̧da wainö juluwo̧ja, ökwö Isabenö Jo̧da. Deobe ökwödajayo̧, yebabinö tjösödökwema, Deobe ökwödajayo̧, jwiinö ujulu i̧sebo̧ma.

Isaías 40:18

Diteda jobekwö Diosdanöbo̧ma chömöledö? Tinö wanedö, Diosma bitedanöbo̧, jö̧ba̧lö yöka̧laduwena?

Isaías 40:25

Jobekwö jo̧be chömöledö, jo̧kwajabetjö̧ baikwö abebö a̧ja̧kwobe Inesö Suli̧ Jwibo̧ma: —Tinö wanedö, –Diosma bitedanöbo̧, –jö̧ba̧lö labebö lobö yöka̧laduwakwa̧da? Bakwo̧bi ötjödanöbo̧ ö̧jenaji̧?

Filipenses 2:6

Cristoma itedainobetjö̧ la'akatjöda Diosdainobe, jo̧kwaijayonö Diosdanö ö̧ji̧ 'diinö do̧a̧loböma omukwatinokobe.

Colosenses 1:15

Jo̧ba Cristonö dedenama, öwawö̧kö̧ Diosnöbi dedobedanö ichejekwa, Cristoma okobe jwiinö Dios jawa i̧sekwobetjö̧. Ja̧danö, jo̧bama okobe deinö Dios otidinawö̧tjöbi, okobe jwiinö Dios otidina jawatjöbi la'aka luwo̧danö jo̧ma jo̧ba Cristoda,

Apocalipsis 13:4

Ja̧danö, jobadöma toba'dadanöso̧nöbi nöinö ösödadö, ojwe okwatjö labebajo̧nö iteda ujulu iyiawö̧, la'aka luwo̧ baibanö. Ja̧danö, ojwe okwatjö labebajo̧nöma edö, ¡Ayö! Bitema jwiinö juluwo̧, jo̧badanö juluwo̧ma deobe, jö̧ba̧lö, tjösödobe chedijatö. Ja̧danö, ¿Tida jo̧banötjö o̧penönö juluwo̧ma? ¿Tida jo̧banö kwabö lobo̧ma? ¿Tida jo̧banö ujuluwakwo̧ma? Deobe, jö̧ba̧lö, ojwe okwatjö labebajo̧nö tjösödobe chedijatö.