Isaías 46:1 - Dios Iwene

¹ Babilonia jojodö tjösödökwe Bel ötjabökwema, bȩbachibö ö̧jobedanö ichejekwa, ja̧danö tjösödökwe Nebo ötjabökwebi, nijakwö bȩbachibö ö̧jobedanö ichejekwa, jobadönö meatö, tjajwimu tjoma'anö tje'ewobetjö̧. Jau, jobadö tjösödawö̧ o̧'wo jawama, ömöki̧ jawa batjibajabe tjajwi̧munö, tjajwimu tjime'dawachibobö ömökadö.

Isaías 46:1 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 39:11

Isabenö juluwo̧ jo̧ba pakayaso̧ma, jejenö juluwo̧obetjö̧, otiwanö otidakwo̧ jö̧ba̧lö kwo̧'wo kwöwana̧lobö jȩnaji̧? Otidaji, jö̧ba̧lö webajo̧, lakebaja̧ okobe otiwanö otidenaji̧?

Éxodo 12:12

Ja̧ yö̧tema Egipto niji okobe jwiinö kwebachö okobe deinö Egipto jojodö tji̧tji̧mu ömadönö, abönö damönö kwabö lotakwo̧sa, ja̧danö tja̧jwi̧mu̧ tji̧tji̧mutjöbi abönö damönö. Jejenö lȩtebemi okobe jwiinö Egipto jojodö tjo̧'wo tjöwa̧na̧lawö̧nöma lȩtebocha. Jejenö lȩtebobö juluwo̧sa, Isabenö Jo̧chobetjö̧.

Isaías 2:18

Ja̧ möle, okobe jwiinö o̧'wo jawa söbebö loakobe Diosma,

Isaías 2:20

Jobekwö iteda ujulu i̧sȩbiawö̧, bö̧jȩ jojodöma platatjö otikwawö̧ o̧'wo jawabi, orotjö otikwawö̧ o̧'wo jawabi, idöda tjösödobö tjotidinawö̧nö ikwö lotjakobe, duwö̧döbi, kwesuwabi tjö̧jemi inawiya ötöla okwa ikwö lotjakobe, Isabenö Jo̧ Diosnö yetjabobetjö̧.

Isaías 21:9

Ja̧danö, lekwe eda̧lajo̧, babe bakwo̧ icho̧nö chedajabe, duju̧taja kabayudö tjötjaka kolukanö kwebacho̧nö. Jo̧banö edajo̧, jwöbö abebö cha̧ja̧kwatö, jadanö atadö yöawajabe, –Babilonia comunidad söbebö lotjajabe, jwiinö söbebö lotjajabe, ja̧danö okobe deinö Babilonia jojodö tjösödawö̧ o̧'wo jawama, nijakwö ikwö lotjajabe, ja̧danö okobe deinö tjösödawö̧ma, bakobe 'dabebö lotjajawö̧da nijinö tjö̧bobe, –jö̧ba̧lö atadajabe, baikwö icho̧ma, —jö̧ba̧lö yöawajabe eda̧lobö chujunajökwema.

Isaías 30:6

Baikwö laebobe Dios yöawi̧, Juda niji Neguev ötjabobe ju̧kwadö tebonö ju̧kwadönö: —Inesö labobe niji Neguevma, nöinö wene jȩmi, ja̧danö nöinö usula emawemi, jobe didibadö ya̧döbi ömadöbi jobe tjö̧jobetjö̧, ja̧danö nibadö a̧ko̧'döbi, jwiinö nibadö köba̧ladö a̧ko̧'döbi tju̧ju̧kwobe. Jo̧kwaijayonö ja̧ nijibenö tjitea e'ewö tji̧'yobe Juda jojodöma, bu̧lu̧dö tjoma'anöbi, kameyodö tjoma'anöbi e'ewö tji̧'yobe, pjatjatobö juluwöködö tjitebobe tji̧'yakobetjö̧.

Isaías 45:20

Okobe deinö ko̧ko̧kwö kwichaduwo, bakobe kwichaduwo, tjitebotenia jojodötjö ina 'yaba̧ladöma. Baikwö yötawaduwakwö ökwödönö: Tjösödawö̧ towisa'otjö otikwawö̧ o̧'wo jawa e'ewadö, ja̧danö tje'ewawö̧nö abebö ju̧kwadöma, wajwibadö yelösöda, tjujulu jwibadö tjö̧jibinö pjatjatobö juluwöködönöda ösödö tjö̧jobetjö̧.

Isaías 46:7

Ja̧danö tjösödökwenö kabebö, tjöböbe'onö e'ewadö, tjujunakwemibe tjujunobö. Ja̧danö, tjujunajökwe, jenada jo̧ tjösödökwema, tjulunajelö pjolachibö̧kö̧ tjösödökwema. Ja̧danö, bakwo̧ jo̧banö abebö, —Chö̧ji̧binö pjabatitjö, —jö̧ba̧lö aebitjö̧ma, atadö̧kö̧, ja̧danö wene ujuna̧li̧tjö̧ ö̧jibanö pjaatoböma juluwö̧kö̧. Jo̧ba o̧'wo jawa tjösödökwedanö bakwaibo̧ chö̧jobeji̧?

Daniel 11:8

Ja̧danö, jejenö juluwajo̧, nöinö tjitea emö ȩwa̧jakobe itebo Egiptobe, 'dii jawatjö otikwedö o̧'wo̧ jawa tjösödawö̧bi, nöinö mikwawi̧ dȩja̧pi̧ya orotjöbi platatjöbi otikwaö̧pi̧yabi. Jemi ikenama ja'yubenö lekwe Siria jojodökwö ölakwabikwawoböma isakwökakobe.

Daniel 3:14

Nabucodonosorma abebö a̧ja̧kwinobe: —¿Ökwödönö yötjawi̧ma isabenö weneji̧? ¿Isabenö chösödawö̧ o̧'wo̧ jawanöbi, orotjö otidö chujuninökwenöbi bȩbachibö kwösödaduwobö kwöpöjödaduwaji̧?

Mateo 23:4

Jobadö jojodönö wetji̧ baikwö wanedö yötawa: Ömöki̧ jawa ko̧ko̧dibö di̧batö, jojodö tjöböbe'onö tjöwanobedanö ichejekwa tje'ewobö, jo̧kwaijayonö jojodö tje'ewobö wetjijayonö, ja'yubebi jojodö tje'ewoböma pjabatöködö. Sule weba̧löda wetjobe jojodönö, pjabatökönö.

1 Samuel 5:3

Jemi ikena möle, ina yȩayi, Asdod comunidad jojodöma wilubö tjösödökwe Dagon ejube tji̧'yinobe, ja̧danö ichibö, tjöbajale jalaka baibanö tjösödökwe Dagon o̧'wo jawa tjöbadekwajinobe, öba nijakwö Isabenö Jo̧ iteapjo isapjö öba a'o mebajo̧nö. Jejenö badekwajadö, Dagonnö a̧la̧pedö ajayinö ö̧jinena tjujuninobe.