Isaías 45:4 - Dios Iwene

⁴ Ja̧danö ökwönö pjatatakwa̧ma, baikwö labebö lobö yötawakwö: Chömöayedö Jacob itji̧mu tupadanö jojodö Israel jojodönö, ötjöda omudawö chujuninawö̧nö chösödobetjö̧, jobekwö a̧dekwanö kwimi yöba̧lö, ökwönö omudawö chujunajabe, ja̧danö ökwönö otiwanö tjomukwatakwo̧ bakibanö ökwönö kabebö chujunajabe. Jau Ciro, ökwöma ötjönö wajwiköbijayonö, ötjöda chömöayedö israel jojodönö chösödobetjö̧, ökwönö kabebö chujunajabe.

Isaías 45:4 ပူးပေါင်းရင်းမြစ်များ

Isaías 43:1

Sulabenö ja̧diökwe, ökwödö Jacob itji̧mu tupadanö jojodönö otidina, israelsaso badibanö otidina Isabenö Jo̧ Diosma ökwödönö lȩebinobe. Jo̧kwaijayonö, ökwödönö lȩbebajo̧, baikwö yöawobe: Ökwödö Israel jojodöma, yekabiduwoko, ötjöma kwö̧ji̧baduwinö pjatatinobetjö̧. Isabenö ötjöda chömöledöja, ja̧danö ötjöda chömöledököbaduwobetjö̧, otiwanö jweinö kwimiduwi yöba̧lö ökwödönö jwötajabe, jo̧kwajabetjö̧ yekabiduwoko.

Isaías 43:14

Baikwö yöa̧lobe Isabenö Jo̧ kwöjibaduwinö pjabato̧, ökwödö israel jojodö kwösödaduwökwe Suli̧ Jwibo̧ Diosma: Ökwödö Israel jojodönö pjabatö, ölakwabikwawadönö wetocha, Babilonia comunidad mebibö tjujuluwobö. Ja̧danö Babilonia jojodöma isowibiyanö dötjibajakwedö. Ajayinö tjisowibiya nöinö ösödinadö, —Inesö otiwowi juna̧ladösa, —jö̧ba̧lö, ja̧danö ja̧ owibiyanöda tjöpöjojodö tjöba a'otjö dötjibakwedö.

Isaías 44:1

Tupakwö laebobe Dios israel jojodönö yöa̧li̧ma, baikwö: Chömöayedö Jacob itji̧mu tupadanö jojodö, omudawö chujuninawö̧ Israel jojodö, ökwödönö yöta̧li̧ kwa̧ja̧kwaduwo.

Isaías 44:28

Jobekwö badekwachinö webo̧sa chömöledö, ja̧danö ju'wibi yötawaduwakwö: Ötjöma Ciro jö̧ba̧lö imikwakwo̧nö yötawa, —Ciroda chömöayo̧ obejadönö teada̧lo̧danö ja̧nö, chömöledö israel jojodönö webö ö̧jakwo̧, ja̧danö okobe jwiinö weti̧ otidö ö̧jakwo̧. Wetökwe jo̧bada Jerusalen comunidad jawa weakobe, –Jerusalen comunidad tjotidobö jo̧be, –jö̧ba̧lö, ja̧danö wetökwe jo̧bada cheju jawa weakwo̧, –Dios eju la'akama, yemidanö tjotidobö jo̧be, –jö̧ba̧la. Jobekwö yötawaduwakwö baledakwa̧, badekwachinö wetakwa̧ma, jö̧ba̧lö yöa̧lobe Diosma.

Mateo 24:22

Jau chömöledö, ja̧ möle baledakwa̧ lekwe baleditjö̧ma, okobe deinö böjȩnö ju̧kwadö debö tji̧'yo jö̧tja̧lena, jo̧kwaijayonö iteda omudawö ujuninawö̧nö omukwatö lekwökönö ja̧akwo̧ Diosma.

Marcos 13:20

Ja̧ baledenama lekwe, kabatökönö jejenö inia tjötjinö baleditjö̧ma okobe deinö debö tji̧'yena, bakwo̧bi ö̧jibökönö. Jo̧kwaijayonö Diosma pjabatö kaatakwawakobe inia tjötjinö baledi̧ma. Iteda i̧tji̧mu batjibanö 'da̧batö ujuninawö̧nöma ile nibebö inia tjötji̧ baledi̧ma kaatakwawakobe— jö̧ba̧lö yöbawijetö Jesúsma öba̧ja̧di̧ waisachadönö.

Hechos 17:23

Bemi kwiteboduwi kwebachö chedijatö kwo̧'wo̧ kwöwana̧laduwi̧ juwö iyajiköbaduwemima. Ja̧danö, bakwemi chedijatö, Bemima wajwidökwenö do̧'wo̧ döwana̧lemi, jö̧ba̧lö, wȩyukwobe. Babema yötawa ökwödönöma. Jo̧banöda, ökwödö wajwiköbaduwonö kwo̧'wo̧ kwöwana̧laduwökwenöda yötawa.

Romanos 11:7

Chömöledö, judío jojodötjö sule ja'yubenöda ösödadö tjuju̧kwobema, ¿dakwö domukwatobö jo̧beda? Baikwö labebö lobö yötawa chömöledö: Israel jojodöma sulabe jwibadö batjibobö tjisakwinobe, ¿jö̧tö? Jejenö tjisakwobema, ¿sulabe jwibadö batjibinaji̧? Batjibinokobe chömöledö. Sule Dios iteda ömöledö batjibanö 'da̧batö ujuninawö̧da sulabe jwibadö batjibinobe, ja̧danö ju'wedöma sule tjuu 'dibadöda batjibinobe chömöledö.

Romanos 9:6

Chömöledö, Diosma iteda isabenö ja̧akwa̧ wene yöbawö ujuninobe Israel jojodönö, ökwödönö pjatatocha jö̧ba̧lö, ¿jö̧tö? ¿Dakwö kwomukwataduwa? Jö̧a̧li̧danö pjatatocha jö̧a̧linawö̧nö ¿pjaatinökiji̧ Diosma? Ja̧maökö chömöledö, baikwö labebö lobö yötawa: Israel i̧tji̧mu tupadanö jojodötjöma, Israel jojodöböködö tjuju̧kwobe ju'wedöma, Dios ömöledö tjö̧jokobetjö̧.

1 Tesalonicenses 4:5

Jau chömöledö, Diosnö wajwibadö ja̧bö tjö̧ji̧danöma, bakwainö 'da̧'da̧akwawa ösödö ja̧nöma, ja̧bö kwö̧jaduwoko.