Isaías 44:17 - Dios Iwene

¹⁷ Ja̧danö ujuwemi ji̧ba'otjö, iteda ösödakwo̧ diosbo̧nö, o̧'wo jawa otido̧, ja̧danö otidajo̧, bȩbachibö ösödo̧. Bȩbachibö ösödö abebo̧, —Ökwöma chösödökwe diosbo̧ja, chö̧jibinö pjabatitjö, —jö̧ba̧lö abebo̧.

Isaías 44:17 ပူးပေါင်းရင်းမြစ်များ

1 Reyes 18:26

Weawö̧, israel jojodö tjiyajökwe pakayaso̧nö emibö, iyawa baibanö tjotidinobe, jadanö yȩayi jamatö, möle ja'ö baibanö tjösödökwe Baalnö jwötjeba̧linobe, —Duluwo̧ Baal, adebökwe, kwatado, —jö̧ba̧lö. Jo̧kwaijayonö, lekwe jwötjeba̧lijayonö, Baal iwene ökwöinokobe, bakwo̧bi atadinokobe. Yȩayi baledibanö, tjösödökwe Baalnö iyawöte söpödö, dödöbö jwöbeba̧lö, tjösödökwe Baalnö atjeba̧linobe, atjebi̧ a̧ja̧kwö, ökwöla önötedobö.

1 Reyes 18:28

Jwöiawö̧, ajayitjö bajalekwönönö labinö jwötjeba̧linobe, ja̧danö ja̧bajitjadanö, kwölöte'onöbi, i̧sa̧pi̧nöbi tjosolekwinobe, tjökwösobu ku̧kwi̧nö, —Duluwo̧ Baal, adebi̧ kwa̧ja̧kwo, —jö̧ba̧lö.

Isaías 2:8

Ju'wibi nöinö o̧'wo jawa tjemajabe, tjitebo o̧'wo jawatjö su̧'be baibenanö kabatö, ja̧danö idöda tjotidinawö̧, idöda tjömamunö, idöda tjötö'iyanö tjodidinawö̧nö bȩbachibö ösödadö, sulabenö.

Isaías 37:38

Jo̧kwaijayonö, jobe ö̧jemi ja'ötjö, baikwö baledinobe: Ju'wi möle iteda ösödökwe Nisroc eju okwa tebachö, ösödökwe o̧'wo jawa ösödemi ja'ötjö, itji̧mu Adramelec mikwo̧bi, Sarezer mikwo̧bi kwölöte'onö dȩdȩbö lotjinobe tjabe'donö, ja̧danö dȩdȩbö lobajadö, jobetjö labebö dötjibajinobe Ararat nijibe. Jemi ikenama Senaquerib itji̧ Esarjadon mikwo̧ma, abe'do ö̧jinemi Asiria jojodötjö inesö la'aka luwo̧ baibinobe.

Isaías 44:15

Towi jubajo̧, tiyuwiökwe, towi ja'ö juwö 'yöakwena. Ökwöla nötedö, ukwakwa̧ pan balö otidena. Jemi ikenama, ujuwemi ji̧ba'o towisa'onö, iteda ösödakwo̧nö otido̧, ja̧danö otidajo̧, ösödo̧, —Chuluwo̧ diosbo̧ja, —jö̧ba̧lö. Jau, o̧'wo jawa otidö, bȩbachibö ösödo̧, towisa'otjö o̧'wo jawa otido̧ma.

Isaías 44:16

Jau chömöledö, jo̧bajayo̧ otidi̧ baikwö yöta̧la: Towi ja'ö ökwölanö juwo̧, ja̧danö ja̧ ökwölanö, ukwakwa̧ söbo̧, ja̧danö söbajo̧, omeawachibanö kwo̧. Ju'wibi ökwöla yöne 'yöbakwo̧, ja̧danö ökwöla edö, —Otiwa, ökwöla edö, otiwanö 'yöbakwö jo̧sa, —jö̧ba̧lö.

Isaías 45:20

Okobe deinö ko̧ko̧kwö kwichaduwo, bakobe kwichaduwo, tjitebotenia jojodötjö ina 'yaba̧ladöma. Baikwö yötawaduwakwö ökwödönö: Tjösödawö̧ towisa'otjö otikwawö̧ o̧'wo jawa e'ewadö, ja̧danö tje'ewawö̧nö abebö ju̧kwadöma, wajwibadö yelösöda, tjujulu jwibadö tjö̧jibinö pjatjatobö juluwöködönöda ösödö tjö̧jobetjö̧.

Isaías 46:6

O̧'wo jawa domukwato, baikwö: O̧'wo jawa tjösödakwedöma, tjitea balada a̧ja̧'wotjö oro 'wabebadö, ja̧danö plata nönö ba̧ja̧dadö. Ikenama orotjö otikwa jojonö webadö, tjösödökwe o̧'wo jawa baibanö otidobö. Jemi ikenama, otidajökwenö bȩbachibö ösödadö, —Chuluwo̧ dios, —jö̧ba̧lö.

Daniel 3:17

Yöka̧lajadanö ökwödönö ökwölanö ikwö loköbitjö̧ma, Duluwo̧ma, wei̧ a̧ja̧kwö dösödökwe Diosma isabenö juluwo̧, okwöla jwiinö tubinö ubolatjö dö̧jibanö pjaatobö. Ja̧danö duluwo̧ Nabucodonosor, dedemi Diosma isabenö kwujulutjö dö̧jibinö pjaatakwo̧.

Daniel 3:29

Jo̧kwajabetjö̧ babema 'yayi̧ weawa wetobe baikwö: Bakwo̧bi bidö tjuluwo̧ Diosnö sulabenö yöa̧lobö jwiobe, okobe deinö chömöayedötjö tjitebotenia jojodöbi, bakwosokwena jojodöbi, wainökwena yöba̧ladöbi, otiwanö yötja̧lobö jo̧be bidö Sadracbi Mesacbi Abednegobi tjösödökwe Diosnö. Ja̧danö bakwo̧ jo̧banö sulabenö yöa̧litjöma, jo̧banö bulabinö lotjakwo̧, ja̧danö ejuma jwiinö pjolö lotjakweju, inasoda baibanö. Isabenö tjuluwo̧ Diosdanöbo̧ma deobe, jo̧ba pjaataja̧danö ömöayedönö tjö̧jibinö pjabato̧ma deobe— jö̧ba̧lö yöa̧linobe Nabucodonosorma.

Daniel 6:16

Yötja̧liökwe, la'aka luwo̧ Daríoma weinobe Danielnö ikwö lotjobö, ja̧danö ikwö lotjakwa̧ abönö Danielnö yöa̧linobe: —Daniel, ba̧kwȩlö̧jatebö kwuluwo̧ Dios wei̧ a̧ja̧kwö jo̧ja, ja̧danö kwösödökwe Dios kwö̧jibinö pjaatobö chösödakwö— jö̧ba̧lö.

Daniel 6:27

Jo̧bama iteda ömöledönö tjö̧jibinö pjabato̧, ja̧danö wene tjujuna̧li̧tjö latjebobö pjabato̧. Mölejȩbetjöbi, böjȩtjöbi iteda ujulu i̧sebö jojodö edajitjökö jawa i̧sebo̧ Diosma, ja̧danö jo̧bada iteda ujulu i̧sebö Danielnö didibadötjö ö̧jibinö pjaatajabe— jö̧ba̧lö iwȩyudinobe Daríoma.

Hechos 19:27

Jejenö tjösödobetjö̧ ökwödö dotidi̧ o̧'wo̧ jawa tjöpöjödena, Sulabenö kwotidaduwobe o̧'wo̧ jawama, jö̧ba̧lö. Ja̧danö, ökwödö dotidi̧ öpöjödö tjemökötjö̧ma ¿dakwö demakwa̧jö baladama? Ju'wibi yötawa, jejenö omukwatö ökwödö do̧'wo̧ döwana̧loko Artemisanö ösödakwawejuma, la'akasejuma, jojodö ba̧kwȩlö̧jatebö ösödö tebachajitjejuma, tjöpöjödena. Jejuma usulaseju, jö̧ba̧lö, tjöpöjödena. Ja̧danö, do̧'wo̧ döwana̧lokonöbi Artemisanö tjöpöjödena. Ökwödö Asianö ju̧kwadöbi, okobe deinö böjȩnö ju̧kwadöbi jobujunö kabatibö tjöpöjödena, Jobuju usulasuju, juluwökuju, jö̧ba̧lö— yöbawijetö Demetrioma ömöayedönö.