Isaías 44:10 - Dios Iwene

¹⁰ Jau chömöledö, isabenö waisadöma la'akatöda jobekwö o̧'wo jawa tjotidökena. Sule omukwatöködö wajwibadöda tjösödawö̧ o̧'wo jawa tjotidena, sule wajwibadöda 'dii jawatjö o̧'wo jawa mikwawö̧kö̧nö tjotidena.

Isaías 44:10 ပူးပေါင်းရင်းမြစ်များ

1 Reyes 12:28

Jobekwö omukwatajo̧, iteda ömöayedö waisanö omukwatobö pjabatadökwö yöa̧lakwawinobe, ja̧akwa̧ öwaisachibobö. Ikenama, yöba̧lakwawajadö, Jeroboanma du̧ju̧taja pakaya itji̧mu tjo̧'wo jawa otidinobe, ja̧danö otidajo̧ bakwo̧nö u'dakwö ji̧ comunidad Dannö ujuninobe, ja̧danö a̧li̧kwö ji̧ comunidad Betelnö jelo̧nö ujuninobe. Jejenö junajo̧, ömöayedö israel jojodönö yöawinobe, —Chömöledö israel jojodö, isabenö waiyobe ökwödönö Diosnö kwiyaduwobö baibenama, ba̧kwelöjatebö ödö Jerusalen comunidadbe kwi̧'yaduwoböma. Jo̧kwajabetjö̧, ödöobetjö̧, ökwödönö pjabatö bidö ökwödö israel jojodö dösödawö̧nö tjo̧'wo jawa chotidajabe. Jau chömöledö, bidöma, ökwödö dösödawö̧, damötjö Egipto nijitjö ladebinö baikwö ditebobe dichibanö ichejebinadö tjo'wo jawa, jo̧kwajabetjö babema tjöba a'otjö, bemi ditebonöda otiwanö kwiyaduwobö jo̧be. Jau chömöledö, Diosnö kwiyaduwobö baibenama, Jerusalenbe 'yökönö, bidö tjo'wo jawa chotidajawö̧tjö bakwo̧ öba a'o ichiböda, otiwanö kwiyaduwena, —jö̧ba̧lö yöawinobe Jeroboanma.

Isaías 40:19

Tjösödökwe o̧'wo jawa, tubedö dadö, wamenö oro pöchö, platatjö otikwa ka̧lenaso opjiya nönö tjotidinökwema, Diosdanö bakwaibo̧ ö̧jȩnaji̧?

Isaías 41:29

Jau, jobadöma bakobe okwa luwo̧ debadö. —Bidöma diosbedö, —jö̧ba̧lö yötja̧li̧ma, omöna yötja̧lobe. Jobadöma ja'yubebi otidöködö, wamenö 'dii jawatjö otikwadö tjö̧jijayonö, okwama deobe yelösöda, jö̧ba̧lö laebobe Dios yöa̧li̧ma.

Isaías 45:20

Okobe deinö ko̧ko̧kwö kwichaduwo, bakobe kwichaduwo, tjitebotenia jojodötjö ina 'yaba̧ladöma. Baikwö yötawaduwakwö ökwödönö: Tjösödawö̧ towisa'otjö otikwawö̧ o̧'wo jawa e'ewadö, ja̧danö tje'ewawö̧nö abebö ju̧kwadöma, wajwibadö yelösöda, tjujulu jwibadö tjö̧jibinö pjatjatobö juluwöködönöda ösödö tjö̧jobetjö̧.

Daniel 3:1

Ju'wi möle Nabucodonosorma jojo o̧'wo̧ jawa orotjö otikwo̧nö otidö ujuninobe. Ja̧ o̧'wo̧ jawa otidinökwema möakwö veintisiete metro möbo̧nö otidinobe, ja̧danö jakwölakwö wa̧pötakwa metro nöbo̧nö otidinobe. Babilonia nijitjö meje Dura mikwamenö otidö ujuninobe.

Daniel 3:14

Nabucodonosorma abebö a̧ja̧kwinobe: —¿Ökwödönö yötjawi̧ma isabenö weneji̧? ¿Isabenö chösödawö̧ o̧'wo̧ jawanöbi, orotjö otidö chujuninökwenöbi bȩbachibö kwösödaduwobö kwöpöjödaduwaji̧?

Hechos 19:26

Jo̧kwaijayonö babema Pablo mikwo̧ yöawiawö̧ jojodöma tjemökena dotidi̧ma. Ida̧ökö da̧ja̧kwajabe jo̧ba yöawi̧ma. Jojodönö yöawobe tjo̧'wo̧ tjöwana̧lokonö tjöpöjödobö. Baikwö yöawobe: Jojodö tjotidinawö̧ma tjo̧'wo̧ tjöwana̧lökawö̧, jö̧ba̧lö. Diosdanö juluwöködö, jö̧ba̧lö, yöawobe. Isabenö, jojodöma ba̧jekwadö jo̧ba yöawi̧ tjösödobe, jo̧ba omukwati̧danö omukwatadö batjibanö. Bemi Éfesonö ju̧kwadöbi, okobe jwiinö Asianö jukwadöbi, ba̧jekwadö Pablo yöawi̧ a̧ja̧kwö tjösödobe.

1 Corintios 8:4

Ja̧danö, baikwö yötawa ju'wedö tjösödawö̧ o̧'wo̧ jawa iyawa kwakwawa jawama, ja̧ kwakwawa dukwojobö dukwokojobö jö̧ba̧lö. Ökwödöma döwaisobe, o̧'wo̧ jawama, Diosbö̧kö̧ jö̧ba̧lö. Ja̧danö, Diosma bakwo̧da, jelo̧ma deobe jö̧ba̧lö döwaisobe chömöledö.