Isaías 43:27 - Dios Iwene

²⁷ Kwöwaisaduwa chömöledö, jobekwö kwi̧sȩbaduwoböma jwiobe. Ökwödö Israel jojodöma la'akatjöda ba̧kwelöjatebö weti̧ kwa̧ja̧kwaduwobö öpöjödadöja, ajayi möletjö, babe baibanö. Jau, ökwödö israel jojodötjö ajayi ji̧nabi chöba a'otjö sulabenö ja̧bina chömöledö, ja̧danö jo̧ba ikena, okobe deinö ju'wedö kwuluwedöduwibi weti̧ a̧ja̧kwökönö tjö̧jajabe chömöledö.

Isaías 43:27 ပူးပေါင်းရင်းမြစ်များ

Isaías 24:20

Bö̧jȩ tjö̧awi̧ma, 'dukwachökwe suliidanö tjö̧awakobe, jwa̧le'ewena löwöte 'ya̧'yȩa̧kwawi̧danö, labinö tjö̧awakobe bö̧jȩma. Jau, bö̧je jojodö Dios öba a'otjö sulabenö ja̧tji̧ma ömökobe, bö̧jȩ meenanö baibanö, ja̧danö inesö ömöki̧tjö meakobe bö̧jȩma, yemidanö a̧la̧ibobö jwiinö.

Isaías 28:7

Babe möle, ökwödönö ötjibo jö̧ba̧ladöma, 'dukwachawö̧ kwebachadö. Ubasobu o̧'dobubi, ju'wi nio ojwiyobi o̧wa̧lajadö, jobekwö 'dukwachawö̧ kwetjachobe. Dios yöawi̧ yöbawadöbi, Diostjö jojodötjö ö'weje pjabatadöbi, nöinö o̧wa̧lajadö jobekwö 'dukwachawö̧ kwebachadö. Jobadöma tji̧'wididanö tjedijayonö, okwa jawa tjöwaisachibanö tjedobö jwibadö, ja̧danö lȩekwa yötjawobö jö̧tja̧lenama, jweinö lȩekwa yötjawobö jwibadö, 'dukwachawö̧ tjö̧jobetjö̧.

Isaías 29:10

Jau chömöledö, jobekwö kwö̧jaduwi̧ma, baikwö labebö lobö yötawaduwakwö: Isabenö Jo̧ma ökwödötjö iteda yöawi̧ yöbawadö tjöbajale yi̧tjatobö weajabe, jadanö tupakwö baledakwa̧ edadö tjuu umuchebajabe, ja̧danö jobekwö weobetjö̧, jwiinö bö̧ti̧ lö̧jinö kwö̧jaduwobö weajabe.

Isaías 3:12

Ötjö chömöledö Juda jojodöwe. Tjemu la'aka luwedö babibinadöma, sulabenö ja̧badö chömöledö Juda jojodönö, ja̧danö ya̧döda chömöledö israel jojodönö webö jadö. Chömöledöwe! Ökwödönö öbibö jwebebadöma, ö'öbönö ötjibawö̧ja, jweinö kwi̧'yaduwakwa̧ma wajwiköbaduwenanö baibanö.

Isaías 50:1

Baikwö wanedö yöawobe Diosma, israel jojodönö: Chitji̧mu, kwojo'donö, tajawedö jelobekwö öbibö tje'ewinada? Jobujunö kabatibö, chilekwonö katatibobö wȩyukwöja chi̧wȩyudajabetjö̧, jobujunö öbibö tje'ewinaji̧? Ja̧danö ökwödö chi̧tji̧mubedö, ju'wedö tjömöayedö bakibaduwanö kwö̧jaduwi̧ma, ju'wedönö chumusidobetjö̧, ju'wedö tjömöayedö bakibaduwanö iyö lotinaji̧? Ja̧maökö chitji̧mu, ökwödö sulabenö ja̧bö kwö̧jaduwobetjö̧, iyö lotinawö̧ja. Kwojo'doduwibi ja̧danö, sulabenö ja̧bö jö̧jinobetjö̧, jelobekwö öbibö tje'ewinoko.

Isaías 51:2

Jau chömöledö, ökwödötjö ajayinö ji̧na Abrahamnö kwomukwataduwo, ja̧danö ilekwo Sara ökwödönö ajayinö eminujunö kwomukwataduwo. Baikwö yöa̧lobe Diosma, kwadömine Abrahamnö: Abrahamnö jwötijatö, ötjö chömöledöso̧ baibobö, ja̧danö jobekwö jo̧banö jwötenama, bakwo̧da, itji̧mu debo̧da ö̧jinobe kwa'döduwima. Jo̧kwaijayonö, jemi ikenama jo̧banö pjatatijatö, ja̧danö pjatatiökwe, ba̧jȩkwaso baibinobe, jö̧tö?

Isaías 58:1

Baikwö yöawinobe Diosma: Labinö jwököbo tjo̧'omanö jwöbökönö, isabenö labinö jwököbo, trompeta labinö ökwöi̧danö, labinö jwöbeba̧lö yökawo ötjöda chömöledö Jacob itji̧mu tupadanö jojodönö, —Ökwödö ja̧bö kwö̧jaduwi̧ma sulabenö ja̧bö ju̧kwadöja, —jö̧ba̧lö.

Isaías 9:15

Ja̧ wanedö yötawaja̧ma, baikwö labebö lobö yötawa: Tjuudanö ichejekwawö̧ma, la'aka luwedöbi, ju'wedö otiwanö tjomukwatawö̧ jojodöbi. Ja̧danö tjöwali'bodanö ichejekwawö̧ma, Dios yöawi̧ yöbawadösa jö̧ba̧lö, omöna jawa yöbawadöma.

Mateo 27:1

Jemi ikenama, ina yȩayi, okobe deinö Diostjö jojodötjö ö'weje pjabatadö la'aka tjuluwedöbi, jojodötjö damöbi ko̧ko̧kwö yötja̧lakwawinobe, Jesúsnö kwabö lotjobö ja̧tjakwa̧ma.

Mateo 27:41

Ja̧danö Diostjö jojodötjö ö'weje pjabatadö la'aka tjuluwedöbi, Moisés iwȩyudina ba̧ja̧dadöbi, jojodötjö damöbi Jesúsnö sulabenö otjinobe:

Hechos 7:51

Ina yöbawijetö: Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö.

Romanos 5:12

Chömöledö, ju'wibi yötawa. Ajayinöma suli̧ jwiinobe böjȩnöma, ikenama bakwo̧da Dios weökö jawa ja̧inobe. Ja̧danö, jo̧ba Dios weökö jawa ja̧inobema, okobe deinö jo̧ba i̧tji̧mu tupadanö jojodöbi Dios weökö jawa ja̧tjinobe, woba jojodö batjibanö.