Isaías 42:17 - Dios Iwene

¹⁷ Jobekwö baledökakwawö̧ o̧'wo jawa ösödadönöma. Jobadöma 'dii jawatjö otikwa o̧'wo jawa ösödö, —Ökwödöma duluwedö diosbedöja, —jö̧ba̧lö ösödö yöba̧ladö, jo̧kwaijayonö tjösödawö̧ma la'akatjöda pjatjatökakwedö, ja̧danö waekwö, jwiinö tabakwö tjö̧jakwedö o̧'wo jawa ösödadöma, jö̧ba̧lö laebobe Dios yöa̧lakwa̧ma.

Isaías 42:17 ပူးပေါင်းရင်းမြစ်များ

Éxodo 32:4

Ikenama Aarónma ja̧ orotjö otikwa tjiyaja̧ ökwölanö tubinö tobajo̧ isobuma tjobebijetö isa'onö, pakaya itji̧danö ichejekwo̧ o'wo jawa baibanö. Jejenö otidijetö Aarónma pakaya itji̧danö ichejekwo̧ o̧'wo̧ jawa. Israel jojodöma Aarón otidajökwenö edö jö̧ba̧lijadötö: — Ökwödö Israel jojodö dösödökwe dios biteda. Biteda Egiptotjö ladebinö öbibö pjabatinama— jö̧ba̧lijadötö.

Éxodo 32:8

Ida̧kö ötjö wetina a̧ja̧kwökönö lotjajabe. Jobadöma orotjö otikwa ökwölanö tubinö tobajadö isobu isa'onö tjotjebinobe, pakaya itji̧danö ichejekwo̧ laebinö. Jemi ikenama o'wo jawa ösödö juwö tjiyajabe a̧ji̧kwakwawedönöma. Ja̧danö, yötjalobe, Ökwödö Israel jojodö dösödökwe dios biteda, jö̧ba̧lö. Biteda Egiptotjö ladebinö öbibö pjabatinama, jö̧ba̧lö, yötja̧lobe— yöbawijetö Isabenö Jo̧ma Moisésnöma. Ina yöbawijetö:

Isaías 1:29

Isabenö tabakwö kwö̧jaduwakedöja, ökwödö tjo̧'wo jawa ösödadöma. Babe inesö encina towi teebe ja̧nö, o̧'wo jawa kwösödaduwobö ösödadöja, –bowi ösödakwowima inesö otiwowi, –jö̧ba̧lö. Ja̧danö towibiya jȩmi o̧'wo jawa kwösödaduwobö ösödadöja babema, jo̧kwaijayonö ja̧ babe kwösödaduwi̧ma, tupakwö tabakwö kwomukwataduwakwedöja.

Isaías 44:11

Ja̧danö jobadöbi, okobe deinö tjömöledö tjotidajawö̧nö ösödadöbi bakobe tabakwö tjö̧jakwedö, tjösödawö̧nö otidadöma bö̧jȩ jojodöda tjö̧jobetjö̧. Jau, okobe deinö jobadöma, bakobe ko̧kokwö tjö̧jo, ja̧danö lȩekwa yöbawo̧ öba a'o ja̧nö, isabenö tjujulu jawa yötjawo. Jobekwö inesö la'aka luwo̧ öba a'o tjö̧jenama, yebabinö, —Taji ja̧dakwajö, —jö̧ba̧lö, tabakwö tjö̧jakwedö, tjösödawö̧ma mikwawöködötjobetjö̧.

Isaías 44:17

Ja̧danö ujuwemi ji̧ba'otjö, iteda ösödakwo̧ diosbo̧nö, o̧'wo jawa otido̧, ja̧danö otidajo̧, bȩbachibö ösödo̧. Bȩbachibö ösödö abebo̧, —Ökwöma chösödökwe diosbo̧ja, chö̧jibinö pjabatitjö, —jö̧ba̧lö abebo̧.

Isaías 44:9

Okobe deinö o̧'wo jawa otidadöma, mikwawöködö, ja̧danö tjotidaja̧wö̧tjö, —Bidöma inesö mikwawadö, —jö̧ba̧lö tjomukwatawö̧bi, mikwawöködö. Ja̧danö tjösödawö̧ tjujulu yöbawadöma, tjösödawö̧ tjotidina jawa ja'yubebi edöködö, ja̧danö ja'yubebi wajwibadö, jo̧kwajabetjö̧ isabenö tabakwö tjö̧jakwedö.

Isaías 65:13

Sulabenö ja̧köbaduwi̧tjö̧, ötjö Isabenö Jo̧ Diosma baikwö yötawaduwakwö ökwödö weti̧ a̧ja̧kwöködönö: Ötjö chömöayedö otiwanö tjukwonö, ökwödöma a̧wi̧chi̧ tjököbaduwakwedöja. Ja̧danö chömöayedö otiwanö tjowonö, ökwödöma o̧ti̧ tjököbaduwakwedöja. Ja̧danö chömöayedö tjo̧'wo ösöwachibanö tjö̧jonö, ökwödöma taba lö̧jawö kwö̧jaduwakwedöja.