Isaías 42:12 - Dios Iwene

¹² Ödö ju̧kwadö jwaibalawa ö'öbö ju̧kwadöbi Diosnö otiwanö omukwatö, jo̧banö kwösödaduwo, kwiteboduwi nijitjöbi yökawaduwo, —Diosma isabenö otiwo̧, —jö̧ba̧lö.

Isaías 42:12 ပူးပေါင်းရင်းမြစ်များ

Isaías 12:4

Ja̧danö ja möle baikwö yöka̧laduwakwedöja: —Isabenö Jo̧nö dösödaduwo, jo̧ba imi yöba̧lö dösödaduwo, –Isabenö Jo̧ Diosda ökwödönö pjabato̧ma, –jö̧ba̧lö. Tjitebotenia jojodönö yödawaduwo, Dios otiwanö pjaatina wenema, tjöwaisachibanö yödawaduwo, –Isabenö Jo̧ Diosda bajalekwönönö bo̧ma, –jö̧ba̧lö.

Isaías 42:4

Jwaikwöda me'dawachibökönö, waekwökönö lȩekwa yöbawö ö̧jakwo̧, bö̧jȩ ba̧kwemeachibanö ju̧kwadöma, lȩekwa yöawi̧ a̧ja̧kwö tjö̧jenanö baibanö. Ja̧danö ja̧ möle jwaibalawa ö'öbö ju̧kwadöbi jo̧ba wei̧ tja̧ja̧kwobö tjiteada̧lakwedö, —Dios ömöayo̧ webö ö̧ba̧ja̧dakwa̧ da̧ja̧kwaduwo, —jö̧ba̧lö, laebobe Dios iteda ömöayo̧nö yöa̧li̧ma.

Isaías 43:21

Ökwödö ötjöda chömöledö bakibaduwanö chotidinawö̧nö pjabatö, jobekwö chotidakwo̧sa chömöledö, ja̧ baledi̧ edö, —Diosma isabenö iteda ömöledönö otiwanö pjabato̧, —jö̧ba̧lö ötjönö ösödö yöka̧laduwakobetjö̧, jö̧ba̧lö yöa̧lobe Diosma, ökwödö Israel jojodönö.

1 Samuel 6:5

Jau, bakwainö ditebokwena ö'i du̧wo̧döma niji suli̧ tjöwaedobe, ja̧danö bakwainö ditebokwena jojodönö tutiyubiya saamawö̧ dö'wöchobe, ¿jö̧tö? Jo̧kwajabetjö̧ ja̧ usula kwemawaduwi̧ jawa o̧'wo jawa otidö kwiyaduwo, isabenö israel jojodö tjösödökwe Diosma juluwo̧ jö̧ba̧lö. Ja̧danö, jejenö Diosma juluwo̧ jö̧ba̧lö kwi̧sȩkwaduwitjö̧ma, ökwödönö lȩebi̧ma kaatibena, ja̧danö o̧'wo jawa dösödawö̧nö lȩebi̧ kaatibena, ja̧danö ditebo niji̧ suli̧ öwaedi̧ma kaatibena, isabenö Diosma juluwo̧ jö̧ba̧lö kwösödaduwobetjö̧.