Isaías 41:16 - Dios Iwene

¹⁶ Jau, trigo chabö lotji̧danö ja̧köbaduwakwedöja kwöpöjojodöduwinö, ja̧danö jwa̧le'epjo sula'wo e'ewö loi̧danö, jelobekwö e'ewö loakwawö̧ kwöpöjojodöduwinö. Ja̧danö, jobekwö kwujuluwaduwobö pjatatiawö̧, kwo̧'woduwi ösöwachibanö ötjö Isabenö Jo̧nö kwösödaduwakwedöja, ötjö Israel jojodö tjösödökwe Suli̧ Jwibo̧ Diosnö ösödö yöka̧laduwakwedöja, —Dösödökwe Diosma isabenö juluwo̧, —jö̧ba̧lö.

Isaías 41:16 ပူးပေါင်းရင်းမြစ်များ

Isaías 12:6

Ökwödö Jerusalennö ju̧kwadöma labinö jwöbeba̧lö yökawaduwo, ja̧danö kwo̧'woduwi ösöwachibanö lo̧köbaduwo, ökwödö kwö̧'da̧deduwi jo̧, Inesö Suli̧ Jwibo̧ Israel jojodö tjösödökwema isabenö juluwo̧obetjö̧, —jö̧ba̧lö yöka̧laduwakwedöja.

Isaías 17:13

Jau, inesö nöobu jwaibalawa labinö ökwöi̧danö labinö ökwöobe tjitebokwena ölakwabikwawa jojodö tjölakwabikwawobö tjichi̧ma, jo̧kwaijayonö katjatibobö weakwo̧ Diosma, ja̧danö weiawö̧, ödö dötjibajakwedö. Jau, mösa'ijutjö jwa̧le'epjo trigo jawa sula'wo e'ewi̧danö, ja̧danö jwa̧lȩ'epjo labinö jwa̧le'ewö nijiso̧pja̧ jalawö jwa̧lȩ'ewi̧danö, katjatibobö weiawö̧ dötjibajakwedö.

Isaías 25:9

—Ja̧ möle baikwö yötja̧lakwedö Isabenö Jo̧nö: –Bite Isabenö Jo̧ Diosda, dösödökwe Diosma. Jo̧banö o̧'wo wana̧lö, pjaatakwa̧ diteada̧lajabe, -Isabenö ökwödönö pjaatakwo̧, -jö̧ba̧lö, ja̧danö otiwanö pjaatajabe. Dösödökwe Isabenö Jo̧ Diosma jo̧bada, jo̧ba pjaatakwa̧ diteada̧lajabe, jadanö babe ökwödönö pjaatajobetjö̧, do̧'wo ösöwachibanö dösödaduwo, -Diosma otiwanö dö̧ji̧binö pjaatajabe, –jö̧ba̧lö yötja̧lakwedö ja̧ möle.

Isaías 28:5

Jobekwö Efrainsaso jojodö tjösödaka butjawakadanö ji̧ma söbebö lotjakobe. Jemi ikenama, Isabenö Jo̧ Okobe Jwiinö Juluwo̧ Diosda tjösödaka butjawakadanö ö̧jakwo̧ma, iteda ömöledötjö ina ji̧badönöma. Ja̧ möle jo̧ba Diosnöda ösödö tjomukwatakwedö, —Duluwo̧ Diosma dejatinö juluwo̧, inesö mikwawi̧ butjawakadanö ichejekwo̧ma, dösödökwe Isabenö Jo̧ Diosda, —jö̧ba̧lö.

Isaías 29:19

Ja̧danö Isabenö Jo̧ pjaatiawö̧, usula emawinadöma tjo'wo ösöwachibanö tjö̧jakwedö, jadanö bö̧jȩ jojodötjö̧ usula jojodöma, tjo̧'wo ösöwachibanö yötja̧lakwedö, —Ökwödö israel jojodö dösödökwe Okobe Jwiinö Juluwo̧ Diosma, isabenö otiwo̧, —jö̧ba̧lö.

Isaías 29:5

Jemi ikenama, Isabenö Jo̧ Okobe Jwiinö Juluwo̧ Diosma kwöpöjojodöduwinö lȩebakwo̧, juluwanö ichibö söbebö loakwo̧ kwöpöjojodöduwinö. Jobekwö ichibö lȩebakwa̧, baikwö wanedö yötawa: Jelobetjö ichajadö kwöpöjojodöduwi tjö̧ba̧jȩkwijayonö, nijiso̧pja̧ ejeopja̧danö batjibakwedö, jadanö inesö ba̧jȩkwadö kwöpöjojodöduwi labidöma, trigo sula'wo jwa̧le'epjo e'ewibi̧danö tjichejekwakwedö. Jau, böba labinö ökwöinö, ja̧danö niji̧ tjö̧awinö, labinö ökwöinö ichakwo̧ Isabenö Jo̧ma. Ja̧danö jwa̧le'epjo labinö doibapjokwö ichibakwo̧, ja̧danö jwiinö ubola ökwölakwö ichibakwo̧, kwöpöjojodöduwinö söbebö loakobetjö̧.

Isaías 35:10

Tjöpöjojodö tjujulutjwö Isabenö Jo̧ tjö̧jibinö pjaatinawö̧ jamabenö Sion mösa'obe tjȩwa̧jakwedö. Tjo̧'wo ösöwachibanö lo̧awa lo̧bö, Sion mösa'obe tjichibakwedö, ja̧danö 'dö̧bibajökönö, ba̧kwelöjatebö tjo̧'wo ösöwanö tjö̧jakwedö. Ja̧ möle la'akatjöda o̧'wo tjo̧achö tjö̧jökakwedö, ja̧danö la'akatjöda usula tjemawökakwedö, Isabenö Jo̧ pjaatiawö̧, jwaikwöda ba̧kwelöjatebö tjo̧'wo ösöwanöda tjö̧jakwedö.

Isaías 40:24

Dios öba a'otjö, pokwi̧ juluwökö ji̧danö juluwöködö. Wanedö yötawa, batjo ödebiya tjödaja̧ ikena, niji ina 'diinö do̧alokonö, i̧ya̧nö pokwö laebenama, ja'yubebi juluwökö'ye, jö̧tö? Ja̧ isa'yedanö Dios öba a'otjö juluwöködö bö̧je jojodöma, ja̧danö wanedö yöta̧la, jobadönö pjuitjö̧ma, juluwanö kököbachibö suli̧ waekwadö, ja̧danö sula'wo tjö̧ji̧danö, jwa̧lȩ'epjo juluwanö jelobekwö e'ewawö̧.

Isaías 51:3

Ja̧danö baikwö yötawaduwakwö chömöledö, jo̧ba itji̧mu tupadanö jojodö o̧bukwedöda tjö̧jijayonö, tja'döminenö pjatatinadanö yemidanö pjatatocha, Jerusalen jojodönö. Ja̧danö jobekwö pjatatenama, tjitebo nijima jwiinö otiwachibakobe. Jojodö deobe kö̧kö̧emima, inesö otiwayu Eden batjodanö baibanö, o̧bubiya otiwanö bo̧akobe. Ja̧ jojodö deobema, Isabenö Jo̧ itea batjo, jö̧ba̧lö ötjabayudanö baibakobe. Ja̧danö jobe ju̧kwadöma jwiinö tjo̧'wo ösöwachibanö tjö̧jakwedö, ja̧danö ötjönö ösödö lo̧tjakwedö, —Isabenö Jo̧ma otiwanö pjabato̧, —jö̧ba̧lö.

Isaías 60:19

Ja̧danö, ja̧ möle, möle jawo̧ma idejatökakwo̧, ja̧danö yö̧te jawo̧bi idejatökakwo̧. Ötjö Isabenö Jo̧ Diosda kwiteboduwi chidejatakwo̧sa, ötjö dejatinö chujuluda otiwanö dejatakobe, otiwanö edö kwö̧jaduwakobetjö̧.

Isaías 65:18

Ja̧ möle jobekwö chotidiawö̧, kwo̧'woduwi ösöwanö, ba̧kwelöjatebö kwo̧'woduwi ösöwachibanö kwö̧jaduwakwedöja. Jau chömöledö, Jerusalen comunidad chotidocha, tjo̧'wo ösöwachibanö tjö̧jemi comunidad baibanö, ja̧danö jobe ju̧kwadöma jwaikwöda tjo̧'wo ösöwanö tjö̧jakwedö.

Daniel 2:35

Jemi ikenama okobe jwiinö o̧'wo̧ jawa a̧ja̧ma nijakwö meinobe, ja̧danö 'dii jawabi, lete'obi, broncebi, platabi, orobi okobe jwiinö bakobe 'dalachajibinobe, ja̧danö i̧so̧pja baibanö suli̧ waekwinobe. Ja̧danö jwa̧lȩ'epjo ja̧ i̧so̧pja jayubebi ji̧bökönö e'ewibobe kwedinobe, ajayinö kwedajökwe o̧'wo̧ jawama bakobenö jwiinö baibanö. Ja̧danö, jemi ikenama ju'wibi kwedinobe, ja̧ inawa ajawama nöamachibobe kwedinobe, mösa'o nöa'o, böjȩ bakwameachibanö ja̧'o baibanö nöamachibobe kwedinobe— jö̧ba̧lö yöawinobe Danielma.

Mateo 3:12

Jo̧bama sulabedönö otiwadötjö böjö 'da̧batö ujunakobe, batjo otidadö kwakwawa sula'wotjö böjö 'da̧batö kwakwawa lödawejunö tjödi̧danö. Ja̧danö, böjö 'da̧batö junajo̧, okobe deinö sula'wodanö ichejekwadö sulabedönö, sula'wo ko̧ko̧dö juwö lotji̧danö ökwöla tiibokolanö juwö loakobe— jö̧ba̧lö yöawinobe Juanma.

Romanos 5:11

Ja̧danö, ju'wibi chömöledö, babema jwiinö do̧'wo̧ ösöwanö dö̧jobe, Babema Dios ömöledösa jö̧ba̧lö. Jau chömöledö, ja̧ Dios ömöledö dö̧ji̧ma, Dios ja̧inada chömöledö, Duluwo̧ Jesucristoda midawö woinobetjö̧.