Isaías 41:15 - Dios Iwene

¹⁵ Isabenö kwujuluwaduwachibanö pjatatakwo̧sa, baikwö wanedö yötawa: Trigo chabö loawaka juluwakadanö, 'wiawa jawa sȩi̧ o'ye ja̧kadanö bakibaduwanö chotidocha, kwöpöjojodöduwi jwiinö söbebö loköbaduwakobetjö̧. Mösa'ijutjö, jwiinö 'wibö loköbaduwakwedöja, jwiinö söbebö loköbaduwakwedöja, trigo sula'wodanö batjibenanö baibanö.

Isaías 41:15 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 41:30

—Leviatan ukwa'wo i̧sȩdo̧bi, i̧sa̧yu 'daekwayu 'duawobedanö ichejekwa, ja̧danö lete'o jȩmi töbö kweachenama, niji soawaka soi̧danö lete'o sobo̧.

Isaías 17:13

Jau, inesö nöobu jwaibalawa labinö ökwöi̧danö labinö ökwöobe tjitebokwena ölakwabikwawa jojodö tjölakwabikwawobö tjichi̧ma, jo̧kwaijayonö katjatibobö weakwo̧ Diosma, ja̧danö weiawö̧, ödö dötjibajakwedö. Jau, mösa'ijutjö jwa̧le'epjo trigo jawa sula'wo e'ewi̧danö, ja̧danö jwa̧lȩ'epjo labinö jwa̧le'ewö nijiso̧pja̧ jalawö jwa̧lȩ'ewi̧danö, katjatibobö weiawö̧ dötjibajakwedö.

Isaías 21:10

Jobekwö yötawaduwakwö chömöledö juda jojodö, ökwödö jwiinö usula emawadönö. Jau chömöledö, wanedö yöta̧la usula emawö kwö̧jaduwi̧ma, trigo waji̧ chabö loawejutjö, isa'ye ja̧tö loawa'ye ji̧danö usula emawadöja, ja̧danö ökwödö usula emawadönö jweinö yötawajabe Dios yöawaja̧ma, Isabenö Jo̧ Okobe Jwiinö Juluwo̧ Dios, ökwödö israel jojodö dösödökwe Dios ökwödönö yötawobö weaja̧ma.

Isaías 28:27

Ja̧danö wa̧ji̧ emadö tjotidi̧bi kwomukwataduwo chömöledö. Bakwo̧ eneldo jawa waji̧ emenama, trigo chabö loawakanö chabö loawö̧kö̧, jö̧tö? Ja̧danö comino jawa emajo̧, kolukasa'onö baledakwawokobe, jö̧tö? Kwöwaisaduwa, eneldo emajadö, ö̧sö̧'a ja'yuwö̧'anö kwabadö, waji̧ nijakwö tjoduwobö, ja̧danö comino emajadö, ö̧sö̧'anö kwabadö, jö̧tö?

Isaías 29:5

Jemi ikenama, Isabenö Jo̧ Okobe Jwiinö Juluwo̧ Diosma kwöpöjojodöduwinö lȩebakwo̧, juluwanö ichibö söbebö loakwo̧ kwöpöjojodöduwinö. Jobekwö ichibö lȩebakwa̧, baikwö wanedö yötawa: Jelobetjö ichajadö kwöpöjojodöduwi tjö̧ba̧jȩkwijayonö, nijiso̧pja̧ ejeopja̧danö batjibakwedö, jadanö inesö ba̧jȩkwadö kwöpöjojodöduwi labidöma, trigo sula'wo jwa̧le'epjo e'ewibi̧danö tjichejekwakwedö. Jau, böba labinö ökwöinö, ja̧danö niji̧ tjö̧awinö, labinö ökwöinö ichakwo̧ Isabenö Jo̧ma. Ja̧danö jwa̧le'epjo labinö doibapjokwö ichibakwo̧, ja̧danö jwiinö ubola ökwölakwö ichibakwo̧, kwöpöjojodöduwinö söbebö loakobetjö̧.

Isaías 42:15

Ja̧danö, babema mösa'iju jwiinö söbebö lotocha, okobe jwiinö mösa'ijunö pokwi̧ köködö lotocha. Ojwebiyabi köködö lotocha, ojwe ö'wejenö ö'wejesa'o öwawachibenanö baibanö, ja̧danö o̧pesobubiyabi köködö lotocha.

Isaías 64:1

Chuluwo̧ Dios, mölȩjȩ kȩ'ebö, bö̧jȩkwö kwichitjö̧ma otiwo jö̧a̧lena. Jobekwö kwichitjö̧ma, kwöba a'otjö tjö̧awena mösa'ijuma.

Daniel 2:35

Jemi ikenama okobe jwiinö o̧'wo̧ jawa a̧ja̧ma nijakwö meinobe, ja̧danö 'dii jawabi, lete'obi, broncebi, platabi, orobi okobe jwiinö bakobe 'dalachajibinobe, ja̧danö i̧so̧pja baibanö suli̧ waekwinobe. Ja̧danö jwa̧lȩ'epjo ja̧ i̧so̧pja jayubebi ji̧bökönö e'ewibobe kwedinobe, ajayinö kwedajökwe o̧'wo̧ jawama bakobenö jwiinö baibanö. Ja̧danö, jemi ikenama ju'wibi kwedinobe, ja̧ inawa ajawama nöamachibobe kwedinobe, mösa'o nöa'o, böjȩ bakwameachibanö ja̧'o baibanö nöamachibobe kwedinobe— jö̧ba̧lö yöawinobe Danielma.

Josué 17:18

ju'wibi okobe jwiinö mösa'iju jȩmi niji̧bi chiyaduwakwö. Ja̧danö babe ja̧ niji teboda ji̧jayonö, ökwödöma towibiya jubö loköbaduwakwedöja, jobe kwö̧jaduwobö, ja̧danö okobe jwiinö ja̧ niji kwujuja̧laduwakwedöja. Ja̧danö ju'wibi yötawaduwakwö, Cananeo jojodö jö̧ka̧linaduwawö̧nö̧ isabenö kwujuluwaduwakwedöja. Yö̧ka̧laduwidanö, 'dii̧ jawatjö otikwa kolukiya juna̧ladö, ja̧danö isabenö juluwadö, jo̧kwaijayonö yayonö jobadönö a'dewö loköbaduwakwedöja, —jö̧ba̧lö yöawinobe Josuema.

Jueces 6:16

Atadökwe, Isabenö Jo̧ma Gedeonnö yöawinobe, —Ötjödasa ökwönö pjatatakwo̧ma, jo̧kwajabetjö̧ ökwönö pjatatobetjö̧, wayökakobe jobadönö kwujuluwobö. Jau, jojo bakwo̧nöda tjujuluwi̧danö, madianitas jojodö tjö̧ba̧jȩkwijayonö, wayökakobe jobadönö kwujuluwoböma, —jö̧ba̧lö.