Isaías 40:9 - Dios Iwene

⁹ Sion mösa'oma, otiwa jawa yöawelö, jo̧kwajabetjö ökwödö Sion mösa'o jojodöma, mösa'o möa'o wa̧pekwa'otjö labinö jwökeba̧laduwo. Jau ökwödö Jerusalennö ju̧kwadöma, otiwa jawa wene yöbawadöja, jo̧kwajabetjö̧ yebabökönö labinö jwöbeba̧lö yökawaduwo. Ju'wi Juda niji comunidadbiya jojodönö yöbawö jwökeba̧laduwo: —Edaduwi, kwuluwo̧duwi Dios icha.

Isaías 40:9 ပူးပေါင်းရင်းမြစ်များ

Isaías 1:1

Baikwö laebobe Dios yöawi̧, Amos itji̧ Isaias mikwo̧nö i̧sȩbö yöawina jawa. Juda niji inesö la'aka luwedö Uzias mikwo̧bi, Jotan mikwo̧bi, Acaz mikwo̧bi, Ezequias mikwo̧bi bakwo̧nökwena webö tjö̧jonö, Diosma iteda yöawi̧ i̧sȩbö yöawinobe Isaiasnö, Jerusalen comunidad baledakwa̧ jawabi, ju'wi Juda niji baledakwa̧ jawabi. Jadanö ja̧ yöawinama baikwö laebobe:

Isaías 12:2

—Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Isaías 25:9

—Ja̧ möle baikwö yötja̧lakwedö Isabenö Jo̧nö: –Bite Isabenö Jo̧ Diosda, dösödökwe Diosma. Jo̧banö o̧'wo wana̧lö, pjaatakwa̧ diteada̧lajabe, -Isabenö ökwödönö pjaatakwo̧, -jö̧ba̧lö, ja̧danö otiwanö pjaatajabe. Dösödökwe Isabenö Jo̧ Diosma jo̧bada, jo̧ba pjaatakwa̧ diteada̧lajabe, jadanö babe ökwödönö pjaatajobetjö̧, do̧'wo ösöwachibanö dösödaduwo, -Diosma otiwanö dö̧ji̧binö pjaatajabe, –jö̧ba̧lö yötja̧lakwedö ja̧ möle.

Isaías 35:2

Otiwanö nöinö o̧bubiya bo̧akobe, ba'ali junö lo̧obedanö ichejekwinö. Jojodö deajemi kököajemima, Libanö niji otiwi̧danö otiwakobe, Carmelo ötjabobebi, Saron ötjabobebi otiwanö pokwö wa̧ji̧danö otiwanö pokwakobe, ajayinö jojodö deobe kököinemima. Jobetjö Isabenö Jo̧ inesö ujuluwi̧ öwawakobe, jobetjöda öwawinö tjedakwedö, —Dösödökwe Diosma inesö dejatinö otiwo̧, —jö̧ba̧lö.

Isaías 41:27

Ötjödasa ja̧ baledakwa̧ yöbawinama, ötjöda Sion mösa'onö ju̧kwadönö yötawijatö, —Babeda tjichiba, —jö̧ba̧lö. Ja̧danö ötjöda Jerusalennö ju̧kwadönö yöbawo̧nö webo̧sa, otiwa jawa wene yöawobö.

Isaías 44:26

Jobekwö bö̧jȩ jojodö waisadösa jö̧ba̧lö tjomukwati̧ waekwobö webo̧sa, jo̧kwaijayonö ötjöda chömöayedö, ötjöda yötawi̧ yöbawadö yötjawi̧danö badekwachobö webo̧sa. Jau, wetawö̧, —Isabenö yemidanö Jerusalen comunidadnö tjö̧jakwedö, ja̧danö Juda niji comunidadbiyama, yemidanö tjotidakwedö, —jö̧ba̧lö yöbawadö tupakwö baledakwa̧ma, ja̧danö yötjawi̧danö badekwachinö webo̧sa.

Isaías 51:12

Adebökwe, baikwö atadö yöba̧lo̧ Isabenö Jo̧ma: Chömöledö, kwo̧'wo tjo̧bekwö kwö̧jaduwelö, ötjödasa kwo̧'woduwi ösöwachibanö pjabato̧ma. Ja̧danö ötjöda ökwödönö pjatatobetjö̧, tajawedö bö̧jȩ jojodönö yekabiduwobö? Jobadöma meje'ye, juluwanö kököbachibö, debi baiba'yedanö ichejekwadö, juluwanö debö 'ya̧dö bö̧jȩ jojodöma, tajawedö jobadönö yekabiduwobeda?

Isaías 51:7

Ökwödö weti̧ a̧ja̧kwö ju̧kwadöma, kwomajadeduwinö, —Dios wei̧ma inesö mikwawi̧ a̧ja̧kwö dö̧jobö, —jö̧ba̧lö ösödadöma, ökwödönö yöta̧li̧ kwa̧ja̧kwaduwo: Jojodö ökwödönö obö, sulabenö yötja̧li̧jayonö, jobadönö yekabiduwoko, ja̧danö sulabenö yötja̧li̧ a̧ja̧kwö, kwo̧'woduwi tjo̧kekwaduwoko.

Isaías 52:6

Jo̧kwajabetjö̧ Isabenö Jo̧ chö̧ji̧ chi̧sȩbocha chömöledö israel jojodönö, —Isabenö Jo̧ mikwo̧ma isabenö juluwo̧, —jö̧ba̧lö tjöwaisachibanö chi̧sȩbakwo̧sa. Jo̧kwajabetjö̧, jobekwö chi̧sȩbiawö̧ bajalianö tjöwaisachibakwedö, ötjö jobadönö, –Bada jo̧sa, –jö̧ba̧lö yöba̧lo̧ma, Isabenö Jo̧ Diosda, —jö̧ba̧lö yöa̧lobe Diosma.

Isaías 58:4

Jau, ö̧tö̧chö kwö̧jaduwonö, jwöjwöbakwawö ölakwabikwawadöja, ja̧danö labinö jojodönö kwabadöja, sulabenö. Kwedaduwemi, jobekwö ja̧bö kwö̧jaduwonö, ö̧tö̧chö ja̧köbaduwi̧ma, ajayitjö bajalekwönönö otiwanö akebaduwi̧ cha̧ja̧kwobö pjaatenaji̧?

Isaías 61:1

Isabenö Jo̧ O̧'wo̧ Luwo̧ma ötjökwö jo̧, Isabenö Jo̧ Diosda ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, tjo̧'wo tjo̧bekwö ju̧kwadönö tjo̧'wo ösöwachibanö pjatatobö, ja̧danö ölakwabikwawö juluwajö do̧tja̧tajawönö tjetjatakwa̧ yötawobö, ja̧danö ka̧lena ba̧jadönö ka̧lenatjö tjö̧jibakwa̧ wene yötawobö.

Lucas 24:47

Ja̧danö ju'wibi tjiwȩyudinobe: Okobe deinö sulabenö tjomukwati̧ kabatibö balewachö Dios weakwo̧ jö̧a̧linökwenö ösödadönöma, tjusula söbebö loakwo̧ Diosma jö̧ba̧lö yötjawobö ja̧kobe. Ja̧ yötjawakwa̧ma, Jerusaléntjö jamatö böjȩ bakwameachibanö baibanö yötjawobö ja̧kobe, jö̧ba̧lö laebobe damötjö tjiwȩyudinama.

Hechos 2:14

Ikenama Pedrokwö, ju'wedö a̧li̧nösamutjö bakwo̧nö Jesús webawedökwö jamatijadötö. Pedroma ja̧nö, labinö yöbawijetö jobe ju̧kwadönö: —Chömöledö judío jojodöbi, okobe deinö bena Jerusalénnö ju̧kwadöbi, otiwanö a̧ja̧kwaduwitjö, bemi baledaja̧ yötawonö kwöwaisachibaduwanö.

Hechos 4:13

Ja̧danö, Pedro, Juan otiwanö yebabökönö yötjawiawö̧ la'aka luwedöma a̧ja̧kwö jö̧ba̧lijadötö, idödada: —¿Tajijö? Bidöma jo̧kwada jojodö, waisachöködö. ¿Dakwö waisinö yötjawajö?—jö̧ba̧lijadötö. Ikenama jobadönö edö omukwatibijadötö, Aaa, Jesúskwö kwebachö ju̧kwiabinadö, jö̧ba̧lö.

Hechos 4:29

Ina abebijadötö: —Duluwo̧ Dios, babema, jobadöma ökwödönö, Usula kwemawaduwobö wedakobe, jö̧ba̧lö, yötja̧li̧ma a̧ja̧kwi. Ökwödönö, kwömöayedönöma pjabati, tabada̧lökönö yödawobö ökwö yökawinama.

Romanos 10:18

Chömöledö, Israel jojodöma otiwa jawa wene tjöpöjödinobe, ¿jö̧tö? ¿Tajawedö tjöpöjödinada chömöledö? ¿Tja̧ja̧kwokobetjö̧ tjöpöjödinaji̧? Ja̧maökö chömöledö, isabenö tja̧ja̧kwinobe otiwa jawa wenema. Dios iwene baikwö laebobe: Otiwa jawa wene yötjawobe ökwöi̧ma böjȩ bakwameachibanö jojodönö ökwöinobe, ja̧danö böjȩ ö'öbönö ju̧kwadöbi tja̧ja̧kwinobe, jö̧ba̧lö laebobe.

Efesios 6:19

Chömöledö, ötjönöbi akebaduwo Diosnöma, ötjönö öba̧ja̧da̧lo, iteda iwene yötawena otiwanö yötawakobetjö̧. Akebaduwotjö yebabökönö yötawakobetjö̧, jojodö otiwanö tjöwaisachibobö Dios iwene, otiwa jawa wene, ajayinö tojö ujunina wenema.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.

1 Pedro 3:14

Jau chömöledö, isabenö otiwanö ja̧bö kwö̧jaduwobetjö̧, usula kwemawaduwena, jo̧kwaijayonö suli̧ waekwokobe, Diosma ökwödönö pjaatakobetjö̧. Jo̧kwajabetjö̧ kwomajadeduwinö Cristonö otiwanö omukwatö, Cristoma Duluwo̧ jö̧ba̧lö ösödö ja̧nö, ökwödönö suli̧ tjöwaedobö jö̧ba̧ladönö yekabiduwa, ja̧danö kwo̧'wo̧ tjo̧achaduwa chömöledö. Ja̧danö chömöledö, yebabökönö kwö̧jaduwiawö̧, ju'wedöma ökwödönö abebö tja̧ja̧kwena, ¿tajawedö yebaböködöjada?, ¿taji wene ösödadöjada? jö̧ba̧lö. Jo̧kwajabetjö̧ ökwödö Jesúsnö ösödadöma kwösödaduwi̧ jawa otiwanö kwöwaisaduwobö jo̧be, ju'wedö ökwödönö Cristonö kwösödaduwi̧ jawa labebö loköbaduwobö atjebenama, jweinö kwatadaduwakobetjö̧. Ja̧danö, jejenö abebö tja̧ja̧kwenama, dameakwöma kwatadaduwa chömöledö, jobadönö otiwanö omukwatö, dösölö̧jinö kwatadaduwodönö.

Jueces 9:7

Ja̧ baledaja̧ yötjawi̧ a̧ja̧kwinobe Jotanma, ja̧danö a̧ja̧kwajo̧, Siquen comunidad badeibösa'o Guerizin mösa'obe i̧'yinobe, jobetjö Siquen comunidad jojodönö yöa̧lobö. Ja̧danö, ichibö labinö jwöbö yöawinobe baikwö: —Ökwödö Siquen comunidad luwedönö yötawa, ja̧danö yötawi̧ kwa̧ja̧kwaduwobö jo̧be, yötawi̧ kwaja̧kwaduwiökwe, Diosma ökwödönöbi a̧ja̧kwakobetjö̧.