Isaías 40:21 - Dios Iwene

²¹ Diosnö wajwiköbaduwiji̧? Jo̧banö la'akatjöda kwa̧ja̧kwinaduwökiji? Damötjö baledinama, ökwödönö yötjawinökiji̧? Bö̧jȩ ajayinö otidö juninama, Diosda jö̧ba̧lö wajwiköbaduwiji̧?

Isaías 40:21 ပူးပေါင်းရင်းမြစ်များ

Génesis 1:1

Ajayinöma Dios wa̧pedijetö okobe jwiinö, mölejȩbi böjȩbi.

Diosnö ösödo̧ Job mikwo̧ usula emawina jawa 26:7

Isabenö juluwo̧ Diosma, baikwö yötawa: Anukwemi jwiijayonö, Diosma mölejȩ u'dakwöchobe bajalenö debatö nöno̧, ja̧danö bö̧je la'aka jwiijayonö, yayonö 'diinö otido̧.

Isaías 27:11

Towi ötjebiya kököbachibö 'debawö meakobe, ja̧danö ya̧döma ko̧ko̧dö tjichakobe, imi baibanö tjujuwobö. Jobekwö baledakobe ditebo israeltjö, dömöledö israel jojodöma okwa jawa omukwatökönö tjö̧jobetjö̧. Jau, jweinö omukwatökönö, Dios wei̧ a̧ja̧kwöködö israel jojodöma, jo̧kwajabetjö̧ ökwödönö otidina Diosma lȩlöjinö edökakwo̧, ökwödönö dadö otidinama, dösölö̧jinö pjaatökakwo̧ ökwödönö.

Isaías 37:26

Jobekwö yöka̧litjö̧, baikwö atadö yöta̧lakwö: Kwa̧ja̧kwinökiji̧, ötjö Diosda jobekwö kwujuluwobö webinasa. Damötjö ja̧ baledakwa̧ omukwatö chujunijatö, damötjö ajayinö ji̧nadö tjö̧jayi ida̧ökö baledakwa̧ omukwatö chujunijatö, ja̧danö babe omukwatö chujuninadanö badekwachinö baledobö wetobe. Jau, omukwatö chujunijatö tjöbebö tjotidina comunidad kwujuluwobö, ja̧danö pjolö lobö, mö japopo baibanö söbebö loköbobö.

Isaías 40:28

Diosnö la'akatjöda kwa̧ja̧kwinaduwökiji̧? Yötjawi̧ okwa jawa la'akatjöda do̧katinaduwökiji̧? Isabenö Jo̧ma, ba̧kwelöjatebö jo̧ Dios chömöledö, jo̧bada okobe jwiinö bö̧jȩ otidinama. Jo̧bama la'akatjöda 'dö̧bachibö̧kö̧, ja̧danö la'akatjöda me'dawachibö̧kö̧. Ja̧danö okobe jwiinö waiso̧, bakwo̧bi okobe jwiinö Dios öwaisi̧ jawa öwaisachiboböma jwiobe.

Isaías 44:20

Jau chömöledö, jobekwö omukwatö otido̧ma, wajwibö ja̧bo̧. Otiwi̧ kwakwawa kwökönö, ökwölaso̧pja̧da kwo̧ ichejekwa, ja̧danö sulabenö omukwati̧ma, jelobekwö ö'öbönö öibökwe. Jo̧bajayo̧ma la'akatjöda iteda ö̧jibinö ja̧oböma jwibo̧, ja̧danö iteda ösödökwe, ömamunö do̧'alökwe o̧'wo jawanö omukwatö̧kö̧, —Bite chösödökwema, diosbö̧kö̧, omöna jawa, —jö̧ba̧lö omukwatö̧kö̧.

Isaías 46:8

Chotidina kwöwaisaduwa chömöledö Juda jojodö, kwo̧'wo jwikibaduwoko. Jau, ökwödö weti̧ a̧jakwöködöma, ba̧kwelöjatebö omukwatö kwö̧jaduwo, 'diinö kwö̧jaduwakobetjö̧.

Isaías 48:13

Jau chömöledö, ötjöda chömamunö bö̧jȩ la'aka chödijatö, ja̧danö ötjöda chömamu chöwaisobekwöchobesamunö mölȩjȩ sedatö chönijatö. Ja̧danö si̧li̧'idönö jwötenama, weti̧ a̧ja̧kwö bakobe labebö la̧matinadö si̧li̧'idöma.

Isaías 51:13

Tajawedö ötjö, ökwödönö otidina, Isabenö Jo̧ Diosnö kwo̧'wo jwikibinaduwada chömöledö? Ötjöma isabenö juluwo̧sa, ötjödasa mölȩjȩ sedatö nöninama, ja̧danö ötjödasa bö̧jȩ la'aka lödinama, ötjönö kwomukwataduwo jö̧ka̧laduwajabe. Jo̧kwaijayonö, kwöpöjojodöduwi usula kwemawaduwinö ja̧badö tjölabena, ja̧danö ökwödönö söbebö lotjobö jö̧tja̧lenama, ötjönö omukwatökönö, bakobe yebabinö ja̧döja. Jobadönö yekabiduwobö jwiobe chömöledö, ökwödönö labinadöma ida̧ökö debi batjibajabe.

Hechos 14:17

Jejenö ujunibinajayonö Diosma iteda pjaati̧ma ba̧kwȩlö̧jatebö i̧sebijetö. Jo̧kwaobetjö̧, israel jojodöböködö, wainö sulabenö ja̧bö ju̧kwadöma Diosnö wajwitjijayonö jo̧ba otiwanö pjaati̧ma edijadötö. Ja̧danö ¿ökwödöja? Babebi Dios otiwanö pjaati̧ma kwedaduwobe. ¿Tajida jo̧ba pjaati̧ma? Biya̧: Ojwiyo o̧bi̧ weobe kwujuninaduwi̧ pokwobö, ju'wi möle kwukwaduwakwa̧ma. Ja̧danö, otiwanö kwö̧jaduwobe, kwakwawa kwanö, Dios pjaati̧ma. Ja̧danö, kwo̧'wo̧duwi ösöwachibanö kwö̧jaduwobö pjaatobe Diosma. Jau, damötjöbi Diosma iteda pjaati̧ma i̧sebinobe. Ja̧danö, babebi i̧sebobe Diosma iteda pjaati̧ma ökwödönöma. Jo̧kwaobetjö̧ jo̧banöda kwösödaduwo, ökwödönömaökö— yöbawijadötö Pablo, Bernabé.

Romanos 1:28

Chömöledö, bidöma, Diosnö tjomukwatoböma tjöpöjödobe. Ja̧danö, sulabeda tjomukwatiökwe jobadönö kaatibobe Diosma, Wainö sulabenö tjomukwati̧da ja̧bö ju̧kwadö, jö̧ba̧lö. Jo̧kwajabetjö̧, taba lö̧ji̧ jojodö ja̧awökö jawada i̧sebö ju̧kwadö.