Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaías 39:2 - Dios Iwene

2 Tjichibiökwe, ösödinobe Ezequiasma, —Otiwanö kwichaduwajabe chömöledö, —jö̧ba̧lö. Ja̧danö, Ezequiaskwö tjö̧jonö, okobe jwiinö itea jobadönö i̧sȩbinobe, nöinö mikwawi̧ jawa lödawejunö ujuna̧li̧ jawabi, ölakwabikwawa jawa ujuna̧li̧bi, okobe jwiinö ju'wi jaye ko̧ko̧dö lödawejubiyanö ujuna̧li̧bi. Okobe jwiinö iteda ejunö ji̧bi, ju'wi itebonö ji̧bi tojökönö i̧sȩbinobe Ezequiasma.

အခန်းကိုကြည့်ပါ။ ကော်ပီ




Isaías 39:2
18 ပူးပေါင်းရင်းမြစ်များ  

Ja̧danö, jejenö yöba̧laju, jichejebina jawatjö jiyinobe Salomonnö. Orotjö, cuatro mil kilo jenanö jiyinobe, ja̧danö nöinö mikwawi̧ inawiyabi jiyinobe, ja̧danö jwiinö nöinö mikwawi̧ omewi̧ jawabi jiyinobe. Isabenö nöinö omewi̧ jawa Salomonnö jiyinobe ja̧ mölema, ja̧ möletjö baikwö bajalenö, la'akatjöda nöinö omewi̧ jawa jichejebinajaye ichejeböködö jojodöma, isabenö yelösöda nöinö jichejebinobetjö̧.


Ju'wibi, o̧ba bakwabakwena, Salomon ömöayedöma ba̧kwelöjatebö nöinö impuestos ötjabi̧ balada tjimidinobe, nöinö kwebachö tea iyabidöbi, ju'wedö tea iyabidöbi, arabe jojodötjö la'aka luwedöbi, israel nijitjö gobernadorbedöbi. Jo̧kwajabetjö̧ ju'wi emaja̧kwö, ömöayedö tjimidaja̧kwö, o̧ba bakwabakwena isabenö yelösöda nöinö oro eminobe Salomonma.


Jelobetjö ichaju, ba̧jȩkwadö jömöayedökwö jichibinobe Jerusalenbe, ja̧danö ju'wibi ja̧jwi̧mu kamellodö tjoma'anö nöinö orobi, omewi̧ jawabi, nöinö mikwawi̧ inawiyabi ichejebö jichibinobe. Ichibaju, Salomon öba a'o ji̧'yinobe Saba la'aka luwujuma, ja̧danö ichibaju, okobe jwiinö abebö ja̧ja̧kwobö jö̧ja̧li̧ jawa jo̧banö abebö ja̧ja̧kwinobe.


Ja̧danö, o̧ba bakwabakwena, jelobetjö ichajadö Salomon öba a'o tjichibobö tjichenama, Salomonnö tjiyakwa̧ jawabi tjichejebinobe, platabi, orobi, kamiji̧do̧bi, ölakwabikwawa jawabi, omewi̧ jawabi, kabayudönöbi.


Tjichibiökwe, ösödinobe Ezequiasma, —Otiwanö kwichaduwajabe chömöledö, —jö̧ba̧lö. Ja̧danö, Ezequiaskwö tjö̧jonö, okobe jwiinö itea jobadönö i̧sȩbinobe, nöinö mikwawi̧ jawa lödawejunö ujuna̧li̧ jawabi, ölakwabikwawa jawa ujuna̧li̧bi, okobe jwiinö ju'wi jaye ko̧ko̧dö lödawejubiyanö ujuna̧li̧bi. Okobe jwiinö iteda ejunö ji̧bi, ju'wi itebonö ji̧bi tojökönö i̧sȩbinobe Ezequiasma.


ja̧danö, –Ötjöda otiwanö otidö, nöinö juna̧lo̧ batibajabe, isabenö otiwanö juna̧lo̧sa, –jö̧ba̧lö, otiwo̧sa jö̧ba̧lö chomukwatitjö̧ma, isabenö Dios lȩebobö jȩna.


Ja̧danö, ju'wibi yötawakwö chitji̧: Kwomajadenö kwomukwati̧ma ö'wiyawakwawönö kwite'ada̧lakwawo sulabenö kwomukwatapji jö̧ba̧lö. Chitji̧, kwomajadenö otiwanö kwomukwatitjö̧ma otiwanö kwö̧jakwo̧ja. Jo̧kwaijayonö kwomajadenö sulabenö kwomukwatitjö̧ma sulabenö omukwatö kwö̧jakwo̧ja. Isabenö chitji̧, kwomajadenö kwomukwataja̧ma kwite'ada̧lobö jo̧be, otiwanö jweinö kwomukwatakobetjö̧.


Chö̧ja̧wo̧dö, ökwödöma okobe deinö sulabenö ja̧bö ja̧dösa ¿jö̧tö? Bakwo̧, Ötjöma sulabenö ja̧bö̧kö̧sa, jö̧ba̧lö, yöa̧litjö̧ma ¿jweinö omukwatö yöba̧lo̧ji̧? Jelobekwö omukwato̧. Isabenö chö̧ja̧wo̧dö, jo̧bama iteda omukwati̧da öibökwe. Ja̧danö, jo̧bama o̧'wo̧ luwo̧ okwanö Dios iwene, isabenö ji̧ wenema öpöjödobe. Isabenö chö̧ja̧wo̧dö, jo̧ba, Sulabenö ja̧bö̧kö̧sa, jö̧ba̧lö, yöba̧lo̧ma iteda omukwati̧da omukwatobetjö̧ Dios isabenö ji̧ yöawi̧ma öpöjödo̧.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ