Isaías 38:5 - Dios Iwene

⁵ —Tjebachajö Ezequiasnö yökawajo baikwö: –Ezequias, baikwö yöawobe kwa'dömine David ösödinökwe Isabenö Jo̧ Diosma: -Ötjönö akebaja̧ cha̧ja̧kwajabe, ja̧danö chöba a'otjö kwubudekwaja̧ chedajabe. Jo̧kwajabetjö baikwö chatadakwö, bemi tupakwö ina quince o̧biya 'yaka̧lobö wetocha.

Isaías 38:5 ပူးပေါင်းရင်းမြစ်များ

1 Reyes 15:4

Jo̧kwaijayonö, sulabenö ja̧bö ö̧jinajayonö, a'dömine Davidnö omukwatö, jo̧banö söbebö loinokobe Isabenö Jo̧ma. Sulabenö ja̧bö ö̧jijayonö, yayonö ö'wö baibaja̧ ikenama itji̧mu tupadanö jojodö ina Jerusalentjö luwedö tjö̧jobö weinobe, jadanö ju'wibi Jerusalen comunidad tjöbeba̧lö pjaatinobe Diosma, tjöpöjojodö söbebö lotjapji jö̧ba̧lö.

1 Reyes 8:25

—Ja̧danö, babema ju'wi yöbawö kwujuninabi badekwachinö pjakatobobö atebakwö chuluwo̧. Jau chuluwo̧ israel jojodö dösödökwe Isabenö Jo̧ Dios, kwömöayo̧ chabe'domine Davidnö yöbawö kwujunijatö, –Kwitji̧mu otiwanö tjö̧jakwa̧ omukwatö, ökwö weti̧ a̧ja̧kwö kwö̧jinadanö, jobadöbi weti̧ a̧jakwö tjö̧jitjö̧ma, ba̧kwelöjatebö israel jojodötjö la'aka luwedö tjö̧jakwedö, isabenö la'akatjöda kwitji̧mutjö inesö la'aka luwo̧ iteakanö bo̧ma deökakwo̧, –jö̧ba̧lö yöbawö kwujunijatö.

2 Reyes 18:13

Ezequias mikwo̧ Juda nijitjö inesö la'aka luwo̧ ö̧jinobe, ja̧danö ida̧ökö catorce o̧bia baledibanö webö ö̧jaja̧ ikenama, öpöjojo Asiria jojodötjö la'aka luwo̧ Senaquerib mikwo̧ma ömöayedö ölakwabikwawa jojodönö öbibö ichibinobe Juda nijibe. Ichibajo̧, Jerusalen comunidad meibakwa̧ abönö, okobe jwiinö ju'wi Juda niji comunidad 'diinö tjöbebö tjotidina comunidadbiya mebibö ujuluwinobe.

2 Reyes 18:2

Ezequias la'aka luwo̧ baibenama, veinticinco o̧biya ujuna̧linobe, ja̧danö veintinueve o̧biya baledibanö Jerusalen comunidadnö ja̧nö webö ö̧jinobe. Ezequias ojo'doma, Zacarias itjiju Abias mikwuju.

2 Reyes 19:20

Jemi ikenama Isaiasma yöawi̧ weinobe Ezequiasnö: —Baikwö yöawobe Isabenö Jo̧, Israel jojodö tjösödökwe Diosma ökwönö: –Ezequias, Asiria la'aka luwo̧ Senaqueribnö akebaja̧ cha̧ja̧kwajabe.

Diosnö ösödo̧ Job mikwo̧ usula emawina jawa 14:5

—Chuluwo̧ Dios, ökwöda omukwatö kwujunajabe, bakwo̧nökwena dokwa lekwe dö̧jakwojobö jö̧ba̧lö, ökwöda omukwatö kwujunajabe, jawo̧dö dokwa ba̧jȩkwadö dö̧jakwojobö, –Bitema bemi tupakwö ö̧joböma jwibo̧, –jö̧ba̧lö, jötö?

Isaías 37:21

Jemi ikenama Isaiasma yöawi̧ weinobe Ezequiasnö: —Baikwö yöawobe Isabenö Jo̧, Israel jojodö tjösödökwe Diosma ökwönö: –Ezequias, otiwanö akebajabe, Asiria la'aka luwo̧ Senaqueribnö, ja̧danö otiwanö akebi̧tjö,

Isaías 38:4

Jobekwö aebiökwe, Isabenö Jo̧ma Isaiasnö weinobe,

Mateo 22:32

Ötjöma Abraham uluwo̧ Diossa, Isaac uluwo̧ Diossa, Jacob uluwo̧ Diossa, jö̧ba̧lö yöawinama, ¿yöka̧linaduwökiji̧? Baikwö yötawaduwakwö, jojodöma isabenö wobajaletjö tjetjachajakwedö jö̧ba̧lö: Diosma wobadö tjuluwo̧bö̧kö̧, 'yaba̧ladöda tjuluwo̧ Diosma, ja̧danö Abraham uluwo̧ Diossa, Isaac uluwo̧ Diossa, Jacob uluwo̧ Diossa jö̧ba̧lö Dios yöawinobetjö̧, öwaetjöda öwawobe, wobajaletjö tjetjachajinobe jö̧ba̧lö— yöawinobe Jesúsma.

Lucas 1:13

Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.

Hechos 27:24

baikwö yöawatö: Pablo, yekabi. Ina debö kwebachö̧kö̧ja. Isabenö ökwöma Roma la'aka luwo̧ César öba a'otjö kwö̧jakobe. Ja̧danö, Diosma ökwönö lȩlö̧jino edö, ökwönöbi ökwökwö kwebachadönöbi pjaatakobe, kwö̧jibaduwinö ja̧bö. Jejenö yöawatö Dios weajökwe ángelma.

2 Corintios 7:6

Jo̧kwaijayonö, Diosma o̧'wo̧ tjo̧achadönö tjujuluwachibanö pjabato̧ chömöledö, ja̧danö ökwödönö pjaatinobe. Jau chömöledö, do̧'wo̧ luwo̧nö ujuluwachibanö pjabatö, döjawo̧ Tito ichobö weinobe Diosma.

Apocalipsis 7:17

Ja̧danö, Obeja Itji̧danö Jo̧ma otiwanö ite'ada̧lobetjö̧ inia tjötjinö baledököwö̧. Ja̧danö, jobadönö otiwanö öbibö 'yo̧ ojwese'do jo̧bekwö, ba̧kwȩlö̧jatebö ja̧kwawa okwe'dokwö. Ja̧danö, jobadöma belöma budekwabinö tjuju̧kwinajayonö, tjo̧wi̧, babema budekwaböködö. Otiwanö ju̧kwadö, Diosma pjaatinobetjö̧— damö la'aka luwedötjö bakwo̧ma jö̧a̧lijatö ötjönöma.