Isaías 38:10 - Dios Iwene

¹⁰ Omukwatö yöta̧lijatö, —Ina juluwo̧ pöe waekwö̧kö̧ chö̧jemi ja'ötjö, isabenö ö'wö batibobö jo̧be. Ina pöe batibapji, ö'wö babibadö tju̧ju̧kwemi apjude tetachobö weökwesa, ina lekwe möle chö̧jo jö̧ta̧li̧ma, chö̧jökönö 'döebena Diosma, —jö̧ba̧lö chomukwatijatö.

Isaías 38:10 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 6:11

—Juluwö̧kö̧sa ötjöma, lekwe möle ö'wö batibakwa̧ chiteada̧lobö, babeda ö'wö batibobö chösöda. Jau, cho̧'wo 'dibachibö, lekwe mö̧le chö̧jitjö̧bi, la'akatjö̧da otiwanö chö̧jö̧kakwo̧sa̧ bö̧jȩnöma, jo̧kwajabetjö̧ babeda debö chi̧'yobö chösöda.

Diosnö ösödo̧ Job mikwo̧ usula emawina jawa 7:7

Chuluwo̧ Dios, kwomukwatibobö atebakwö, ötjö chö̧ji̧ma lekwökö ji̧, jwa̧le epjo juluwanö 'dö̧ibi̧danö, juluwanö 'dö̧ibakobe ötjö chö̧ji̧ma. Ja̧danö chuluwo̧, usula emawö ja̧nö, chedemi cho̧'wo ösöwachibökönö, jwaikwöda o̧'wo tjo̧achö chö̧jakwo̧sa, ö'wö batibenanö.

Isaías 38:1

Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma.

Isaías 38:9

Nöinö 'dö̧bachajo̧, Dios pjaatökwe ö̧bibajinobe Juda niji inesö la'aka luwo̧ Ezequiasma. Ja̧danö, ö̧bibajenama, Diosnö ösödö i̧wȩyudinobe:

2 Corintios 1:9

Jau chömöledö, domukwatijatö, isabenö biya̧tjö wodakwedösa jö̧ba̧lö. Jo̧kwaijayonö, baikwö yötawaduwakwö chömöledö: Ja̧ usula demawinama, Diosda döbaledobö weinobe, ökwödö dujuluda do̧'wo̧ döwana̧lapji jö̧ba̧lö, Diosnöda do̧'wo̧ döwana̧lo jö̧ba̧lö. Jau chömöledö, ökwödöma usula emawö, biya̧tjö wodena jö̧ba̧lö domukwatijayonö, Dabe'do Diosma wobinadönö tjetjachajinö pjabato̧, chömöledö, jo̧kwajabetjö̧ isabenö jo̧banöda do̧'wo̧ döwana̧lobö jo̧be.