Isaías 37:8 - Dios Iwene

⁸ Asiria la'aka luwo̧ yöawi̧ yöbawo̧ma a̧ja̧kwinobe, —Chuluwo̧ Asiria la'aka luwo̧ma Laquis comunidadtjö labebajo̧, Libna comunidad jojodökwö ölakwabikwawobetö, —jö̧ba̧lö. Ja̧danö, a̧ja̧kwajo̧, Jerusalentjö labebö, uluwo̧ Asiria la'aka luwo̧ ö̧jobekwö i̧'yinobe, Libna comunidadbe.

Isaías 37:8 ပူးပေါင်းရင်းမြစ်များ

2 Reyes 8:22

Jobekwö laebobe Edom jojodö Juda jojodö tjujulutjö tjö̧jibina wenema, ja̧danö ja̧ möle Libna comunidad jojodöbi Juda jojodö wetji̧ katjatibinobe.

Josué 10:29

Ikenama, Maqueda comunidad juluwajadö, Josuebi, ju'wedö israel ölakwabikwawa jojodöbi tupakwö Libna comunidadbe 'ya̧nö, jobe ju̧kwadökwö tjölakwabikwawinobe.

Josué 12:11

Jarmut comunidad la'aka luwo̧nöbi, Laquis comunidad la'aka luwo̧nöbi,

Josué 15:39

Laquis comunidadbi, Boscat comunidadbi, Eglón comunidadbi,

Josué 21:13

Hebron comunidadma tjöeba̧lakwawa comunidad ji̧nobe, ja̧danö ja̧ comunidad tjö̧'da̧de pjabato̧ Aaron itji̧mu tupadanö jojodönö tjiyinobe. Ja̧danö, Libna comunidadbi,