Isaías 37:4 - Dios Iwene4 Jo̧kwaijayonö chedemi kwuluwo̧ Isabenö Jo̧ Diosma Asiria la'aka luwo̧ yöawi̧ yöbawo̧ yöa̧laja̧ a̧ja̧kwajena, 'yaba̧lo̧ Diosnö obö sulabenö yöa̧laja̧ma. Ja̧danö a̧ja̧kwajo̧, kwuluwo̧ Isabenö Jo̧ Diosma öpöjödö, jobadönö lȩebena. Jo̧kwajabetjö̧ ökwönö ateba Isaias, Diosnö akebobö, ökwödö Juda niji ju̧kwadötjö ina 'ya̧ba̧ladönö pjaatakobetjö̧, –jö̧ba̧lö yöa̧lobe duluwo̧ Ezequiasma, —jö̧ba̧lö Isaiasnö yötja̧linobe. အခန်းကိုကြည့်ပါ။ |
Isaías 37:4
43 ပူးပေါင်းရင်းမြစ်များ
Jo̧kwaijayonö chedemi kwuluwo̧ Isabenö Jo̧ Diosma Asiria la'aka luwo̧ yöawi̧ yöbawo̧ yöa̧laja̧ a̧ja̧kwajena, 'yaba̧lo̧ Diosnö obö sulabenö yöa̧laja̧ma. Ja̧danö a̧ja̧kwajo̧, kwuluwo̧ Isabenö Jo̧ Diosma öpöjödö, jobadönö lȩebena. Jo̧kwajabetjö̧ ökwönö ateba Isaias, Diosnö akebobö, ökwödö Juda niji ju̧kwadötjö ina 'ya̧ba̧ladönö pjaatakobetjö̧, –jö̧ba̧lö yöa̧lobe duluwo̧ Ezequiasma, —jö̧ba̧lö Isaiasnö yötja̧linobe.
Ja̧danö kwiteboduwi inesö la'aka comunidad Jerusalenma, ajayinö jalemi la'aka comunidad ji̧najayonö, jo̧dawemi baibajabe, bakobe kwöpöjojodöduwi ölakwabikwawö tjötjösawemi baibajabe. Jau, löwöte uba batjo ö'wejenö jö̧tedanö, ja̧danö pepinos mikwi̧ batjo ö'wejenö jö̧tedanö ichejekwemi baibajabe Jerusalen comunidadma, bakwachobetenia kwöpöjojodöduwi ölakwabikwawö tjötjösawobetjö̧, jö̧ba̧lö laebobe Dios Israel jojodönö yöawaja̧ma.
Jau chömöledö, ökwödö israel jojodöma, Sodoma comunidaddanö, ja̧danö Gomorra comunidaddanö badibo jö̧da̧linobe, Dios lȩebi̧tjö okobe deinö bakobe debö di̧'yo jö̧da̧linobe chömöledö. Jo̧kwaijayonö, okobe deinö debö di̧'yapji jö̧ba̧lö, Isabenö Jo̧ okobe jwiinö juluwo̧ Diosma ökwödö israel jojodötjö o̧bukwedönö tjöbeba̧lö pjaatajabe, Sodomadanö, ja̧danö Gomorradanö badibapji jö̧ba̧lö.
Yadakwö, israel jojodötjö o̧bukwedöda tjö̧jibakwedö, Jacob itji̧mu tupadanö jojodötjö sule o̧bukwedöda ina 'ya̧baladö tjö̧jakwedö. Ajayinö jobadöma jobadönö ujuluwina Asiria la'aka luwo̧nö tjo̧'wo tjöwana̧linobe, —Asiria luwo̧ ömöayedösa, —jö̧ba̧lö. Jo̧kwaijayonö ja̧ möle jo̧banö o̧'wo wa̧nalökönö, Israel jojodö tjösödökwe Inesö Sulabe Jwibo̧ Isabenö Jo̧ Diosnöda ösödö, isabenö Diosnöda tjo̧'wo wana̧lö tjö̧jakwedö.
Jau, babe israel jojodöma, idöda tjitebonö ja̧nö, jwaibalawa ö'öbösa̧pu̧ so̧biapu̧ ba̧jȩkwi̧danö ba̧jȩkwadö, jo̧kwaijayonö Diosma jobadönö söbebö loakwa̧ omudawö ujunajabe, tjitebotjö a'dewö loakwa̧ma. Diosma inesö sulabe jwibo̧obetjö̧, jobadö sulabenö ja̧badönö lȩebakwa̧ omudawö ujunajabe, ja̧danö lȩebaja̧ ikenama jobadö inesö ba̧jȩkwadötjö sule o̧bukwedöda tjetjachajakwedö.
Ja̧danö, damötjö iteda ömöledö israel jojodönö pjaatinadanö, ja̧ möle chuluwo̧ Diosma yemidanö iteda ömamu deatakobe, iteda ömöledö israel jojodötjö ina 'yaba̧ladönö ko̧ko̧dibö israel nijibe tjeatakobetjö̧. Jau, Dios lȩebinatjö ji̧binadö Asiria nijinö ju̧kwadönöbi, Egipto nijinö ju̧kwadönöbi, Patros nijinö ju̧kwadönöbi, Etiopia nijinö ju̧kwadönöbi, Elam nijinö ju̧kwadönöbi, Sinar nijinö ju̧kwadönöbi, Hamat nijinö ju̧kwadönöbi, jwaibalawa ö'öbötenia niji ju̧kwadönöbi o̧ko̧ko̧dakobe, yemidanö tjitebo israel nijinö tjö̧jakobetjö̧.
Ezequias ökwödönö yöa̧li̧, -Isabenö Jo̧ma dö̧jibinö pjaatakwo̧, -jö̧ba̧lö yöa̧li̧ma, ö'öbönö öbibö omöna yöba̧lo̧, yöa̧li̧ kwa̧ja̧kwaduwoko. Jau, kwomukwataduwo, ju'wedö tjitebokwena jojodö tjösödawö diosbedötjö, bakwo̧bi ösödadönö pjabatö, tjö̧jibinö pjaatinaji̧? Jobadötjö jeleso jojodö ötjö Asiria la'aka luwo̧ chujulutjö tjö̧jibinaji̧? Kwöwaisaduwa, ja̧maökö.
Ja̧danö okobe deinö ju'wedö tjitebotenia jojodö tjösödawö̧tjö, dite ömöledönö tjö̧jibinö pjaatinada, jobadönö chujuluwapji jö̧ba̧löma? Deobe, jö̧tö? Jo̧kwajabetjö̧ ju'wibi öwawinö öwawobe, Isabenö Jo̧ma la'akatjöda pjaatökakwo̧, Jerusalen comunidadbi chujuluwapji jö̧ba̧lö, –chuluwo̧ Asiria luwo̧ yöawi̧ yötawaduwakwö, —jö̧ba̧lö yöawinobe yöbawo̧ma.
Jo̧kwajabetjö̧ baikwö atebakwö chuluwo̧ Isabenö Jo̧ Dios, kwölakiyu chö̧jobekwö bȩbachibö, otiwanö atebi̧ kwa̧ja̧kwobö atebakwö. Baikwö otiwanö kwedo chuluwo̧, ja̧danö otiwanö kwa̧ja̧kwo, okobe jwiinö Asiria la'aka luwo̧ Senaquerib sulabenö yötja̧lobö weinama, isabenö ökwö 'yaba̧lo̧ Diosnö sulabenö yöa̧lajobetjö̧.
—Jau Ezequias, ökwödö Juda jojodötjö Asiria jojodö tjujulutjö ji̧bajadöma, o̧bukwedöda kwö̧jaduwijayonö, Jerusalentjö labebö Juda nijinö kwö̧jaduwakwedöja, isabenö ji̧bajadö Sion mösa'otjö otiwanö lakebaduwakwedöja. Jobekwö isabenö baledakobe Ezequias, Isabenö Jo̧ Okobe Jwiinö Juluwo̧ Dios jobekwö ökwödönö pjaatobö jö̧a̧lobetjö̧.
Ökwödö Israel jojodöma, yekabiduwoko. Ökwödö Jacob itji̧mu tupadanö jojodöma, sa̧dö juluwöködö kwichejekwaduwijayonö, yekabiduwoko. Jau chömöledö, —Ötjödasa ökwödönö pjabato̧ma, —jö̧ba̧lö ötjö Isabenö Jo̧ma yötawaduwakwö, ökwödönö kwö̧jibaduwinö pjabato̧ma, ötjö Israel jojodö tjösödökwe Suli̧ Jwibo̧ Diosda, jo̧kwajabetjö̧ yekabiduwoko.
Baikwö yöa̧lobe Isabenö Jo̧ma: Chömöledö Jacob itji̧mu tupadanö jojodö, ötjöma jobadö Babilonia jojodö tjösödawö̧danöbö̧kö̧sa. Ökwödö Israel jojodötjö ina 'yaba̧ladöma, ötjönö kwe'ewaduwoböma jwibadöja, ju'wedö tjösödawö̧nö tje'ewi̧danöma. Jau chömöledö, ötjöda ökwödönö e'ewö chö̧jijatö, wanedö yöta̧la, kwojo'do ökwönö jemakwa̧ abönö, babe möle baibanö ba̧kwelöjatebö ökwödönö e'ewa̧lö jo̧sa.
Ja̧danö, Dios iwene wȩyudina Isaíasma Israel jojodönö iwȩyudinobe. Baikwö iwȩyudinobe Isaíasma, Israel jojodönö: Duluwo̧ Diosma juluwanö böjȩ jojodönö labinö lȩebakobe. Ja̧danö, lȩebenama, Israel jojodö tjöba̧jekwijayonö, ojwe ö'öbö ba̧pu̧ so̧bi̧ya̧pu̧danö tjöba̧jekwijayonö, ja'yubenöda tjö̧jibakwedö, Israel jojodöma, jö̧ba̧lö iwȩyudinobe Isaíasma.
Isabenö yötawaduwakwö. Jojodö atjebiökwe pjabato̧ Duluwo̧ma, ö'wöchadönö tjö̧bibajinö pjabatöbi, sulabenö ja̧tji̧ yöbawö lobadö tjusuli̧ söbebö loböbi. Jo̧kwaobetjö̧ chö̧ja̧wo̧dö suli̧ ja̧köbaduwi̧ma yökawakwawaduwo ökwödödada. Ja̧danö, ökwödödada Diosnö akebakwawaduwo kwö̧bibaduwinö pjaatobö. Isabenö, bakwo̧ Dios ösödi̧danö ja̧bö jo̧ma Diosnö aebena, Pjabati, jö̧ba̧lö, Diosma iteda ujulunö pjaatobe.
Jo̧kwajabetjö̧, babe Isabenö Jo̧ jö̧a̧lina badekwachinö chitebo baibanö kwiyobö atebakwö, –Kwekachina niji chiyocha, –jö̧a̧lina nijima. Jau Josue, ja̧ damötjö mö'sa'iju jȩmi niji kwetachinemi kwiyobö atebakwö, Isabenö Jo̧ jö̧a̧lina badekwachinö. Ja̧ niji yötjawina kwa̧ja̧kwijatö Josue, –Inesö ödöbaedö anaquita jojodöma, inesö 'diinö tjöbebö tjotidina comunidadnö tju̧ju̧kwobe, –jö̧ba̧lö. Ja̧danö, isabenö jejenö 'diinö tjöbebö tjö̧jobe, jo̧kwaijayonö chedemi Isabenö Jo̧ma ötjökwö pjabatö ö̧jakobe, ja̧danö damötjö̧ jö̧a̧linadanö, jobadönö jobetjö a'dewö lotocha, chitebo baibanö, —jö̧ba̧lö niji abebö yöa̧linobe Calebma.
Ja̧danö, yebabinö israel jojodöma Samuelnö atjebinobe, —Ökwödö kwömöayedönö akebo kwuluwo̧ Isabenö Jo̧ Diosnö, debö di̧'yapji jö̧ba̧lö. Isabenö sulabenö ja̧dajabetija, okobe jwiinö ju'wi sulabenö ja̧daja̧ ikena, jemi tupakwö ju'wibi inesö la'aka luwo̧ jojonö sulabenö abebinadösa. Diosnö akebo Samuel, ökwödönö lȩbebö söbebö loapji jö̧ba̧lö, —atjebinobe.
Tupakwö yöawinobe Samuelma, —Ja̧danö ötjöbi chömöledö, isabenö ökwödönö abebö katatoböma jwiobe, ökwödönö Diosnö abebö katatitjöma, isabenö sulabenö Isabenö Jo̧ öpöjödi̧nö katatena. Jo̧kwajabetjö̧ isabenö jwaikwöda Diosnö atebocha ökwödönö, ja̧danö ju'wibi kabatökönö ökwödönö ba̧ja̧dö chö̧jakwo̧sa, otiwanö jweinö ja̧kwawama.
Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.
Jejenö yötja̧lakwawiökwe, Davidma ipjeanö ju̧kwadönö abebö a̧ja̧kwinobe, —Dakwö? Di̧ya jawa iyakwa̧da, ite filisteo jojonö kwabö loakwo̧nöma? Jo̧ba filisteo jojoma ökwödö israel jojodötjö bajalekwönönö juluwo̧sa jö̧ba̧lö omukwatobö jwibo̧. Jau, isabenö ökwödö israel jojodöda yaba̧lo̧ Dios ömöayedö ölakwabikwawa jojodöma, ja̧danö jo̧ba filisteo jojoma, ötade bajalesa̧do̧ 'wibekwö̧kö̧ Diosnö öpöjödo̧, ¿jö̧tö? Jo̧kwajabetjö̧ isabenö jo̧ba sulabo̧ma, ökwödö Dios ömöledötjö bajalekwönönö juluwo̧sa jö̧ba̧lö omukwatobö jwibo̧. Dakwö yöka̧laja̧duwada, bitenö kwabö lobö, tabakwö dö̧ji̧ söbebö loakwo̧nö dakwö iyakwa̧da Saulma? —jö̧ba̧lö abebö a̧ja̧kwinobe Davidma.
Isabenö yötawakwö chuluwo̧, jejenö didibadönöbi, ojwe yawi ödöbaedönöbi kwabö lotijatö. Ja̧danö, ju'wibi isabenö yötawakwö, filisteo jojo Goliatma, 'Yaba̧lo̧ Dios ömöayedö ölakwabikwawa jojodönö sulabenö yöa̧lajabe, Dios ömöayedöma juluwöködö, yebabidö jö̧ba̧lö. Jo̧kwajabetjö̧ Diosda ömöayedönö jejenö yöa̧lobetjö̧, kwabö lotinawö̧ tebonö ju̧kwadönö baledinadanö baledakobe, jo̧banöbi kwabö lotakobe.
ကြော်ငြာတွေ