Isaías 37:12 - Dios Iwene

¹² Jau Ezequias, ötjötjö ajayinö ji̧nadö la'aka luwedö tjujuluwinawö̧ tjitebokwena jojodönö kwomukwato. Gozan niji jojodö tjösödawö̧tjöbi, Jaran niji jojodö tjösödawö̧tjöbi, Resef niji jojodö tjösödawö̧tjöbi, Telasar nijinö ju̧kwadö Eden jojodö tjösödawö̧tjöbi, bakwo̧ diosbo̧ma iteda ömöledö tjö̧jibinö pjaatobö ji̧naji̧, jobadönö dujuluwapji jö̧ba̧löma? Jwiinobe, jö̧tö?

Isaías 37:12 ပူးပေါင်းရင်းမြစ်များ

Génesis 11:31

Ja̧danö, Taréma itji̧ Abramkwö, ö'dö̧ Lotkwö, ojoliju Saraikwö Urtjö labebö Canaán nijibe 'yi̧jadötö. Jo̧kwaijayonö ja'öda Harán nijinö ichibö ju̧kwijadötö.

Génesis 11:32

Jelöda Taréma, doscientos cinco a̧yo bo̧ wobijetö, Harán nijitjö.

Génesis 12:14

Ja̧danö, Egiptonö tjichibena Egipto jojodö ömadöma Sarainö edinö, jwiinö otiwuju, jö̧ba̧lö, eda̧lijadötö.

Génesis 2:8

Ikenama Isabenö Jo̧ Diosma batjo jalayu, otiwayu junijetö ja̧wo̧ laebemi badeibö, Edén batjo mikwayu. Jayunö jena junijetö jojonö, otidajökwenöma.

Génesis 28:10

Ja̧danö, Jacobma Beersebatjö labebö Harán niji jobekwö 'yi̧jetö.

Génesis 29:4

Ja̧danö, Jacobma jobekwö 'ya̧wibö abebö a̧ja̧kwijetö te'ada̧lakwawa jojodönöma: —Chömöledö, ökwödöma ¿dai jojodököbaduwa?— abebö a̧ja̧kwawö̧: —Ökwödöma Harán jojodösa— atadijadötö.

2 Reyes 17:6

Ja̧danö, wapötakwa o̧biya tjösawajo̧, Oseas ida̧ökö jelemutjö ö'wejemu jawa o̧biya baledibanö webö ö̧jenama, bajaliyanö Samaria comunidad ujuluwinobe Asiria la'aka luwo̧ma. Ja̧danö, juluwajo̧, ujuluwajawö̧ israel jojodönö öbibö laebinobe tjitebotjö, ja̧danö iteda itebobe öbibajo̧, Halah comunidadnöbi, Habor ojwe ö'öbö comunidad Gozannöbi, medo jojodö tjitebo comunidadbiyanöbi tjö̧jobö weinobe.

2 Reyes 18:11

Samaria comunidad juluwajo̧, Asiria la'aka luwo̧ma ujuluwajawö̧ israel jojodönö öbibö ȩwa̧jinobe Asiria nijibe, ja̧danö jobadönö ujuninobe Halah comunidadnöbi tjö̧jobö, ja̧danö Gozan niji lödö Habor ojwe ö'öböbi tjö̧jobö, ja̧danö medo jojodö tjitebo comunidadbiyanöbi tjö̧jobö.

2 Reyes 19:12

Jau Ezequias, ötjötjö ajayinö ji̧nadö la'aka luwedö tjujuluwinawö̧ tjitebokwena jojodönö kwomukwato. Gozan niji jojodö tjösödawö̧tjöbi, Jaran niji jojodö tjösödawö̧tjöbi, Resef niji jojodö tjösödawö̧tjöbi, Telasar nijinö ju̧kwadö Eden jojodö tjösödawö̧tjöbi, bakwo̧ diosbo̧ma iteda ömöledö tjö̧jibinö pjaatobö ji̧naji̧, jobadönö dujuluwapji jö̧ba̧löma? Jwiinobe, jö̧tö?

Isaías 36:18

Ezequias ökwödönö yöa̧li̧, -Isabenö Jo̧ma dö̧jibinö pjaatakwo̧, -jö̧ba̧lö yöa̧li̧ma, ö'öbönö öbibö omöna yöba̧lo̧, yöa̧li̧ kwa̧ja̧kwaduwoko. Jau, kwomukwataduwo, ju'wedö tjitebokwena jojodö tjösödawö diosbedötjö, bakwo̧bi ösödadönö pjabatö, tjö̧jibinö pjaatinaji̧? Jobadötjö jeleso jojodö ötjö Asiria la'aka luwo̧ chujulutjö tjö̧jibinaji̧? Kwöwaisaduwa, ja̧maökö.

Isaías 36:19

Jamat comunidad jojodö tjösödawö̧bi, Arfad comunidad jojodö tjösödawö̧bi, Sefarvayin comunidad jojodö tjösödawö̧bi, dai tjö̧jobeda? Jobadöma israel niji comunidad Samaria jojodönö tjö̧jibinö pjatjatinaji̧?

Isaías 36:20

Ja̧danö okobe deinö ju'wedö tjitebotenia jojodö tjösödawö̧tjö, dite ömöledönö tjö̧jibinö pjaatinada, jobadönö chujuluwapji jö̧ba̧löma? Deobe, jö̧tö? Jo̧kwajabetjö̧ ju'wibi öwawinö öwawobe, Isabenö Jo̧ma la'akatjöda pjaatökakwo̧, Jerusalen comunidadbi chujuluwapji jö̧ba̧lö, –chuluwo̧ Asiria luwo̧ yöawi̧ yötawaduwakwö, —jö̧ba̧lö yöawinobe yöbawo̧ma.

Isaías 37:13

Taji baledinada Jamat comunidad la'aka luwo̧nö, ja̧danö Arfad comunidad la'aka luwo̧nö, ja̧danö Sefarvayin comunidad la'aka luwo̧nö, ja̧danö Hena comunidad la'aka luwo̧nö, ja̧danö Iva comunidad la'aka luwo̧nö? Tjösödökwe tjö̧jibinö pjaatinaji̧? Ja̧maökö Ezequias, chujulutjö tjö̧jibinö pjabato̧ma deobe, —jö̧ba̧lö yöawi̧ yöawöja kwiyalusöja e'ewö Ezequiasnö tjiyobö weinobe.

Hechos 7:2

Jejenö abebö a̧ja̧kwiökwe Estebanma yöbawö atadijetö: —Chömöledö, ötjö yötawi̧ a̧ja̧kwaduwi: Damötjö dewinö dejato̧ Diosma öwawachijetö da'dömine Abrahamnöma, Mesopotamianö ö̧jena, Haránnö ö̧jakwa̧ abönö.