Isaías 36:9 - Dios Iwene

⁹ Jo̧kwaijayonö chedemi kwömöayedötjö dos milbedö kabayudönö wanö ölakwabikwawadö deobe Ezequias, jo̧kwajabetjö̧ ökwödökwö kwölakwabikwawobö juluwö̧kö̧ja. Jau, chuluwo̧ ömöayedö ölakwabikwawa luwedötjö, ju'wedötjö baikwönönö juluwö̧kö̧nöbi kwujuluwobö jwibo̧ja. Ja̧danö, –Egipto jojodöma kolukiyanö ölakwabikwawadönöbi, kabayudönö wanö ölakwabikwawa jojodönöbi wetjakwedö, –jö̧ba̧lö kwo̧'wo kwöwana̧lobö jwiobe, isabenö ökwödötjö kwö̧jibobö jwibo̧ja.

Isaías 36:9 ပူးပေါင်းရင်းမြစ်များ

2 Reyes 18:24

Jo̧kwaijayonö chedemi kwömöayedötjö dos milbedö kabayudönö wanö ölakwabikwawadö deobe Ezequias, jo̧kwajabetjö̧ ökwödökwö kwölakwabikwawobö juluwö̧kö̧ja. Jau, chuluwo̧ ömöayedö ölakwabikwawa luwedötjö, ju'wedötjö baikwönönö juluwö̧kö̧nöbi kwujuluwobö jwibo̧ja. Ja̧danö, –Egipto jojodöma kolukiyanö ölakwabikwawadönöbi, kabayudönö wanö ölakwabikwawa jojodönöbi wetjakwedö, –jö̧ba̧lö kwo̧'wo kwöwana̧lobö jwiobe, isabenö ökwödötjö kwö̧jibobö jwibo̧ja.

2 Reyes 7:6

Ja̧ jojodö deobe labebö loawama baikwö laebobe: Isabenö Jo̧ma weinobe, Siria ölakwabikwawa jojodö ju'wedö ölakwabikwawa jojodö tjichobe tja̧ja̧kwobö, kolukiyakwöbi, kabayudökwöbi, inesö ba̧jȩkwaso ölakwabikwawa jojodö tjichobema. Jobekwö a̧ja̧kwö, yötja̧lakwawinobe idödada: —Ayö, Israel la'aka luwo̧ma imidajabe, hitita jojodötjö la'aka luwedönöbi, Egipto la'aka luwo̧nöbi, ökwödönö metjibakobetjö̧, —jö̧ba̧lö.

Proverbios 21:31

Ja̧danö, ju'wibi yötawa: Isabenö Jo̧da ökwödönö pjabato̧ma, döpöjojodönö dujuluwobö. Isabenö ¿dakwö dujuluwobö Isabenö Jo̧ma ökwödökwö pjabatö ö̧jökötjö̧ma? Juluwöködösa. Wanedö yötawa: Guardia jojodöma tja̧jwi̧mu̧ ka̧ba̧yu̧dönö otidadö, tjöpöjojodö tjö̧jobekwö ölakwabikwawö tji̧'yakwa̧ abönö. Isabenö yötawa: Jobekwö ka̧ba̧yu̧dönö otidö, juluwadönö wa̧matö tji̧'yijayonö Isabenö Jo̧da tjujuluwobö pjabato̧ma.

Isaías 10:8

Ötjö Diosnö omukwatökönö, baikwö yöba̧lo̧ Asiria la'aka luwo̧ma, itedada: –Okobe deinö chömöayedö ölakwabikwawa jojodö tjuluwedöma, inesö la'aka luwedöbedö, isabenö juluwo̧ inesö la'aka luwo̧sa.

Isaías 20:5

Jobekwö balediawö̧, okobe deinö ajayinö Egipto jojodönöbi, Etiopia jojodönöbi tjo̧'wo wana̧linadöma, isabenö yebabinö ja̧nö, tabakwö tjö̧jakwedö.

Isaías 30:7

Jau, Egipto la'aka luwo̧ma pjaatakwo̧, jö̧ba̧lö omukwatö tji̧'yijayonö, Egipto niji la'aka luwo̧, –Pjatatakwo̧sa, —jö̧a̧li̧ma mikwawokobe. Jau, inesö juluwo̧ Rahab ötjabökwedanö juluwo̧ Egipto luwo̧ma, jö̧ba̧lö ichejekwijayonö, ja'yubebi pjabatö̧kö̧. Jo̧kwajabetjö̧ jo̧banö baikwö ötabocha, –Ba̧nöda bo̧ Rahab, –jö̧ba̧lö jo̧banö ötabocha, ja'yubebi pjaatokobetjö̧, —jö̧ba̧lö laebobe Dios yöawi̧ma.

Isaías 31:3

Diosdanöböködö, tjo̧'wo tjöwana̧lawö̧ Egipto jojodöma. Jobadö Egipto jojodöma, diosböködö, sule bö̧jȩ jojodöda, ja̧danö tja̧jwi̧mu kabayudöma, mölȩjȩbe ju̧kwadö juluwadöböködö, sule bö̧jȩ kabayudö juluwöködöda. Ja̧danö, jobadönö lȩebobö, Isabenö Jo̧ iteda ömamu kabebö i̧sȩbenama, pjatjatakwedö jö̧tja̧linawö̧ Egipto jojodöma töbö metjakwedö, ja̧danö pjatjato jö̧tja̧lawö̧ Juda jojodöma metjakwedö. Jau, Dios lȩebenama, pjatjato jö̧ba̧ladöbi, pjatjato jö̧tja̧lawö̧bi bakobe debö tji̧'yakwedö.

Isaías 36:6

Chedemi Egipto la'aka luwo̧nö kwo̧'wo wa̧na̧lö kwö̧jena, -Chöjibobö pjaatakwo̧, -jö̧ba̧lö. Jo̧kwaijayonö baikwö yöta̧lakwö: Jobadönö tjo̧'wo wana̧ladönö pjabatökönö, suli̧ waedadö Egipto jojodöma, tokwöte juluwanö 'deawötedanö. Jau, bakwo̧ ja̧jaye tokwöte öwanawitjö̧ma, 'deawena, ja̧danö 'debawö, ömamunö söibena, jö̧tö? Jobekwö ichejekwo̧ Egipto la'aka luwo̧ Faraonma, jo̧banö tjo̧'wo wana̧ladönöma.

Isaías 36:8

—Jau, kwuluwo̧duwi Ezequiasnö yökawaduwo: –Chujuluwobö jo̧be, –jö̧ba̧lö yöka̧lijayonö, juluwö̧kö̧ja. Jau, inesö la'aka chuluwo̧ ömöayo̧ ja̧nö, jo̧ba iminö baikwö yötawakwö: Kwömöayedötjö kabayudönö wa̧nö ölakwabikwawadö dos milbedönö kwöbadekwaitjö̧ma, kabayudö dos milbedönö chiyakwo̧sa, ökwödökwö kwölakwabikwawobö.

Deuteronomio 17:16

—Ja̧danö 'da̧batö kwujunaduwakwo̧nö weawa baikwö yötawa: Kabayudönö ba̧jekwadönö ajikwoböma isakwoko, ja̧danö israel jojodö Egipto nijibe 'ya̧nö, kabayudönö tjemoböma weoko. Jau chömöledö, Isabenö Jo̧ma ökwödönö weinobe, la'akatjöda Egipto nijibe tjekachaduwoko jö̧ba̧lö, jo̧kwajabetjö̧ jejenö weoböma jwiakobe.