Isaías 36:14 - Dios Iwene

¹⁴ Baikwö laebobe inesö la'aka luwo̧ yöawi̧ma: –Kwuluwo̧duwi Ezequias omöna yöa̧li̧, -Kwö̧jibaduwinö pjatatakwo̧sa, -jö̧ba̧lö omöna yöa̧li̧ma kwa̧ja̧kwaduwoko, ö'öbönö ökwödönö öibapji jö̧ba̧lö, –yöawobe.

Isaías 36:14 ပူးပေါင်းရင်းမြစ်များ

2 Reyes 19:22

Tinö oköbinada Senaquerib, tinö juluwö̧kö̧ jö̧ba̧lö kwöpöjödinada? Ötjödasa juluwo̧ma jö̧ba̧lö, tinö öpöjödö jwökeba̧linada Senaquerib? Ötjö Israel jojodö tjösödökwe Sulabe Jwibo̧ Diosnöda sulabenö kwöpöjödajabe Senaquerib.

Isaías 36:15

Jau, Ezequiasma ökwödönö yöa̧lena, –Isabenö Jo̧ma isabenö dö̧jibinö pjaatakwo̧, ditebo comunidad Asiria la'aka luwo̧ ujuluwapji jö̧ba̧lö, dö̧jibinö pjaatakwo̧, –jö̧ba̧lö yöa̧lena. Jobekwö yöa̧litjö̧ma, yöa̧li̧ kwösödaduwoko, isabenö waekwakobetjö̧.

Daniel 6:20

Yöne ichibö, o̧'wo̧ tjo̧achö jwöinobe: —Yabalo̧ Dios ömöayo̧ Daniel, ¿ba̧kwȩlö̧jatebö wei̧ a̧ja̧kwö kwösödökwe Diosma, didibatjö kwö̧jibinö pjaatobö ujuluwaji̧?— jö̧ba̧lö.

Daniel 7:25

Ju'wibi jo̧bama sulabenö Diosnö yöa̧lakobe, ja̧danö Diosnö ösödadönö sulabenö ja̧akobe, usula tjemawinö. Ja̧danö Dios weina pjiesta jawa möle balewö loobö isakwakobe, ja̧danö Dios jojodönö wei̧bi balewö lobö wainö weobö isakwakobe. Ja̧danö Diosma weakobe, wa̧pötakwa o̧biabi, ju'wi o̧ba ja'öbi Diosnö ösödadönö ujuluwobö.

2 Tesalonicenses 2:4

Jo̧ba Awetja ömöayo̧ma okobe deinö diosbedö ötjabiwö̧nö, ja̧danö okobe deinö jojodö tjösödawö̧nö öpöjödakwo̧, Jobadönötjö bajalekwönönö jo̧sa, jö̧ba̧lö. Ja̧danö, ju'wibi Dios weineju okwa tebachibö, öbamatakwo̧, Ötjödasa Diosma, jö̧ba̧lö.