Isaías 35:3 - Dios Iwene

³ Jobekwö isabenö baledakobe chömöledö, jo̧kwajabetjö̧ ja̧ baledakwa̧ yöbawö, me'dawachibadö, tjujulu jwibadönö tjujuluwachibanö pjakataduwo.

Isaías 35:3 ပူးပေါင်းရင်းမြစ်များ

Diosnö ösödo̧ Job mikwo̧ usula emawina jawa 16:5

Jo̧kwaijayonö, ötjönö baledi̧danö ökwödönö baleditjö̧ma, ökwödö yöka̧laduwi̧danö yöta̧loko jö̧ta̧lena chömöledö, isabenö ökwödönö kwujuluwaduwachibanö pjatatobö chisakwena chömöledö, inesö usula kwemawaduwi̧ seachibinö pjatatobö chisakwena.

Éxodo 17:12

Ja̧danö, Moisésma öjabiya lekwe kaeba̧lobetjö̧ me'dawachibö öjabiyama nijakwö jabijetö. Jo̧kwaobetjö̧ Aarón, Hur, inawa nöawa pjolatö junijadötö Moisés jawanö ö̧bamatobö. Ikenama Moisés jawanö ö̧bonö Aarónkwöma Hurkwöma Moisés ipjeakwenanö ja̧nö kabeba̧lijadötö Moisés öjabiyama. Jejenöobetjö̧ lekwe ja̧wo̧ meajenanö kabatö kabeba̧lijadötö Moisés öjabiyama.

Daniel 10:18

Jejenö yöta̧liökwe, jojodanö ichejekwo̧ma yemidanö ötjönö mainobe, ja̧danö chujuluwachibanö pjaatinobe.

Lucas 22:32

Jo̧kwajabetjö̧ isabenö Awetjama sulabenö ja̧köbojobö jö̧ba̧lö ja̧akobe Simón, jo̧kwaijayonö ötjöbi Diosnö atebajabe, ötjönö kwösödi̧ma waekwapji jö̧ba̧lö. Ja̧danö, sulabenö ja̧köbojobö jö̧ba̧lö Awetja edö ja̧ajökwe, sulabenö ja̧köbijayonö, sulabenö kwomukwati̧ kabatibö kwöbalewachajenama kwö̧ja̧wo̧dö ötjönö ösödadönö tjujuluwachibanö pjakato— jö̧ba̧lö yöawinobe Jesúsma, Pedronöma.

Hechos 18:23

Antioquíanö obukwobeda lekwe ja̧jo̧ Pabloma kwebachö 'yi̧jetö Galaciabebi, Frigiabebi. Jobe kwebachö yöbawö pjabatijetö Jesúsnö ösödadönöma, tjo̧'wo̧ luwo̧nö jemi tupakwö juluwachibanö tji̧'yobö.

Hebreos 12:12

Jo̧kwaobetjö̧ chömöledö, Dios yöbawö kwabö lȩebi̧ma ökwödö kwöda̧peachaduwinö pjaatobetjö̧, kakatibaduwoko, ¡Ayö! Chime'dawachiba, katatiba, jö̧ba̧lö. Chömöledö ja̧ kwime'dawachibaduwitjö̧ juluwachibö kabatibökönö kwi̧'yaduwo kwo̧'wo̧ luwo̧duwinö.

Jueces 7:11

jobadö yötja̧lakwawi̧ kwa̧ja̧kwobö. Ja̧danö, yötja̧lakwawi̧ a̧ja̧kwö, kwujuluwachibanö kwa̧ja̧kwakwo̧ja, yebabökönö tjabobe mekibakobetjö̧, —jö̧ba̧lö. Yöawökwe, Gedeonma ömöayo̧ Furakwö tjöpöjojodötjö ölakwabikwawadö tjabemibe yöne i̧'yinobe.

1 Samuel 23:17

Jonatanma Davidnö yöa̧linobe, —Chabe'do ökwönö isakwijayonö, yebabökönui, chabe'do Saulma ökwönö öbadekwajökakobe. Isabenö ökwöma israel jojodö la'aka tjuluwo̧ bakibakwo̧ja, ja̧danö ötjöma kwömöayo̧ ja̧nö kwipjea jojo chö̧jakwo̧sa. Chabe'dobi ja̧ wene öwaisobe, isabenö ökwöma israel jojodö la'aka tjuluwo̧ bakibakwo̧ja, jö̧ba̧lö ja̧danö ötjöma kwömöayo̧ chö̧jakwo̧ja, jö̧ba̧lö öwaisobe chabe'do Saulma, —jö̧ba̧lö yöawinobe Jonatanma.