Isaías 34:9 - Dios Iwene

⁹ Ja̧ möle Edom niji ojwebiyama, yȩa'beda baibakobe, ja̧danö nijima, azufre baibakobe, ja̧danö niji ba̧kwemeachibanö, yȩa'beda babibö ubakobe, Edom niji bakobe suli̧ waekwinö.

Isaías 34:9 ပူးပေါင်းရင်းမြစ်များ

Génesis 19:28

Sodomakwö Gomorrakwö okobe jwiinö niji ba̧ba̧lawobekwö edemi imiyu'woda nijitjö kaamijetö, isa'wo nöa'wo ubajobedanö.

Diosnö ösödo̧ Job mikwo̧ usula emawina jawa 18:15

Jo̧ba ejuma, iteda ömöledötjö bakwo̧bi deejuda ja̧kweju, ja̧danö inesö suli̧ jobetjö dichö lotjakobetjö̧, ubi̧ jawa azufre lilitjakwedö.

Isaías 30:33

Wanedö yöta̧la: Damötjö Asiria la'aka luwo̧nö juwö loakwemi omudawö ujuninobe Diosma, jalemi ja̧danö da̧kwemi juwö loakwemima, ja̧danö ida̧ökö imi jobe ujunajabe, nöinö imi ko̧ko̧dajo̧ ujunajabe. Ja̧danö, jobe junajo̧, inesö ubinö ubola nötedö pjuakwo̧ Isabenö Jo̧ma, Asiria la'aka luwo̧nö lȩbebö juwö loakobetjö̧.

Lucas 17:29

Ja̧danö, Lot Sodomatjö laebenama, iya̧da möleda mölejȩbetjö ubi̧ öwiyabi tubi̧bi tjoduwinobe, ja̧danö okobe deinö jobadönö söbebö loinobe.

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?

Apocalipsis 19:20

Jo̧kwaijayonö kabayu dewo̧ wamenö wo̧ma, iteda ömöayedökwö ojwe okwatjö labebinanö do̧a̧lobe chedijatö. Ja̧danö, böjȩ teebetjö labebinanö, Dios iwene yöbawo̧sa, jö̧ba̧lö, omöna yöba̧lo̧nöbi do̧a̧lobe chedijatö. Ja̧danö, jo̧ba böjȩ teebetjö labebinama, ujulu i̧sebö jojodönö jelobekwö tjomukwatinö öbibo̧, ojwe okwatjö labebinanöbi, jo̧ba o̧'wo̧ jawabi tjösödinö. Ja̧danö, jo̧bama, jojodönö jelobekwö tjomukwatinö, tjöbanöbi, tjömamiju tjöwaisobekwöchobesamunöbi ojwe okwatjö labebina imi seyu do̧bö wȩyukwa tjösödobö öbibo̧. Ja̧danö, kabayu dewo̧ wamenö wo̧ma, jobadö du̧ju̧tajanöma, ina 'yaba̧ladönöma, ökwöla nöola okwa loobe chedijatö, jwiinö tubinö azufre mikwi̧ ubolanö.

Apocalipsis 21:8

Jo̧kwaijayonö jejenömaökö ju'wedönöma. Yebabinö, ¡Ayö! Diosnö chösöditjö̧ma inia tjötinö baledena, jö̧ba̧lö, yebabo̧danö yebabinadönöma otiwi̧ma chiyökakwo̧sa. Ja̧danö, Diosnö kabatibinadönöbi, ja̧danö, sulabedökwö pjabacha̧linadönöbi otiwa jawama chiyökakwo̧sa. Jobadönö ökwöla nöola okwa lotakwo̧sa. Ja̧danö, tji̧lȩkwa̧muböködökwö sulabenö ja̧binadönöbi, ja̧danö, jojodönö kwabö lobinadönöbi, ja̧danö, mea bobinadönöbi, ja̧danö, ju'wedö tjo̧'wo̧ tjöwana̧lobö tjotidinökwenö tjo̧'wo̧ wana̧linadönöbi, ja̧danö, bakwelajatebö omöna yöba̧linadönöbi, jobadönöma ökwöla nöola okwa lotakwo̧sa. Jobema jwiinö tubinö ubobe, azufre mikwi̧ tubi̧ma. Joola okwa lotji̧ma, 'dö̧ibaji̧ woawa mikwemi, jö̧ba̧lö weijatö Diosma ötjönöma, chiwȩyudobö.