Isaías 34:2 - Dios Iwene

² Isabenö Jo̧ma ödameakwobe tjitebotenia jojodönö, jwiinö dameakwo̧ tjitebokwena ölakwabikwawa jojodönö, ja̧danö dameakwö jobadönö söbebö loakobe, ö'wö batjibanö lȩbebö loakwo̧.

Isaías 34:2 ပူးပေါင်းရင်းမြစ်များ

Éxodo 8:14

Egipto jojodöma jwo̧i̧dö wobawajadönöma ko̧ko̧dö lödijadötö okobe jwiinö Egiptotjöma. Jwiinö woijetö okobe jwiinö Egiptoma.

Isaías 10:5

Baikwö yöawobe Diosma: —Isabenö lȩtebakwawö̧ Asiria jojodönö. Jobadö Asiria jojodöma, ö̧sö̧'a inesö chödameakwi̧ ichejekwö̧'adanöbedö, ja̧danö jobadönötjö̧ lȩtebobe chödameakwawö̧nöma.

Isaías 13:5

Ja̧danö jobekwö o̧ko̧kodajawö̧, ödö tjitebo, bö̧jȩ bajale ji̧ tjitebotjö ichadö. Jau, ja̧ ökwöi̧ kwa̧ja̧kwaduwi̧ma, Isabenö Jo̧ lȩebakwa̧ tjotidakwedö tjichobe ökwöobe, ja̧danö weawö̧, jwiinö söbebö lotjakwedö Babilonia nijima.

Isaías 13:6

—Ökwödö Babilonia jojodöma yebabinö kwubudekwaduwo, Isabenö Jo̧ lȩebakwa̧ möle yöneawachibobetjö̧. Ja̧danö badedö ujunina möle badekwachenama, Okobe Jwiinö Juluwo̧ Dios söbebö loakwa̧ badekwachakobe.

Isaías 26:20

Isabenö jobekwö pjaatakwo̧ yadakwö chömöledö. Jo̧kwaijayonö babema dameakwö lȩbebo̧ Diosma chömöledö, jo̧kwajabetjö̧ okwasȩko̧ tebachö, apjude kwutumataduwo chömöledö. Ja'yubenö lekwe kwu̧ju̧kwawaduwo, Dios dameakwö lȩebi̧ma 'dö̧ibajenanö kabatö.

Isaías 30:25

Dios kwöpöjojodöduwinö lȩbebö, yelösöda ba̧jȩkwadönö söbebö lobö, tjitea tjöekwaka söbebö loakobe. Jemi ikenama, kwiteboduwitjö tjöekwa ökiya söbebö loinelö, mösa'iju möa'otjöbi, ju'wi mösa'oteniatjöbi ojwe otiwanö isuwobö weakwo̧.

Isaías 61:2

Jau, Isabenö Jo̧ jojodönö ösödö pjaatakwa̧ o̧ba badekwachaja̧ yötawobö weinobe, ja̧danö duluwo̧ Dios dameakwö lȩebakwa̧ möle badekwachaja̧ yötawobö, ja̧danö okobe deinö budekwadönö tjo̧'wo ösöwachibanö pjatatobö weinobe.

Isaías 63:6

Jwiinö dameakwö ja̧nö, chömöledö tjöpöjojodö tjitebotenia jojodönö ja̧tö lotijatö. Jau, inesö chödameakwi̧ ji̧ owawa chojwebijatö jobadönö, ja̧tjö jwiinö 'dukwachawö̧ batjibanö, ja̧danö tjökwösobuma, nijinö tobebö lotijatö, jö̧ba̧lö wanedö atadobe Diosma.

Isaías 65:12

Jo̧kwaijayonö, ötjödasa ökwödönö baledakwa̧ omudawö juno̧ma, jobadömaökö. Ja̧danö jobekwö sulabenö ja̧köbaduwi̧tjö̧, ökwödönö baledakwa̧ma baikwö yötawaduwakwö: Ökwödönö jwötenama, atadökönö ji̧nadöja, ja̧danö ökwödönö yötawenama, a̧ja̧kwinöködöja. Weti̧ öpöjödö, chöba a'otjö sulabenö ja̧binadöja, jwaikwöda inesö chöpöjödi̧ jawada ja̧köbaduwobö omudawö juninadöja. Jo̧kwajabetjö̧, ökwödönö baledakwa̧ baikwö omudawö chujunajabe, ökwödönö dȩdȩbö lotjakwa̧ omudawö chujunajabe, ja̧danö dȩdȩbö lotjajawö̧ meköbaduwakwedöja.

Isaías 66:14

Ja̧danö chömöledö, jobekwö baledobe edö, kwo̧'woduwi ösöwachibanö kwö̧jaduwakwedöja. Dios otiwanö pjaatobetjö̧, meje'ye juluwanö pokwi̧danö, juluwanö kwujuluwachibaduwakwedöja. Jau, ja̧ möle iteda ömöayedönö otiwanö pjaatiawö̧, okobe deinö edö tjöawaisakwedö, —Diosma isabenö juluwo̧, iteda ömöayedönö otiwanö pjaatakobetjö̧, —jö̧ba̧lö. Ja̧danö ju'wibi edö tjöwaisakwedö, —Diosma isabenö dameakwö lȩbȩbo̧, iteda öpöjojodönöma, —jö̧ba̧lö.

Isaías 66:16

Jau chömöledö, bö̧jȩ ba̧kwemeachibanö ju̧kwadönö lȩebakobe Isabenö Jo̧ma, ökwölanöbi, iteda itea kwölöte'onöbi labinö lȩebakobe, isabenö ba̧jȩkwadönö lȩbebö loakobe Isabenö Jo̧ma.

Romanos 1:18

Jau chömöledö, Dios yöawi̧ öpöjödadönö lȩbebo̧ mölejȩbe jo̧ Diosma. Okobe deinö sulabenö ja̧badö, ju'wedö Dios iwene tja̧ja̧kwapji jö̧ba̧lö sulabenö ja̧badönö lȩbebo̧ Diosma.

Josué 11:20

Jejenö baledinama, Isabenö Jo̧ Diosda baledobö ja̧ina. Isabenö Jo̧ma canaan niji ju̧kwadö tjo̧'wo 'diachibanö weinobe, israel jojodökwö tjölakwabikwawobö, israel jojodö jobadönö lȩlöinö tjedapji jö̧ba̧lö. Damötjö Isabenö Jo̧ma Moisesnö weinobe, lȩlöinö edökönö, okobe deinö canaan niji ju̧kwadönö kwabawö lotjobö, ja̧danö jejenö weinadanö kwabawö lotjakobetjö̧, canaan ju̧kwadö tjo̧'wo 'dibachibö tjölakwabikwawobö weinobe.

Apocalipsis 20:15

Ja̧danö, jojodöma, ba̧kwȩlö̧jatebö ja̧kwawa juna̧ladö tjimi ba̧ja'ye okwa wȩyukwöködöma, joola, ökwöla ubola nöola okwa ba̧kwȩlö̧jatebö tjö̧jakwedö.

Apocalipsis 20:9

Ja̧danö, jobadö ölakwabikwawö tji̧'yobema chedijatö. Böjȩ okobe jwiinö, Dios ömöledö babibinadö tjuju̧kwobekwö ölakwabikwawö tji̧'yobe chedijatö. 'Ya̧jadöma, Dios ösödemi comunidad ichibö, i̧sȩko̧ baibanö tjö̧jobe chedijatö, Dios ömöledö babibinadö tjuju̧kwenama, jobadönö ölakwabikwawö tjujuluwobö. Jo̧kwaijayonö mölejȩbetjö ökwöladanö ji̧ tjoduwobe chedijatö, jobadö wotjawinö.