Isaías 32:6 - Dios Iwene

⁶ Isabenö wajwibö, jweinö omukwatöködönö otiwanö kwomukwataduwobö jwiobe chömöledö, jobadöjayedöma sulabenö yötja̧lobetjö̧, jadanö sulabenö jatjobö omukwatö isakwadö. Jobadöma Dios öpöjödi̧ jawa sulabenö jabadö, ja̧danö Isabenö Jo̧nö yötja̧lenama, jweinö yöba̧lökönö ö'öbönö sulabenö yöba̧ladö Isabenö Jo̧nö. Ja̧danö ju'wibi a̧wi̧chi̧ tjöbadönöma, kwakwawa iyöködö tjukwobö, ja̧danö o̧ti̧tjö tjöbadönö ojwiyo iyökönö, sulabenö a̧'dȩladö.

Isaías 32:6 ပူးပေါင်းရင်းမြစ်များ

Proverbios 19:3

Ja̧danö, ju'wibi yötawa: Isabenö, bakwo̧ jweinö omukwatökönö ö̧jobetjö̧ itedada wene jwöbekwo̧. Jobekwö jo̧banö wene nöinö baledena iteda jawaijayonö Isabenö Jo̧nöda o'wo̧ sulinö edö labinö jwöbeba̧lo̧, ökwöda jawa, jö̧ba̧lö.

Proverbios 24:7

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧ yötawakwö: Sulabenöda omukwatö jo̧ma jweinö omukwatadö yötjawi̧ma do̧batö̧kö̧. Jo̧kwaobetjö̧ la'akatjöda jweinö omukwatö ö̧jobö öwaisachibökakwo̧. Ja̧danö, jojodö tju̧ju̧kwemi teachakwawemi jojodö yöba̧lakwawö tjo̧ko̧ko̧kwena jo̧ba sulabenö omukwato̧ma wi̧inöda jo̧, mikwawi̧ jawa yöa̧li̧ma jwiobetjö̧.

Isaías 10:2

Jwibadönö pjakataduwo jö̧ka̧laduwenama, sulabenö pjabatöködöja, jadanö lȩekwa luwedö chömöledö israel jojodötjö usula jojodönö pjatjato jö̧tja̧lenama, pjatjatapji jö̧ba̧lö tjöbeba̧ladöja. Jau, tjilekwamu wobekwinadönöbi, löyödönöbi pjakataduwo jö̧ka̧laduwijayonö, pjabatökönö tjitea sulabenö 'döbebö tjö̧naukwobö webadöja, sulabenö.

Isaías 10:6

Jobadönö wetajabe, israelsaso Diosnö tjösödököso jojodönö metjibobö. Jwiinö chödameakwawö̧nö metjibobö wetobe Asiria jojodönö, israel jojodönö juluwajadö, söbebö lobö tjitea 'döbebö tjemakobetjö̧, ja̧danö manatjö lete'o ja̧tö lotji̧danö, jobadönö ja̧tö lotjakobetjö̧.

Isaías 26:10

Jweinö lȩkebi̧ma isabenö otiwa chuluwo. Sulabedönö lȩbebökönö, jobadönö dösölö̧jinö kweditjö̧ma, sulabenö tjomukwati̧ kabatibökönö, weköbi̧ a̧ja̧kwökönö tjö̧jo jö̧tja̧lena. Weköbi̧ a̧ja̧kwö ju̧kwadö tjö̧'dade ja̧nö, jwaikwöda sulabenö jabö tjö̧jo jö̧tjalena. Jau, sulabedönö lȩkebökötjöma, ökwönö tjöwaisachibökena, —Isabenö Jo̧ Diosda inesö la'aka luwo̧ma, —jö̧ba̧lö tjöwaisachiboko jö̧tja̧lena.

Isaías 3:15

Jobekwö ötjöda chömöledö juda jojodönö suli̧ kwöwaedaduwobö jwibadöja, ajayitjö bajalekwönönö usula jojodö usula tjemawinö kwöwaedaduwobö jwiobe, isabenö sulabedöja, —jö̧ba̧lö lȩbebö yöawakobe Okobe Jwiinö Juluwo̧ Isabenö Jo̧ Diosma, Juda jojodötjö luwedönö.

Isaías 31:2

Isabenö Diosnö kwomukwataduwo jö̧ka̧laduwobe chömöledö. Diosma isabenö waisanö omukwato̧, ja̧danö waisanö omukwatö, söbebö lobö lȩebakwo̧. Jo̧bama isabenö jö̧a̧li̧danö ja̧bo̧, ida̧ökö yöawajabe, sulabenö ja̧badönö lȩebakwa̧ wenema, ja̧danö sulabenö ja̧badönö pjabatadönö lȩebakwa̧ wenema, ja̧danö isabenö yöawaja̧danö ja̧akwo̧, la'akatjöda yöawajöködanö ja̧ökakwo̧.

Isaías 59:13

—Ökwö Isabenö Jo̧ weköbi̧ a̧ja̧kwö dö̧jakwedösa, —jö̧da̧linajayonö, a̧ja̧kwökönö sulabenö ja̧badösa. Ja̧danö ökwö dösödökwe ökibi̧danö, kwökömanö ludo jö̧da̧lijayonö, jalachibö kadatibajabe. Ökwödöma jojodönö suli̧ waedö, sulabenö omöna yöba̧ladösa, domajadenö sulabenö omukwatajadö, omöna yöba̧ladösa. Jobekwö usula tjemawinö sulabenö ja̧badösa chuluwo̧ Dios, isabenö kwöba a'otjö wene juna̧ladösa.

Isaías 59:7

Ökwödöma sulabenö ja̧köbaduwotö jö̧ba̧lö juluwanö ö'öbakwawadöja, juluwanö jojodö sulabenö ja̧böködönö kwabö lobadöja. Kwomukwataduwi̧ma, jwaikwöda sulabenö Dios öpöjödi̧ jawa omukwatadöja, ja̧danö kwekachaduwii̧tenia suli̧ waedadöja, kwekachaduwaja̧ okobe söbebö loawemida ji̧bi̧nö.

Isaías 9:17

Jobekwö sulabenö tjö̧jiökwe, o̧'wo ösöwanöma omukwatö̧kö̧ Isabenö Jo̧ma, israel jojodötjö möayedödanö juluwadönöma, ja̧danö lȩlöinö edö̧kö̧ löyödönöbi, tjilekwamu wobekwinadönöbi. Jau, okobe deinö israel jojodöma bakwainö Diosnö ösödökönö ju̧kwadö, ja̧danö bakobe sulabenö ja̧badö, ja̧danö bakobe sulabenö mikwawökö ji̧ jawada yöba̧ladö. Jo̧kwajabetjö̧, jobekwö ina sulabenö tjö̧jiökwe, ina jobadönö inesö ödameakwi̧ma kabatibö̧kö̧ Diosma, ja̧danö ina ömamu debatö jo̧, tupakwönönö jobadönö kwaakobetjö̧.

Daniel 12:10

Ja̧danö baikwö yötawakwö, ba̧jekwadö tjo̧'wo̧ luwo̧ tjusula otiwanö dichö lotjakobe, okwanö bakwainö dewadö batjibanö, jo̧kwaijayonö sulabedöma ina tupakwönönö sulabenö ja̧bö tjö̧jakobe. Ja̧danö sulabedöma la'akatjöda ökwönö yötawaja̧ jawa tjöwaisachibökakobe, jo̧kwaijayonö waisanö omukwatadöma kwiwȩyudi̧ yöba̧lö edinö tjöwaisachibakobe.

Mateo 15:19

Jau chömöledö, okobe jwiinö sulabenö tjomukwati̧ma, tjomajadetjö laebi̧, jojodönö kwabö lotjobö tjomukwati̧bi, tji̧lȩkwa̧muböködökwö sulabenö ja̧awa ja̧danö ju'wibi sulabenö 'da̧'da̧akwawa ja̧awa ja̧tjobö tjomukwati̧bi, tjönaukwobö tjomukwati̧bi, omöna yötja̧lobö tjomukwati̧bi, jojodönö sulabenö yötja̧lobö tjomukwati̧bi.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Santiago 1:27

Ja̧danö, Dios, ökwödö Dabe'do Diosma ¿dakwö yöawobeda, Biya̧ ötjönö inesö kwösödaduwi̧ kwi̧sekwaduwi̧ma, jö̧ba̧lö? Biya̧ chö̧ja̧wo̧dö, Diosnö jwiinö inesö dösödi̧ma: Usulasedönö, tjabe'do tjojo'do debadönöbi, tjilekwe wotjinawö̧nöbi pjadatobö jo̧be, usula tjemawena. Ju'wi jawabi chö̧ja̧wo̧dö, biya̧: Böjȩnö ju̧kwadö sulabenö ja̧tji̧tjö 'da̧bachibö dö̧jobö jo̧be, ja̧ suli̧kwö pjabacha̧lökönö. Jejenö kwö̧jaduwo chö̧ja̧wo̧dö, Dios kwö̧jaduwobö ösödi̧danö, jo̧ba iwene ösödinö a̧ja̧kwö.

1 Samuel 24:13

Jau chuluwo̧, da'dödö yötja̧li̧ma baikwö laebobe, –Sulabedöma, jwaikwöda sulabenö ja̧badö, –jö̧ba̧lö, ja̧danö ötjöma isabenö sulabo̧chitjö̧ma, ökwönö sulabenö ja̧to jö̧ta̧lajena. Jo̧kwaijayonö sulabö̧kö̧sa, ja̧danö la'akatjöda ökwönö sulabenö ja̧bö chujuluwoböma chisakwökakwo̧sa.